Спорт

Судиска анализа на комисијата, само една грешка на арбитрите од ПМФЛ и ВМФЛ

Објавено пред

2 години

на

октомври 12, 2022

Од

Порта.мк

Судиска комисија ги разгледа спорните моменти од 10 коло на ПРВА МФЛ, и ги донесе следните заклучоци:

На натпреварот ФК.Тиквеш – ФК.Македонија Ѓ.П одигран на 08.10.2022 година, анализирани се ситуациите од 43 до 48 минута.

Главен судија: Јован Качески. Помошни судии: Давор Цветановски и Мартин Петковски.

43 минута: ПОГРЕШНА ПРОЦЕНКА НА ГЛАВНИОТ СУДИЈА (Не досуден слободен удар)
Двајца противнички играчи беа во борба за топка на средината на теренот, играчот од екипата на домакините невнимателно во борба за топката,за да се оттргне од играчот на гостите со испружена рака направи прекршок. Играчот на домакините ја освои топката, ја додаде до свој соиграч каде имаше уште 3- 4 додавања, беше одбранета и од голманот на гостите, па постигнат гол.

Во оваа ситуација, голот се постигнува после неколку додавања помеѓу соиграчите на домаќините, поради тоа голот е регуларен.

48 минута:ДОБРА ПРОЦЕНКА НА ГЛАВНИОТ СУДИЈА (Досуден удар од 11 метри).

Во шеснаесетникот на гостите, играч од нападот на домаќините шутираше кон голот на гостите, играчот од одбраната на гостите сакајќи да ја блокира топката направи лизгачки старт со рацете високо подигнати и во неприродна положба и топката го удри во раката (лактот) .

Исправна одлука на главниот судија, досуден удар од 11 метри за игра со рака која беше во неприродна положба и доделен жолт картон за играчот, бидејки шутот беше упатен кон голот.

На натпреварот Фк.Силекс-Фк. Победа одигран на 09.10.2022 година, анализирана е ситуацијата од 57 минута.

Главен судија: Стојанче Стојанов. Помошни судии: Кристијан Џонов и Тоше Ицев.

57 минута: ДОБРА ПРОЦЕНКА И СОРАБОТКА НА ГЛАВНИОТ СУДИЈА И ПРВИОТ ПОМОШЕН СУДИЈА (Недосуден удар од 11 метри)

Центрирана топка во 16- сетникот на гостите, при центаршутот топката го удри во рака играчот од одбраната на гостите која му беше спуштена доле и во природна позиција, исто така и дистанцата беше кратка.

Исправна одлука на главниот судија во соработка со првиот помошен судија (ситуацијата се одвиваше пред него) што дозволија играта да продолжи, бидејки во ваква ситуација кога раката на играчот е во природна положба не се досудува казнен удар.

На натпреварот ФК.Академија Пандев-ФК.Шкупи одигран на 09.10.2022 година, анализирани се ситуациите од 33 и 80 минута.

Главен судија: Крумислав Ѓорѓиев. Помошни судии: Гоце Петрески и Даниел Василевски.

33 минута: ДОБРА ПРОЦЕНКА НА ГЛАВНИОТ СУДИЈА (Доделен втор жолт-ЦРВЕН картон)

Играч од одбраната на гостите пред својот шеснаесетник го намерно и неспортски го влечеше за дрес играчот од нападот на домакините, до кого беше додадена топката, но со грб свртен спрема голот на гостите.

Исправна одлука на главниот судија што додели жолт картон за неспортско (блатантно) влечење, бидејки тоа беше вторт жолт за играчот, автоматски му беше доделен ЦРВЕН картон.

80 минута: ДОБРА ПРОЦЕНКА НА ГЛАВНИОТ СУДИЈА (Доделен втор жолт-ЦРВЕН картон)

На средина на терен играчот од екипата на гостите невнимателно стартуваше на ногата (колено) на играч од екипата на домакините и направи прекршок.

Исправна одлука на судијата, доделен жолт картон и бидејки тоа му беше втор жолт, автоматски му беше доделен ЦРВЕН картон. Да се напомене, ако стартот беше со поголем интензитет тогаш дисциплинска мерка треба да е директен црвен картон.

На натпреварот ФК. Шкендија – ФК.Брегалница одигран на 09.10.2022 година анализирана е ситуацијата од 86 минута.

Главен судија: Александар Ставрев. Помошни судии: Дејан Костадинов и Куштрим Лика.

86 минута: ДОБРА ПРОЦЕНКА НА ГЛАВНИОТ СУДИЈА (Доделен втор жолт – ЦРВЕН картон)

Играч од нападот на домакините беше во посед на топката на 35 метри од голот на гостите, на него стартуваше (на нога) играч од одбраната на гостите, кој не му беше цел да игра со топката туку да направи прекршок.

Исправна одлука на судијата, доделен жолт картон за стартот, бидејки тоа беше втор жолт за играчот, автоматски му беше доделен ЦРВЕН картон.

На натпреварот ФК.Скопје- ФК.Работнички, немаше спорни ситуации за судиска анализа.

Судиска анализа за 7 коло од ВТОРА МФЛ за сезона 22/23

Судиска комисија ги разгледа спорните моменти од 7 коло на ВТОРА МФЛ, и ги донесе следните заклучоци:

На натпреварот ФК. Воска- ФК.Слога Виница одигран на 08.10.2022 година анализирана е ситуацијата од 14 минута.

Главен судија: Александар Урошевиќ. Помошен судија: Дарко Јовчевски и Идриз Идризи.

14 минута: ДОБРА ПРОЦЕНКА НА ГЛАВНИОТ СУДИЈА (Досуден удар од 11 метри)

Центрирана топка од удар од агол за екипата на домакините, топката дојде до играч од екипата на домакините кој пред да ја удри топка со глава, беше повлечен за рака од играч од одбраната на гостите и беше спрачен да игра со топката.

Исправна одлука на главниот судија, досуден удар од 11 метри за влечење противнички играч.

На натпреварот ФК. Беса – ФК.Тетекс одигран на 08..10.2022 година анализирана е ситуацијата од 20 минута.

Главен судија: Марјан Стојановски. Помошен судија: Осман Зекири и Мишо Ѓорѓиоски.

20 минута: ДОБРА ПРОЦЕНА НА ГЛАВНИОТ СУДИЈА (Досуден удар од 11 метри)

Играч од нападот на гостите ја имаше во посед топката, свртен со грб спрема голот и странично во шеснаесетникот на домакините, на него несмасно стартуваше играч од одбраната на домакините и го удри играчот во ногата( листот).

Исправна одлука на главниот судија, досуден удар од 11 метри без дисциплинска мерка.

На натпреварот ФК. Детонит – ФК.Пелистер одигран на 09.10.2022 година анализирана е ситуацијата од 60 минута.

Главен судија: Игор Стојчевски. Помошен судија: Зоран Саздовски и Александар Недевски.

90 минута: ДОБРА ПРОЦЕНКА НА ГЛАВНИОТ СУДИЈА (Досуден удар од 11 метри)

Центрирана топка од слободен удар за екипата на домакините странично од голот на гостите, центрираната топка дојде до втората статива од голот на гостите, каде што играчот на домакините сакајки да ја удри топката со глава при скокот беше влечен за дрес од играч од одбраната на гостите и спречен да игра со топката.

Исправна одлука на главниот судија, досуден удар од 11 метри, исправно доделен жолт картон за влечење за дрес,спречување на играчот да игра со топка.

На натпреварот ФК. Борец – ФК.Охрид одигран на 09.10.2022 година анализирани се ситуациите од 55 и 82 минута.

Главен судија:Бењамин Керими. Помошен судија: Александар Николовски и Филип Николов.

55 минута: ДОБРА ПРОЦЕНКА НА ВТОРИОТ ПОМОШЕН СУДИЈА (Недосудено офсајд позиција)

Играч од екипата на гостите беше во посед на топката, истиот ја додаде до свој соиграч кој во моментот на додавање беше во линија со предпоследниот играч од одбраната на домакините и постигна гол.

Исправна одлука на вториот помошен судија, голот е регуларен.

82 минута: ДОБРА ПРОЦЕНКА НА ГЛАВНИОТ СУДИЈА ( Доделен ЦРВЕН картон)

Во прекин игра, играч од екипата на домакините сакаше да спречи брзо изведување на слободниот удар за гостинската екипа, дојде до конфронтација и играчот од домакините со рака го удри во пределот на градите играчот од гостите, а потоа и го одтурна во пределот на вратот.

Исправна одлука на главниот судија, доделен црвен картон за играчот од домакините.

На натпреварот ФК. Гостивар- ФК. Беласица одигран на 09.10.2022 година анализирани се ситуациите од 22 и 77 минута.

Главен судија:Александар Василевски. Помошен судија: Горан Милошевски и Бесарт Абдули.

22 минута: ДОБРА ПРОЦЕНКА НА ВТОРИОТ ПОМОШЕН СУДИЈА(Досудено офсајд позиција)

Играч од екипата на домакините шутираше кон голот на гостите, топката дојде до негов соиграч кој во момент на шутот беше позади предпоследниот играч од одбраната на гостите , ја удри топката и постигна гол.

Исправна одлука на вториот помошен судија, досудено офсајд позиција бидејки играчот во момент на додавањето од својот соиграч се наоѓаше позади предпоследниот играч од одбраната на гостите.

77 минута: ДОБРА ПРОЦЕНКА НА ГЛАВНИОТ СУДИЈА (Не досуден удар од 11 метри)

Играч од екипата на домакините беше во посед на топка страничноо во 16- сетникот на гостите, дојде до минимален контакт со играч од одбраната на гостите, и тој контакт играчот на домакините сакаше да го искористи да изнуди удар од 11 метри.

Исправна одлука на главниот судија играта да продолжи, одлична поставеност и прегледност на судијата во оваа ситуација, контактот беше минимален и недоволен за да се досуди удар од 11 метри.

На натпреварот ФК. Саса – ФКВардар одигран на 09.10.2022 година анализирани се ситуациите од 24 и 48 минута.

Главен судија: Игор Иванов. Помошен судија: Андреј Ќамилов и Александар Ајдаров.

24 минута: ДОБРА ПРОЦЕНКА НА ГЛАВНИОТ СУДИЈА (Досуден удар од 11 метри)

Играч од екипата на гостите ја прима топка на гради во шеснаесетникот на домакините, си ја додава топката странично од голот и голманот на домакините кој е во налет го турка играчот.

Исправна одлука на судијата, досуден удар од 11 метри за туркање, да се напомене дека главниот судија е одлично поставен и има јасна прегладност во оваа ситуација.

48 минута: ДОБРА ПРОЦЕНКА НА ГЛАВНИОТ СУДИЈА (Досуден удар од 11 метри)

Играч од екипата на домакините беше во посед на топката странично во 16 – сетникот на гостите, на него стартуваше (сопнување) играч од одбраната на гостите сакајки да избие топка играч од екипата на гостите и направи прекршок.

Исправна одлука на главниот судија, досуден удар од 11 метри за сопнување, и во оваа ситуација одлична поставеност и прегледност на главниот судија.

На останатите натпревари од 2 МФЛ немаше спорни ситуации за судиска анализа.

Следно

Ни оди против Италија, футсал репрезентативците најавија дека добро се држиме, извадија реми против фаворизираната репрезентација!

Не пропуштај

Милевски вчера го соопшти списокот на повикани фудбалери за контролните мечеви против С.Арабија

Спорт

(ВИДЕО) ФФМ истакна видео од затекнатата состојба на Академијата, секој талент заслужува подобри услови за фудбал

Објавено пред

2 часа

на

јануари 22, 2025

Од

Порта.мк

©ФФМ

ФФМ предмалку објави ексклузивно видео од затекнатата состојба во Академијата на Фудбалската федерација на Македонија (ФФМ).

– Секој млад фудбалер заслужува средина која го негува неговиот талент и ја почитува нивната посветеност.

Да не дозволиме лошите услови да ги задушат соништата на младите фудбалери уште пред да имаат шанса да блеснат.

Наскоро промените ќе зборуваат за делата, истакнаа од Федерацијата

Во прилог погледнете го видеото ТУКА

Прочитај повеќе...

Спорт

Младата футсал репрезентација на Македонија ќе учествува на претквалификациски турнир во Естонија

Објавено пред

22 часа

на

јануари 21, 2025

Од

Порта.мк

©ФФМ

Младата футсал репрезентација на Македонија до 19 години, во периодот од 21 до 24 јануари во Силамае, Естонија ќе учествува на претквалификациски турнир за пласман во главната рунда на квалификации за ЕП во Молдавија 2025.

На турнирот, покрај нашата футсал селекција, учество ќе земат и репрезентациите на домаќинот Естонија и Гибралтар.

Првиот натпревар од претквалификацискиот турнир го играме против Гибратлар на 23 јануари со почеток од 18. часот.

Ден подоцна, на програмата е натпреварот со Естонија, димаќинот на овој турнир. Дуелот со Естонија ќе започне во исто во 18. часот.

Селекторот на младата футсал репрезентација, Зоран Лекиќ за престојниот претквалификациски турнир во Естонија, се одлучи да ги повика следните фудбалери:

Кристијан Гавровски

Давид Тоневски

Лука Наумов

Матеј Митровски

Петар Лазовски

Драган Цветковски

Антонио Ѓорѓевски

Ивица Ангелески

Марио Јанев

Никола Стојмировски

Алек Тошевски

Стефан Апостоловски

Победникот на претквалификацискиот турнир во Естонија ќе се пласира во главната рунда квалификации за ЕП 2025 во Молдавија.

Извор: ФФМ

Прочитај повеќе...

Спорт

Управниот одбор на ФФМ на чело со г-дин Омерагиќ донесе важни и квалитетни одлуки

Објавено пред

5 дена

на

јануари 17, 2025

Од

Порта.мк

Управниот одбор на Фудбалската федерација на Македонија, согласно даденото ветување на претседателот на ФФМ, Масар Омерагиќ, донесе одлука за зголемување на таксата (надоместок) за судии и контролори.

40 проценти е зголемена таксата за судии и конторлори за натпреварувањата во Прва МФЛ, Втора МФЛ, сите младински категории (младинци, кадети, пионери, помали пионери, петлиња, помали петлиња), женски младински категории (младински и кадетки);

60 проценти е зголемена таксата за судии и конторлори за натпреварувањата во Супер лига – младинци и кадети.

100 проценти е зголемена таксата за судии и конторлори за натпреварувањата во Прва и Втора футсал лига и женска Прва и Втора лига.

Ова е само прва фаза од најавеното зголемување за судиите и контролорите. Претседателот на Комисијата за натпревари, Игор Франговски во следната фаза ќе даде предлог за зголемување на таксата (надоместокот) и за делегатите на натпреварите од МФЛ.

Управниот одбор на Фудбалската федерација на Македонија донесе одлука за укинување на забраната за присуство на публика на натпреварите од северниот регион во Детска лига. Тренерите на тимовите, учесници во натпреварувањето се известени да го почитуваат кодексот за фер-игра и однесување. Секое спротивно однесување ќе подлежи на дисциплински сакнции. Исто така, повикуваме, сите родители и гледачи во иднина да размислуваат за влијанието што нивните постапки го имаат врз децата и секогаш да се однесуваат на начин кој поддржува и поттикнува позитивен развој. Приоритет е да обезбедиме секое дете да ужива во играњето фудбал во безбедна и позитивна средина.

Управниот одбор на Фудбалската федерација на Македонија го одреди датумот и местото на одржување на Редовно изборно генерално Собрание на Фудбалска федерација на Македонија. Редовното изборно генерално Собрание на ФФМ ќе се оддржи на 15. март 2025 година со почеток во 10:00 часот во хотел „Хилтон“ во Скопје.

Управниот одбор на Фудбалската федерација на Македонија донесе одлука федерацијата да се откаже од 50 проценти од приходот остварен од регистрација на странски фудбалери. Приходот од кои се откажува ФФМ, ќе биде пренасочен кон Општинските фудбалски Сојузи (ОФС).

Управниот одбор на Фудбалската федерација на Македонија го прифати предлогот за измени на членови во Одборот на тренери во Фудбалската федерација на Македонија.

Актуелниот состав на Одбор на тренери во ФФМ е следниот: Алексо Мацков, Борче Христов, Благоја Китановски, Кочо Димитровски, Менсур Јакупи

Во продолжение ТУКА прочитајте го целосниот извештај на Фудбалската Федерација на Македонија

Прочитај повеќе...