Спорт
Судиска анализа за првото коло од првата македонска фудбалска лига, истакнати две погрешни проценки..
Судиската комисија на ФФМ ги анализираше и разгледа спорните моменти од 1. коло на Првата МФЛ, и ги донесе следните заклучоци:
На натпреварот ФК Брегалница- ФК Силекс одигран на 06.08.2023 година, анализирана е ситуацијата од 69 минута.
Главен судија: Јован Качевски. Помошни судии: Дејан Димитријевиќ и Климент Ристоски.
69 минута: ДОБРА ПРОЦЕНКА НА ГЛАВНИОТ СУДИЈА (Доделен ЦРВЕН картон)
Играч од екипата на гостите беше во посед на топката на средина на терен, играч од екипата на домаќините го влечеше за дрес играчот на гостите,главниот судија ја прекина играта поради слободен удар (влечење) и во тој момент играчот на гостите на неспортски начин (со лакт) го удри противничкиот играч во пределот на главата (лицето).
Исправна одлука на главниот судија, доделен ЦРВЕН картон за играчот на гостите поради неспортски однос, т.е удирање противнички играч со лакт во пределот на главата (лицето), меѓутоа погрешено беше продолжението на играта, требаше да биде доделен слободен удар за екипата на гостите бидејки играчот на домаќините прв направи прекршок (влечење за дрес) и судијата ја прекина играта поради влечењето.
На натпреварот ФК Воска- ФК Шкендија одигран на 06.08.2023 година, анализирани се ситуациите од 62 и 75 минута.
Главен судија: Игор Стојчевски. Помошни судии: Даниел Василевски и Бранко Путилин.
62 минута: ДОБРА ПРОЦЕНКА НА ГЛАВНИОТ СУДИЈА (Доделен ЦРВЕН картон)
Играч од екипата на гостите беше во посед на топката на средина на терен блиску до аут линијата, играч од екипата на домаќините го повлече играчот на гостите правејки прекршок, двајцата играчи паднаа на земја и во тој момент играчот на гостите на неспортски начин со двете нозе го удри потивничкиот играч во пределот на телото (градите).
Исправна одлука на главниот судија, досуден слободен удар за екипата на гостите, доделен ЦРВЕН картон за играчот на гостите поради неспортски однос (удар на противнички играч со нозе во пределот на градите) и доделен жолт картон за играчот на домаќините поради недозволен старт (влечење противнички играч).
75 минута: ДОБРА ПРОЦЕНКА НА ГЛАВНИОТ СУДИЈА (Доделен втор жолт-ЦРВЕН картон)
Играч од екипата на гостите беше во посед на топката на 30 метри од голот на домаќините, играч од екипата на домаќините направи недозволен старт спречувајки ветувачка акција.
Добра одлука на главниот судија, досуден слободен удар за екипата на гостите и доделен жолт картон за играчот од екипата на домаќините поради недозволен старт и спречување ветувачка акција, бидејки тоа беше втор жолт картон за играчот, автоматски му беше доделен ЦРВЕН картон.
На натпреварот ФК Тиквеш – ФК Македонија Ѓ.П одигран на 06.08.2023 година, анализирани се ситуациите од 4 и 62 минута.
Главен судија: Ндерим Тефику. Помошни судии: Мартин Петковски и Роберт Црвенов.
4 минута: ПОГРЕШНА ПРОЦЕНКА НА ГЛАВНИОТ СУДИЈА (НЕ досуден пенал)
Играч од екипата на домаќините ја имаше топката во свој посед во шеснаесетникот на гостите странично од голот, во моментот кога ја додаде топката кон свој соиграч, играч од екипата на гостите направи движење со телото (го наведна) во правец на топката и со рака ( неприродна положба и широко одвоена од тело) ја удри топката спречувајки ја да дојде до соиграчот.
Погрешна одлука на главниот судија што дозволи играта да продолжи, во оваа ситуација главниот судија требаше да досуди пенал за екипата на домаќините, поради игра со рака од играч на гостите, направи движење со телото во правец на топката и раката му беше во неприродна положба и широко одвоена од телото.
62 минута: ДОБРА ПРОЦЕНКА НА ГЛАВНИОТ СУДИЈА (Доделен ЦРВЕН картон)
Играч од екипата на гостите ја имаше топката во свој посед на средина на теренот, играч од екипата на домаќините го повлече за дрес правејки прекршок, главниот судија досуди слободен удар за екипата на гостите и во тој момент играчот на гостите на неспортски начин со глава го удри противничкиот играч во глава (лице).
Исправна одлука на главниот судија, доделен ЦРВЕН картон за играчот на гостите поради неспортски однос, т.е удирање со глава на противнички играч во пределот на главата (лицето).
На натпреварот ФК Работнички – ФК Шкупи одигран на 07.08.2023 година, анализирана е ситуацијата од 80 минута.
Главен судија: Александар Ставрев. Помошни судии: Дејан Костадинов и Слаѓан Марковски.
80 минута: ПОГРЕШНА ПРОЦЕНКА НА ГЛАВНИОТ СУДИЈА (Погрешно досуден пенал)
Екипата на домаќините беше во напад, играч од екипата на домаќините додаде топка во шеснаесетникот на екипата на гостите, на неа тргнаа два противнички играчи, играчот на гостите прв стигна до топката, коректно ја изби и потоа дојде до контакт помеѓу играчите.
Погрешна одлука на главниот судија, досуден е пенал за екипата на домаќините, но во оваа ситуација главниот судија требаше да дозволи играта да продолжи бидејки играчот на гостите прв дојде до топката и ја изби коректно без да направи прекршок.
На останатите натпревари од Прва МФЛ , немаше спорни ситуации за судиска анализа.
Спорт
Јувентус сигурен против Торино, Влаховиќ го отвори резултатот уште во петтата минута од натпреварот
Јувентус славеше со 3-1 против Удинезе на свој терен во Торино, во рамките на деветтото коло од италијанската Серија А. Домашниот тим го отвори резултатот уште во петтата минута преку Душан Влаховиќ, кој беше прецизен од белата точка. Во второто полувреме, Федерико Гати зголеми на 2-0 во 67-та минута, а Кенан Јилдаз ја запечати победата со гол во шестата минута од судиското продолжение.
Почесниот гол за гостите го постигна Николо Заниоло во првата минута од дополнителното време. Во следното коло, Јувентус ќе гостува кај Кремонезе, додека Удинезе на домашен терен ќе ја пречека Аталанта.
Рома ја совлада Парма со 2-1
Рома исто така запиша победа на свој терен, совладувајќи ја Парма со 2-1. Марио Ермосо го отвори резултатот во 63-тата минута, а Артем Довбик во 81-та ја потврди победата. Единствениот гол за Парма го постигна Алесандро Чикарти во 86-тата минута.
Комо убедлив против Верона
Во исто време, Комо беше подобар од Верона со 3-1 на домашен терен.
Спорт
Високи признанија за работата на ФФМ, Омерагиќ и Јандреоски именувани на високи меѓународни позиции во „ФИФА“
Претседателот на Фудбалската федерација на Македонија, Масар Омерагиќ, доби нова меѓународна функција, тој е назначен за член на Олимпискиот фудбалски комитет при ФИФА.
Овој комитет, кој функционира под надлежност на Советот на ФИФА, има задача да го следи и поттикнува развојот на фудбалот како олимписка дисциплина, како и да ја унапредува соработката со Меѓународниот олимписки комитет во сите прашања поврзани со турнирите во рамки на Олимписките игри.
На чело на Комитетот е Самир Шауд од Бразил, а негов заменик е Мустафа Раџи од Либерија. Меѓу членовите се наоѓаат повеќе истакнати фудбалски претставници од различни делови на светот како Кохзо Ташима од Јапонија (делегат на Советот на ФИФА), Чармејн Крукс од Канада, Хрисостомос Гкагкатсис од Грција, Шеик Ахмад Јусеф Ал Сабах од Кувајт, Бранко Радујко од Србија, Хелга Хелгадотир од Исланд и други.
Покрај Омерагиќ, и генералниот секретар на ФФМ, Леонид Јандреоски, доби важно меѓународно признание, тој е избран за член на Комисијата за медиуми и комуникации на ФИФА.
Оваа комисија има задача да ја дефинира и унапредува медиумската и комуникациската стратегија на ФИФА, со фокус на дигиталните платформи и јавната комуникација. На нејзино чело е Јасин Идрис Диало од Брег на Слоновата Коска, а заменик-претседател е Армен Меликбекјан од Ерменија.
Во составот на Комисијата се и Фатма Ал Нуими (Катар), Ајишат Фалоде (Нигерија), Ноел Муни (Велс), Хелена Пиреш (Португалија), Аманда Вандерворд (САД) и Тони Ванг (Тајван).
Именувањето на Омерагиќ и Јандреоски претставува големо признание за Фудбалската федерација на Македонија и потврда за растечкиот углед на македонскиот фудбал во меѓународната фудбалска заедница, истакна Фудбалската федерација на својот е-медиум.
Пред денешниот првенствен натпревар помеѓу ФК. Напредок – ФК. Дрита со едно минутно молчење клубовите и управата му оддадоа почит на легендата на ФК.Напредок, Зоран Ѓорѓиоски-Мрско. Доајен на кичевскиот фудбал кој остави небришлива трага за која сите ние кои сме биле некогаш дел од ФК Напредок сме ги почувствувале.
Што се однесува до играта, повторно нашите фудбалери на домашен терен манифестираа важна победа со високи 4:0.
Стрелци на головите беа: М.Зафироски, Осман Исмаили реализираше 2 пати, Ж.Симјаноски сите постигнати во второ полувреме.
И денеска преку нашиот медиум, управата на ФК Напредок упатува голема благодарност до публиката која во секоја утакмица е се побројна и дава голема поддршка на нашите кичевски фудбалери.
Напред НАПРЕДОК!
МВР истакна дека пристигнале регистрирани настани, видеа и фотографии во текот на предизборниот молк, три се на територијата од СВР Охрид
За време на предизборниот молк, во текот на 01.11.2025 до 07:00 часот на 02.11.2025, односно до отворање на избирачките места,...
Хороскоп за недела (2 ноември)
ОВЕН Постои можност на деловно поле да добиете помош околу напредувањето кое сте го очекувале. Потребно е повеќе да и...
Треба да се знае, слебеењето незначи дека треба да гладувате, еве неколку работи околу таа тема
Комбинацијата на редовна физичка активност и балансирана исхрана е најсигурниот пат до намалување на телесната тежина и подобрување на изгледот...
Додека преземал службени дејствија жител на Велешта нападнал полициски службеник
На 31.10.2025 во 15:00 часот на магистралниот пат Подмољје-Струга, полициски службеницн од ОВР Струга го лишија од слобода И.И.(45) од...
Месечен Хороскоп (ноември 2025)
ОВЕН Ова може да биде интересен ден на работа, бидејќи ќе имате голема помош и некој кој може да делува...
Пијалокот „Ракија“ може да лекува, еве десет значајни случувања кои може ракијата позитивно да дејствува врз нив
На Балканот, каде тврдокорноста е дел од секојдневието, ракијата не е само пијалок што ја придружува добрата трпеза и веселите...
Поради градежни активности на автопат Охрид-Кичево кај Подмоље ќе се врши пренасочување на сообраќај до среда
СВР Охрид ги известува граѓаните дека поради изведување на градежни работи во делот на автопатот Охрид-Кичево, кај клучката Подмоље, во...
Попоски: Ни претстои потопла зима, но со повеќе снег од лани
Изминатиов подолг период во голем број од медиумите читаме и слушаме најави дека пред нас е зима на векот или...
Денеска е „Св.Апостол Лука“, честит именден и роденден на сите кои слават
Денес, на 31 октомври, ја одбележуваме славата на Светиот апостол и евангелист Лука, заштитникот на лекарите и еден од најпочитуваните...
Лишен од слобода возачот кој удри малолетничка на ул. „Перо Наков“ во Скопје и избега од местото на настанот
На 30.10.2025 околу 19:30 часот, по преземени оперативни мерки, полициски службеници од Единицата за интервентна полиција при СВР Скопје го...
-
Хороскоп2 дена
Месечен Хороскоп (ноември 2025)
-
Хороскоп13 часа
Хороскоп за недела (2 ноември)
-
Македонија13 минути
МВР истакна дека пристигнале регистрирани настани, видеа и фотографии во текот на предизборниот молк, три се на територијата од СВР Охрид
-
Македонија22 часа
Додека преземал службени дејствија жител на Велешта нападнал полициски службеник
-
Здравје и убавина16 часа
Треба да се знае, слебеењето незначи дека треба да гладувате, еве неколку работи околу таа тема