Спорт
Судиска анализа за натпреварите од првата македонска фудбалска лига, има низа погрешни проценки…

Судиска комисија ги разгледа спорните моменти од 21 коло на ПРВА МФЛ и ги донесе следните заклучоци:
На натпреварот ФK Македонија ЃП – ФK Тиквеш одигран на 05.03.2023 година, анализирана е ситуацијата 75 од минута.
“Главен судија: Александар Ставрев. Помошни судии: Дејан Костадинов и Бранко Путилин.
75 минута: ДОБРА ПРОЦЕНКА НА ГЛАВНИОТ СУДИЈА (Досуден удар од 11 метри)
Играч од екипата на домакините беше во посед на топката странично во 16-сетникот на гостите, на него стартуваше во пределот на ногата и без да игра со топката голманот на гостите и направи прекршок.
Исправна одлука на главниот судија, досуден е удар од 11 метри поради недозволен старт на голманот на гостите..
На натпреварот ФK Шкупи – ФK Академија Пандев одигран на 04.03.2023 година, анализирани се ситуациите од 11, 37 и 90+1 минута.
“Главен судија: Игор Иванов. Помошни судии: Слаѓан Марковски и Драган Трпчевски.
11 минута: ДОБРА ПРОЦЕНКА НА ВТОРИОТ ПОМОШЕН СУДИЈА (Недосудено офсајд позиција)
Играч од екипата на домакините додаде топка до соиграч, кој во моментот на додавање се наоѓаше во линија со предпоследниот играч од одбраната на гостите (закасни со правење офсајд замка), соиграчот ја пропушти топката до друг соиграч кој постигна гол.
Исправна одлука на вториот помошен судија, голот е регуларен, бидејки предпоследниот играч од одбраната на гостите ненавремено се извлече да направи офсајд ситуација и остана во линија со играчот на домакините
37 минута: ПОГРЕШНА ПРОЦЕНКА НА ГЛАВНИОТ СУДИЈА (Недосуден слободен удар)
Играч на екипата на домакините на 25 метри од голот на гостите при дуел со противнички играч направи прекршок (сопнување), главниот судија дозволи играта да продолжи, играчот на домакините ја поведе топката влезе во 16-сетникот на гостите и постигна гол.
Погрешна одлука на главниот судија што дозволи играта да продолжи, пред да биде постигнат голот требаше да досуди слободен удар (сопнување) за екипата на гостите.
90+1 минута: ПОГРЕШНА ПРОЦЕНКА НА ВТОРИОТ ПОМОШЕН СУДИЈА (Недосудено офсајд позиција)
Играч од екипата на гостите центрираше во 16-сетникот на домакините до негов соиграч, кој во момент на додавање на топката беше понапред од предпоследниот играч од одбраната на домакините и постигна гол.
Погрешна одлука на вториот помошен судија, бидејки играчот на гостите при додавањето на топката од својот соиграч се наоѓаше во недозволена офсајд позиција (пред предпоследниот играч од одбраната на домакините),во оваа ситуација помошниот судија требаше да сигнализира офсајд позиција и да се досуди индиректен сл.удар за домакините.Помошниот судија не беше добро поставен и затоа прценката му беше погрешна.
На натпреварот ФK Победа – ФK Силекс одигран на 05.03.2023 година, анализирана е ситуацијата од 65 минута.
“Главен судија: Александар Грујоски. Помошни судии: Куштрим Лика и Зоран Јанкулоски.
65 минута: ПОГРЕШНА ПРОЦЕНКА НА ПРВИОТ ПОМОШЕН СУДИЈА (Досуден удар од 11 метри)
Играч од екипата на гостите центрираше кон голот на домаќините, играч од екипата на домаќините пред линијата на 16- сетникот ја удри топката со рака која му беше во неприродна положба (одвоена од тело).
Погрешна одлука на првиот помошен судија кој му сигализираше на главниот судија и даде информација дека играта со рака на играчот на домакините е на самата линија од 16- сетникот, играта со рака на играчот на домакините беше надвор од 16- сетникот и требаше да биде слободен удар.
На останатите натпревари од ПРВА МФЛ немаше спорни ситуации за судиска анализа.
Спорт
Од денес на нови дресови гордо ќе свети македонското сонце на градите од фудбалерите на Македонија!

Фудбалската федерација на Македонија и техничкиот партнер ЈАКО го претставуваат новиот дрес на македонската фудбалска репрезентација.
Препознатливото сонце истакнато на градите на фудбалерите на модерен начин ја отсликува енергијата и гордоста на Македонија. Дизајнот на новиот дрес останува верен на македонското фудбалско наследство, додека резервниот дрес во бело-жолта боја е уште една интерпретација на македонскиот дизајн за фудбалерите и навивачите.
Нашата репрезентација добива уште една, трета варијанта на дресови и шорцеви во темна боја која дополнително го нагласува сонцето и националната гордост.
Стилските букви на презимињата и броевите на дресовите се во духот на нашата историја и традиција, со оглед на тоа што се инспирирани од кирилицата.
– Исклучително сум горд што имам привилегија да го носам прекрасниот македонски дрес. Со нетрпение очекувам да го облечеме новиот дрес кој ја следи препознатливата традиција. Нашиот дрес со сонце е еден од најпрепознатливите и сигурен сум дека ќе биде многу популарен меѓу нашите навивачи, изјави капитенот македонската репрезентација, Стефан Ристовски.
Спорт
(ВИДЕО) Најмладите најубаво знаат да ги пречекаат своите звезди од македонската фудбалска репрезентација со најискрени насмевки

Претседателот на Фудбалската федерација на Македонија Муамед Сејдини сподели видео каде дечињата ги пречекуваат фудбалерите на македонската репрезентација, каде истакна:
„Многу детски насмевки, позитивна енргија, на тренингот на нашите златни момци. Идолите на младите генерации го почнуваат походот кон ново големо историско остварување, и ново Европско Првенство, а најмладите, најубаво знаат да ги пречекаат своите звезди, кои кај нив ги предизвикуваат најискрените насмевки.“
Спорт
Македонија до 21 година ги започнува подготовките за „Анталија Куп 2023“

Младата репрезентација на Македонија до 21 година пристигна во Анталија и денеска ќе ги започне подготовките за претстојните три контролни натпревари против селекциите на Летонија (23.март), Финска (25. март) и Словачка (28.март).
Нашата млада селекција максимално ќе го искористи овој подготвителен период, со цел што подобро да се подготви за почетокот на квалификациите за пласман на Европско првенство 2025 година.
Еден од најдобрите поединци на штипска Брегалница и стандарден член на младата репрезенетација на Македонија, Иван Николов даде свое видување за претстојните натпревари што не очекуваат и квалификацискиот циклус за пласман на ЕП 2025.
– Контролните мечеви во Анталија се одлична можност за што подобро да се подготвиме за предизвикот што не очекува во септември, односно почетокот на квалификациите за пласман на Европско првенство. Што се однесува до самата група од квалификациите, јасно е дека во денешно време нема лесно противници, но оваа наша група на фудбалери поседува голем квалитет и заедништво, имаме големи очекувања, сакаме да оствариме нешто големо и да избориме пласман на Европско првенство. Имаме серија на потивни резултати на последните натпревари, што ни дава дополнителен мотив дека можеме да одиграме добри квалификации.
-Идеме чекор по чекор, не очекува уште многу работа до почетокот на квалификациите, моментално е најбитно овој подготвителен период во Анталија да го искористиме на најдобар можен начин, да ја унапредиме нашата игра за да можеме максимално подготвени да го дочекаме почетокот на квалификациите.
–Првиот меч во Анталија го играме против Летонија, селекција со високи и снажни фудбалери која игра доста тврд фудбал. Ние сме поквалитетна селекција од нив, но тоа ќе мора да го покажеме на терен. Се надевам дека ќе продолжиме со одличната игра и позитивната серија на резултати.
–Атмосферата во самиот тим е одлична, се познаваме меѓусебно многу добро, со оглед на тоа што поголемиот дел од фудбалерите бевме дел и од репрезентацијата на Македонија до 19 години
–Убеден сум дека со голема пожртвуваност, борба и желба за надигрување можеме да оствариме добри резултати.
-
Хороскоп20 часа
Хороскоп за вторник (21 март)
-
Кичево3 часа
Тешка сообраќајка предмалку била случена на излез од град Кичево према Македонски Брод
-
Кичево1 ден
Вчера во Кичево настанал пожар во зграда, каде за среќа нема повредени, интервенирала ТППЕ
-
Хороскоп2 дена
Хороскоп за понеделник (20 март)
-
Македонија1 ден
Од ноќеска нова намалена цена на горивата, кај авто-плинот сè уште нема промени..
-
Кичево23 минути
(ФОТО) Дечињата од кичевското ООУ Др „Владимир Полежиноски“ со цветни бомби ја најавија пролетта
-
Спорт1 ден
(ВИДЕО) Сејдини и Масев ги пречекаа Адеми и Ристовски, кои од вечерва се приклучуваат на А тимот за првиот предизвик в четврток
-
Временска прогноза23 часа
Продор на влажен воздушен бран од запад утре ќе донесе поинтензивни врнежи од дожд во Македонија!