Временска прогноза
Студен бран се движи кон нашиот регион, од четврток утринските температури ќе се спуштат до 5°C

Под влијание на СТУДЕН БРАН од север, кој ќе пристигне утре попладне и навечер и ЗНАЧИТЕЛНО ќе ги спушти температурите на воздухот, особено оние минималните (ноќните и утринските температури). Овој бран ќе услови и појава на краткотраен локален пороен дожд и ретки грмежи во текот на утрешното попладне, особено во северната половина од државава.
Денес и утре максималните температури ќе се искачуваат во интервалот од 25 до 33 степени. Додека од четврток максималните температури ќе бидат пониски и ќе се искачуваат во интервалот од 21 до 29 степени во најтоплите предели. Утре попладне и навечер, како и во четврток ќе дува умерен, Долж Повардарието повремено ЗАСИЛЕН ветер (околу 60 км/час) и од северен и од северозападен правец.
Особено ниски утрински температури ќе имаме од четврток кога ќе се спуштаат во интервалот од 5 до 16 степени во најтоплите предели од државава, па доколку излегувате рано наутро ЗАДОЛЖИТЕЛНО со вас да понесете ПОТОПЛА облека. Овие температури ќе бидат и под просекот за овој дел од годината, односно ќе биде ПОСТУДЕНО од вообичаеното.
Во Скопскиот регион за време на овој студен бран се очекуваат минимални температури од само 10 степени, додека максималните ќе бидат значително пониски и ќе се искачат до околу 25 степени. Сето ова ќе биде проследено со засилен северен и северозападен ветер, особено утре попладне и навечер, како и во четврток.
Одсега гледано, позначителна промена на временската состојба ќе имаме за време на викендот кога се очекува дестабилизирање на времето кај нас и врнежи. Состојбата ќе се следи.
Извор: Славчо Попоски
Временска прогноза
Попоски: Од денес па натаму висок УВ индекс и температури до 40°C

Територијата на нашата Република Македонија од денес (понеделник 23 јуни па се до петок 27 јуни) ќе биде под влијание на засилен топол бран од Африка и истиот ќе услови многу топло и сончево време со мала локална облачност. Ќе дува слаб до умерен ветер од променлив правец.
Што се однесува до температурите тие ќе бидат многу високи, а особено високи температури ќр имаме од среда до петок кога максималните дневни ќе се искачуваат во интервалот од 32 до 40 степени.
Во Скопје температурата ќе се искачува до околу 39/40 степени, особено од среда до петок. И во Скопскиот регион ќе дува слаб до умерен ветер од променлив правец.
УВ ИНДЕКСОТ за време на овој засилен топол бран од Африка ќе има екстремно висока вредност и ќе изнесува коефициент 9. Токму поради ова апелирам граѓаните без потреба да не излегуваат во најтоплиот дел од денот, односно од 11 до 17 часот, но и да пијат повеќе течности.
– Барем одсега гледано, освежување на времето, пад на температурите, но и дестабилизирање на атмосферата ќе имаме во петок во попладневните и во вечерните часови кога ќе има појава на локална нестабилност со пороен дожд, грмежи, засилен ветер и можност за ново локално невреме, утрово информираше Славчо Попоски
Временска прогноза
Претежно сончево и по свежо на утро со северен ветер

Под влијание на стабилна, сува и посвежа воздушна маса од север, викендов повремено ќе засилува ветерот од северен правец, особено денес (сабота 21 јуни), додека утре (недела 22 јуни) ветерот ќе биде со слаб до умерен интензитет и од променлив правец.
Времето ќе биде претежно сончево со појава на мала локална облачност.
Температурите ќе бидат пониски за разлика од оние кои ги имавме до вчера (петок 20 јуни) и тоа за 3 до 4 степени и максималните дневни температури викендов ќе ни се искачуваат во интервалот од 24 до 32 степени. Во Скопје максималната температура ќе се искачи до околу 31/32 степени.
Наутро пак ќе биде значително посвежо со минимални температури кои ќе се спуштаат во интервалот од 7 до 18 степени, предмалку информираше Славчо Попоски
Временска прогноза
Бран кој носи дожд се спушта над Македонија, првично кон север потоа кон западните делови

Во моментов, од север кон Македонија се спушта влажен фронтален бран кој со себе нови локални но поројни врнежи од дожд, проследени со грмежи и засилен ветер. Ова значи дека во следните часови најпрвин во северните, а потоа и во западните предели ќе има локална појава на пороен дожд, грмежи и засилен ветер во зоната на нестабилност.
Уште од следните часови можна појава нестабилност, пороен дожд, грмежи и засилен ветер можна е и во делови од Скопскиот регион.
Во текот на денов кај нас следува ново големо дестабилзирање на атмосферата. Многу повеќе детали токму оволу ова следуваат наскоро, утрово информираше Славчо Попоски
-
Хороскоп1 ден
Хороскоп за четврток (26 јуни)
-
Кичево2 дена
(ФОТО) Гори ниска шума и дива депонија во атарот на с.Туин кичевско, ТППЕ Кичево уште на терен
-
Хороскоп8 часа
Хороскоп за петок (27 јуни)
-
Lifestyle2 дена
Дали навистина треба да се плашиме од семките од лубеница? Еве што се случува кога ќе ги проголтате
-
Македонија16 часа
Нов случај на измама: Старица дала огромна сума пари на таканаречен лекар кој и кажал лоша вест за ќерката
-
Lifestyle2 дена
Како да го разладите домот без клима: Три едноставни трикови
-
Автомобили2 дена
Како да ја надминете летната жештина од 37 степени во автомобил: Трикови што навистина функционираат
-
На денешен ден1 ден
Времеплов: На денешен ден – 26 јуни