Следете не

Спорт

Судиска анализа за натпреварите од првата македонска фудбалска лига, потврдени неправилности кон Брегалница, Шкендија и Воска

Објавено пред

на

Судиска комисија ги разгледа спорните моменти и ги донесе следните заклучоци за 9-то коло од ПРВА МФЛ за сезона 2022/23:

На натпреварот  ФК МАКЕДОНИЈА Ѓ.П – ФК СТРУГА ТРИМ ЉУМ одигран на 01.10.2022 година, анализирани се ситуаците од 74. и 83. минута.

Главен судија: Александар Ставрев; Помошни судии: Дејан Костадинов и Гоце Петрески;

74. минута: ДОБРА ПРОЦЕНКА НА ГЛАВНИОТ СУДИЈА (доделен втор жолт – ЦРВЕН картон)

Играч од домашната екипа на средина на терен го повлече од зад грб играчот од екипата на гостите правејќи прекршок, играчот имаше отворен простор пред себе и беше во ветувачка акција.

Исправна одлука на главниот судија, досуден слободен удар за влечење и спречување ветувачка акција и доделен жолт картон за играчот од екипата на домаќините. Бидејќи тоа беше втор жолт картон, автоматски му беше доделен ЦРВЕН картон.

83. минута: ДОБРА ПРОЦЕНКА НА ГЛАВНИОТ СУДИЈА (досуден удар од 11 метри)

Во шеснаесетникот на гостите, играч од одбраната на гостите ја одби топката со глава, истата дојде до негов соиграч кој играше невнимателно и  ја удри топката со рака.

Исправна одлука на главниот судија, досуден удар од 11 метри за игра со рака на играчот од одбраната на гостите.

На натпреварот ФК Брегалница – ФК Работнички одигран на 01.10.2022 година, анализирани  се ситуациите од 12, 23, 58 и 62 минута.

Главен судија: Александар Грујоски; Помошни судии: Куштрим Лика и Зоран Јанкуловски;

12. минута: ДОБРА ПРОЦЕНКА НА ГЛАВНИОТ СУДИЈА (недосуден удар од 11 метри)

Центрирана топка во шеснаесетникот на гостите, топката дојде до играч од нападот на домаќините кој ја удри со глава и помина покрај голот. Меѓутоа откако напаѓачот ја удри топката со глава, пред топката да напушти гол линијата, дојде до невнимателен дуел (тело со тело) со играч од одбраната на гостите.

Исправна одлука на главниот судија што досуди удар од гол, бидејќи играчот од екипата на домаќините  ја упати топката кон голот на гостите и отпосле дојде до невнимателен дуел со играч од одбраната на домаќините, кој е недоволен за да се досуди удар од 11 метри.

23. минута: ПОГРЕШНА ПРОЦЕНКА И СОРАБОТКА НА ГЛАВНИОТ И ВТОРИОТ ПОМОШЕН СУДИЈА (досуден удар од 11 метри)

Центрирана топка во шеснаесетникот на домаќините, играч од нападот на гостите со глава ја удри топката кон голот на домаќините, удрената топка од напаѓачот удира во главата на одбранбениот играч од домаќините и се одбива во рака на соиграч која е во природна положба.

Погрешна одлука на главниот судија што досуди удар од 11 метри. Во оваа ситуација вториот помошен судија му дава на главниот судија погрешна информација, т.е. да се досуди удар од 11 метри за игра со рака.

58. минута: ДОБРА ПРОЦЕНКА НА ГЛАВНИОТ СУДИЈА (досуден удар од 11 метри)

Играч од нападот на домаќините ја имаше во посед топката и влезе во шеснаесетникот на гостите, на него стартуваше (препнување) играч од одбраната на гостите и направи прекршок.

Исправна проценка на главниот судија што досуди удар од 11 метри, бидејќи играчот од одбраната на гостите направи прекршок (препнување) без да има шанса да игра со топката.

62. минута: ДОБРА ПРОЦЕНКА НА ВТОРИОТ ПОМОШЕН СУДИЈА (не досудено офсајд позиција)

Центрирана топка во шеснаесетникот на гостите, играч од нападот на домаќините ја удри топката со глава, која се одби од гредата и дојде до соиграч на напаѓачот кој постигна гол.

Исправна одлука на вториот помошен судија голот е регуларен, бидејќи во моментот кога играчот на домаќините ја удри топката кон голот, неговиот соиграч што го постигна гол се наоѓаше во линија со претпоследниот играч од одбраната на гостите.

На натпреварот  ФК ПОБЕДА – ФК ШКЕНДИЈА одигран на 02.10.2022 година, анализирана е ситуацијата од 20. минута.

Главен судија: Стојан Трпчевски; Помошни судии: Драган Трпчевски и Душко Панов;

20. минута: ПОГРЕШНА ПРОЦЕНКА НА ГЛАВНИОТ СУДИЈА (недосуден удар од 11 метри)

Играч од нападот на гостите прими топка централно (на 10 метри) од голот на домаќините и шутираше кон голот. Играч од одбраната на домаќините го блокираше шутот со рака која беше широко одвоена од телото и во неприродна положба.

Погрешна одлука на главниот судија што дозволи играта да продолжи, требаше да се досуди удар од 11 метри и да се додели жолт картон за играчот од одбраната на домаќините, бидејки шутот беше кон голот и раката на одбранбениот играч беше во неприродна положба, т.е широко одвоена од телото.

Исто така, не сме задоволни од судењето на вториот помошен судија, кој во неколку наврати имаше погрешни проценки за офсајд позиција.

На натпреварите ФК ШКУПИ – ФК СИЛЕКС и ФК ТИКВЕШ – ФК. СКОПЈЕ немаше спорни ситуации за судиска анализа.

Судиска анализа за 6. коло од ВТОРА МФЛ за сезона 2022/23

Судиска комисија ги разгледа спорните моменти од 6. коло на ВТОРА МФЛ и ги донесе следните заклучоци:

На натпреварот ФК ПЕЛИСТЕР – ФК ВОСКА одигран на 01.10.2022 година анализирани се ситуациите од 37, 81 и 87 минута.

Главен судија: Марјан Младеновски; Помошен судија: Бранко Путилин и Слаѓан Марковски;

37. минута: ДОБРА ПРОЦЕНА НА ВТОРИОТ ПОМОШЕН СУДИЈА (досудено офсајд позиција)

Играч од нападот на гостите центрираше топка во шеснаесетникот на домаќините, топката дојде до негов соиграч кој постигна гол.

Исправна одлука на првиот помошен судија што го поништи голот и досуди офсајд позиција, бидејќи во моментот на центаршутот играчот од нападот на гостите беше понапред од претпоследниот играч од одбраната на домаќините.

81. минута: ПОГРЕШНА ПРОЦЕНКА НА ВТОРИОТ ПОМОШЕН СУДИЈА (досудено офсајд позиција)

Во шеснаесетникот на домаќините играч од нападот на гостите додаде топка до свој соиграч кој постигна гол.

Погрешна одлука на вториот помошен судија што досуди офсајд позиција, бидејќи во моментот на додавање на топката од својот соиграч, играчот на гостите се наоѓаше во линија со претпоследниот играч од одбраната на домаќините.

87. минута: ПОГРЕШНА ПРОЦЕНКА НА ВТОРИОТ ПОМОШЕН СУДИЈА (досудено офсајд позиција)

Играч од екипата на гостите центрираше топка во шеснаесетникот на домаќините, на неа скокнаа двајца противнички играчи, домашниот одбранбен ја удри топката со глава која потоа се одби од главата на играчот од нападот на гостите и дојде до негов соиграч кој постигна гол.

Погрешна одлука на вториот помошен судија што сигнализираше офсајд позиција, голот е регуларен, бидејќи во моментот кога играчот од нападот на гостите играше со глава, неговиот соиграч се наоѓаше во линија со претпоследниот играч од одбраната на домаќините.

На натпреварот ФК Беласица – ФК Беса одигран на 01.10.2022 година, анализирана е ситуацијата од 90. минута.

Главен судија: Спире Арсов; Помошен судија: Богданчо Ѓорѓиев и Јордан Ѓорѓиев;

90. минута: ПОГРЕШНА ПРОЦЕНА И СОРАБОТКА НА ПРВИОТ ПОМОШЕН И ГЛАВНИОТ СУДИЈА (досудено офсајд позиција)

Играч од нападот на домаќините странично од голот на гостите даде долга топка, на неа тргна негов соиграч кој беше во офсајд позиција, но не играше со топката, туку истиот играч што ја даде топката продолжи да игра со неа.

Погрешна одлука на асистентот судија што досуди офсајд позиција, требаше да сочека да види и процени кој ќе игра со топката, исто така во оваа ситуација мора и главниот судија да донесе правилна одлука, т.е. да дозволи играта да продолжи, бидејќи јасно ја гледа цела ситуација.

На останатите натпревари од 2 МФЛ немаше спорни ситуации за судиска анализа.

Спорт

Познати противниците на младите женски репрезентации во фудбал до 17 и 19 години за турнирот кој ќе се одржи во Македонија

Објавено пред

на

Младите женски селекции на Македонија до 17 и до 19 години ги дознаа противниците за следните квалификации што ќе се одиграат 2023 година. Имено женската репрезентација на Македонија до 19 години се наоѓа во Б лигата и за противници ќе ги има Израел, Грузија и Гибралтар во рамките на групата 1. Квалификацискиот турнир ќе се одржи во Македонија во период од 3 до 11 април.

Женската репрезентација на Македонија до 17 години во А лигата ќе игра против Германија, Португалија и Унгарија во рамките на групата 3. Домаќин на квалификацискиот турнир е репрезентацијата на Португалија во периодот од 22 март до 30 март.

Со среќа!

Прочитај повеќе...

Спорт

Ѓоковиќ е петти носител на „Australia Open“

Објавено пред

на

Настапот на освојувачот на девет титули на отворањето Грен слем од секоја сезона дефинитивно го потврди и објавувањето на неговото име на листата на актери на познатиот турнир.

Оваа вест и фотографија како потврда на споменатата информација ја објави познатиот и добро упатен тениски новинар Михал Самулски.

На хартија, главен фаворит за победничкиот трофеј е светскиот рекет број еден Карлос Алкараз, а зад него се Рафаел Надал, Каспер Руд и Стефанос Циципас. Сите против нивната позиција на АТП листата.

Зад рекордерот на Австралија Опен во првите десет најсериозни кандидати за највредната проверка се Фелис Огер-Аљасим, Данил Медведев, Андреј Рубљев, Тејлор Фриц и Хуберт Хуркач.

Отвореното првенство на Австралија е на програмата од 16 до 29 јануари, а Ѓоковиќ се враќа по овогодинешната депортација од Австралија, под обвинение дека како угледен и против корона вирусот, невакциниран странец, може да го зајакне антиваксерското движење на петтиот континент.

Новак го освои Австралија опен во 2008, 2011, 2012, 2013, 2015, 2016, 2019, 2020 и 2021 година. Оваа титула ја брани неговиот вечен ривал, Шпанецот Рафаел Надал, кој во својата приватна колекција има 22 ГС трофеи, т.е. еден повеќе од Србите.

/danas

Прочитај повеќе...

Спорт

Франција и Англија по 40 години за прв пат „очи в очи“ на Светското во Катар

Објавено пред

на

printscreen/highlights video

Франција и Англија за прв пат по 40 години ќе одиграат дуел на Светското фудбалско првенство и ќе се борат за премин меѓу осумте најдобри репрезентации на Катар.

На крилата на Килијан Мбапе, Франција во осминафиналето ја совлада Полска со 3:1, додека Англија предводена од 19-годишниот Џуд Белингам го совлада Сенегал со 3:0.

На претходните светски првенства Французите и Англичаните одиграа два меча и двата ги добија Англичаните: во 1966 година, кога единствен пат ја освоија титулата светски првак (2:0 во групната фаза) и во 1982 г. исто така во групната фаза, кога 3:1.

На 10 декември ќе се одигра четвртфиналниот дуел меѓу двократниот светски првак Франција и Англија, која своевремено беше светски првак.

Ова се головите од двата меча, против Полска, односно против Сенегал.

Прочитај повеќе...

Facebook

Последни објави

На денешен ден4 часа

8 декември – Светот „На денешен ден“

1542.- Родена е Мери Стјуарт, кралица на Шкотска од 1560 година. Поради нејзината про-католичка политика, била принудена да абдицира во...

Хороскоп11 часа

Хороскоп за четврток (8 декември)

ОВЕН Барате начин како да ги оправдате причините поради кои сеуште се наоѓате на место на кое многу ваши соработници...

Спорт14 часа

Познати противниците на младите женски репрезентации во фудбал до 17 и 19 години за турнирот кој ќе се одржи во Македонија

Младите женски селекции на Македонија до 17 и до 19 години ги дознаа противниците за следните квалификации што ќе се...

Култура14 часа

Утре се празнува Св.Ѓорѓија, голем ден, куќна слава и именден, нека е за многу години домаќини!

Верниците со православна вероисповед го празнуваат посен свети Ѓорѓија. Освен како семејна слава, овој голем ден се празнува и како...

Кичево18 часа

Кичевските села „Козица, Белица, ХПП Белица и Белица 1“ во петок ќе бидат со времен прекин на електрична енергија

Поради зафати на електродистрибутивната мрежа на ден 09.12 – петок, ЕВН КЕЦ Кичево ќе работи на терен, така што прекини во снабдување...

Македонија20 часа

Бензините повторно поевтинуваат, дизелот и автоплинот остануваат со иста цена

Малопродажните цени на бензините ЕУРОСУПЕР БС-95 и ЕУРОСУПЕР БС-98, се намалуваат за 2,00 ден/лит, во однос на малопродажните цени утврдени...

Временска прогноза22 часа

Временска промена со моќен циклон, Попоски најавува дождлив викенд со снег на некои места

Моќниот циклон кој за време на викендот ќе го погоди целиот Балкански Полуостров, ќе донесе ОПАСНОСТ од локални ПОПЛАВИ.  Со продорот...

На денешен ден1 ден

7 декември – На денешен ден

1857 Роден е српскиот сликар Урош Предиќ, член на Српската академија на науките и уметностите, претставник на академскиот реализам, мајстор...

Хороскоп1 ден

Хороскоп за среда (7 декември)

ОВЕН Може да очекувате фаза која ќе биде многу поволна за вас. Ќе успеете да остварите стабилизација на работа. Ве...

Кичево2 дена

Кичевски магацинско-дистрибутивен центар за прехрамбени производи има потреба од двајца Комерцијалисти за град Кичево

Магацинско-дистрибутивниот центар за прехрамбени производи „УНИОН ЕМ ЕМ“ од Кичево, како увозник и застапник за брендовите на „GOLD,WALTZ, SALBOS, COCOLINE,...

НАЈЧИТАНИ