Спорт

Судиска комисија за спорните моменти од 6. коло на ПРВА МФЛ

Објавено пред

3 години

на

септември 7, 2022

Од

Порта.мк

Судиска анализа за 6. коло од ПРВА МФЛ за сезона 2022/23

Судиска комисија ги разгледа спорните моменти од 6. коло на ПРВА МФЛ и ги донесе следните заклучоци:

На натпреварот ФК Силекс – ФК Тивеш одигран на 04.09.2022 година, анализирана е ситуацијата од 83. минута.

Главен судија: Александар Ставрев; Помошни судии: Дејан Костадинов и Гоце Петрески;

83. минута: ДОБРА ПРОЦЕНКА НА ПРВИОТ ПОМОШЕН СУДИЈА (НЕ досудено офсајд позиција)

Играч од екипата на Силекс ја имаше топката во свој посед странично од голот на Тиквеш, потоа ја додаде до свој соиграч кој беше во линија со претпоследниот играч од одбраната на Тиквеш и истиот играч ја центрираше топката и беше постигнат гол.

Исправна одлука на првиот помошен судија играта да продолжи (многу тешка ситуација за помошен судија), бидејки играчот кога ја прими топката од соиграчот беше во линија со претпоследниот играч од одбраната, голот е регуларен.

На натпреварот ФК Шкендија – ФК Македонија Ѓ.П. одигран на 04.09.2022 година, анализирана е ситуацијата од 53. минута.

Главен судија: Стојан Трпчевски; Помошни судии: Драган Трпчевски и Душко Панов;

46. минута: ДОБРА ПРОЦЕНКА НА ПРВИОТ ПОМОШЕН СУДИЈА (НЕ досудено офсајд позиција)

Играч од екипата на Македонија додаде топка до свој соиграч кој во моментот на додавање беше во линија со претпоследниот играч од одбраната на Шкендија, ја прими топката и постигна гол.

Исправна одлука на првиот помошен судија играта да продолжи, бидејќи играчот кога ја прими топката од соиграчот беше во линија со претпоследниот играч од одбраната, голот е регуларен.

На натпреварот ФК Брегалница – ФК Шкупи одигран на 04.08.2022 година, анализирана е ситуацијата од 31. минута.

Главен судија: Јован Качевски; Помошни судии: Мартин Дејаноски и Давор Цветановски;

31. минута: ДОБРА ПРОЦЕНКА НА ГЛАВНИОТ СУДИЈА (доделен ЦРВЕН картон)

Играч од нападот на Шкупи беше во посед на топката на средина на терен, играчот од екипа на Брегалница го влечеше за дрес играчот на Шкупи, кој потоа намерно со раката го удри во пределот на главата играчот што влечеше.

Исправна одлука на главниот судија, досуден слободен удар за Шкупи и жолт картон за играчот на Брегалница за влечење и ЦРВЕН картон за играчот на Шкупи за намерено удирање со рака со силен интензитет во предел на главата.

На натпреварот ФК Скопје – ФК Победа одигран на 04.09.2022 година, анализирани се ситуациите 30. и 64. минута.

Главен судија: Димитар Пилешков; Помошни судии: Христијан Џонов и Бојан Андевски;

30. минута: ДОБРА ПРОЦЕНКА НА ГЛАВНИОТ СУДИЈА (НЕ досуден удар од 11 метри)

Играч од Победа центрираше висока топка кон соиграч пред шеснаесетникот на Скопје, играчот од одбраната на Скопје направи прекршок над играчот на Победа додека топката патуваше кон играчот и не беше во посед на топката.

Исправна одлука на судијата што досуди слободен удар и додели жолт картон за играчот на Скопје, бидејќи контактот беше надвор од шеснаесетникот и играчот на Победа ја немаше топката во посед и контрола .

64. минута: ДОБРА ПРОЦЕНКА НА ГЛАВНИОТ СУДИЈА (НЕ досуден гол)

Центрирана топка во шеснаесетникот на Скопје, играч од нападот на Победа ја удри топката со глава кон голот на Скопје, на самата гол линијата голманот ја изби топката и го одбрани ударот.

Исправна одлука на главниот судија што дозволи играта да продолжи, бидејќи голманот го одбрани ударот на самата гол линија. За голот да биде признат топката треба со целиот свој обем да ја помине гол линијата, што не беше во овој случај.

На натпреварот ФК Академија Пандев – ФК Струга Трим Љум, немаше спорни ситуации за судиска анализа.

Судиска анализа за 2. коло од ВТОРА МФЛ за сезона 2022/23

Судиска комисија ги разгледа спорните моменти од 3. коло на ВТОРА МФЛ и ги донесе следните заклучоци:

На натпреварот ФК Арсими – ФК Пелистер одигран на 03.09.2022 година, анализирани се ситуациите од 27. и 53. минута.

Главен судија: Игор Стојчевски; Помошни судии: Даниел Василевски и Филип Ицковски;

27. минута: ДОБРА ПРОЦЕНКА НА ГЛАВНИОТ СУДИЈА (НЕ досуден удар од 11 метри)

Центрирана топка во шеснаесетникот на Пелистер, играч од одбраната на Пелистер ја изби топката со нога која потоа го удри во раката.

Исправна одлука на главниот судија што дозволи играта да продолжи, бидејќи играчот при избивање на топката го удри во рака, во ваква ситуација не се досудува удар од 11 метри.

52. минута: ДОБРА ПРОЦЕНКА НА ГЛАВНИОТ СУДИЈА (НЕ Досуден удар од 11 метри)

Играч на Арсими беше во посед на топката и влезе во шеснаесетникот на Пелистер, пред него стоеше играч од одбраната на Пелистер и не направи никакво движење со телото и нозете, играчот на Арсими се обиде да изнуди удар од 11 метри и падна без контакт (симулација).

Исправна одлука на главниот судија, досудено индиректен слободен удар и жолт картон за симулација на играчот од Арсими.

На останатите натпревари од 2. МФЛ немаше спорни ситуации за судиска анализа.

Тагови:Porta.mk Судиска анализа Фудбал

Следно

Македонија до 15: Пораз од Малезија во второто коло од Уефа развојниот турнир

Не пропуштај

Најмладите „бомбардери“ од македонската фудбалска репрезентација ја прегазија Ерменија со 5:1 на турнирот во рамките на првото коло

Спорт

Првиот човек на ФФМ, Масар Омерагиќ ги претстави новите партнери – Гранд Ауто

Објавено пред

4 дена

на

март 7, 2025

Од

Порта.мк

©ФФМ

Гранд Ауто, официјалниот застапник на Ford, Hyundai, MG Motor и Chery за Македонија постигнаа договор со Фудбалската Федерација на Македонија (ФФМ) за поддршка на Фудбалската федерација на Македонија и нашите национални репрезентации.

Ford и Hyundai, како докажани пријатели на спортот во светски рамки и нераскинлив дел од сите важни моменти од големите натпреварувања, Европски и Светски првенства, а пред почетокот на новиот квалификациски циклус на македонската репрезентација за мундијалот 2026 година, Гранд Ауто и ФФМ интензивно се подготвуваат за креирање на вистинска навивачка атмосфера и поддршка на нашите фудбалери на патот кон нов историски успех.

– „Ни претставува задоволство што денеска нашата репрезентација и ‘Куќата на фудбалот’ добиваат нов партнер во името на Гранд Ауто.

Нѐ радува тоа што едни од најпрепознатливите автомобилски брендови, стануваат дел од фудбалското семејство. Уште повеќе поради фактот што просечната старост на возилата во ФФМ до овој момент беше речиси 18 години и повеќе од двесте илјади минати километри. ФФМ никогаш досега немала партнер во име на официјален застапник на автомобилски бренд во овој обем, но тука сме да ги менуваме работите и во овие нецели два месеци, промените се случуваат.

– Правиме сѐ за да овозможиме најдобри услови за репрезентациите и нивната логистика, а оваа соработка е токму во таа насока. Верувам дека заеднички со Гранд Ауто ќе се радуваме на нови победи, ќе ја бодриме нашата репрезентација и ќе славиме за нови победи. Благодарност до сите во Гранд Ауто за поддршката и за тоа што верувате во подобра федерација и нови победи за македонската репрезентација, истакна претседателот на ФФМ, Масар Омерагиќ.

Повеќе проследете на официјалниот линк од ФФМ, ТУКА

Прочитај повеќе...

Спорт

Младата женска фудбалска репрезентација до 17 години со „петарда“ против своите врснички од Молдавија, 5:0 за нашите девојки кои ветуваат одлична игра!

Објавено пред

4 дена

на

март 6, 2025

Од

Порта.мк

©ФФМ

Млада женска репрезентација на Македонија до 17 години славеше убедлива победа со 5:0 против соодветната селекција на Молдавија во рамките на првото коло од квалификацискиот турнир ЕП кој се одржува во Скопје.

На тренинг центарот „Петар Милошевски”, избраничките на Катерина Милеска одиграа одличен меч во кој во целост го надиграа противникот и остварија сосема засллужено победа.

Накова го обележа овој натпревар во кој успеа да постигне три погодоци.

Резултатот го отвори најдобриот поединец на денешната средба, Настасја Накова во 29. минута. Истиот играч во 51. минута стрелаше за 2:0. Три минути подоцна, Калина Попески го постигна третиот погодок на денешната средба. Ева Величкова беше стрелец на четвртиот гол во 66. минута, а Настасја Накова во 77. минута го комплетираше хет трикот и ги постави конечните 5:0.

Квалификациски турнир во Скопје

Жени до 17 години

Македонија – Молдавија 5:0 (1:0)

МАКЕДОНИЈА: Евгенија Велјановска, Мила Панева (Тамара Лазеска 82′), Блехана Алиеска, Меланија Грозданова, Ева Величкова (Ноелле Митревски 70′), Настасја Накова, Теона Галабовска (Розита Пецева 82′), Калина Попески (Елена Наумовска 70′), Канита Емини, Ана Марија Цветкоска (Јована Каралиоска 46′), Андреа Коловска;

Селектор: Катерина Милеска;

На 12. март од 11.часот на тренинг центарот „Петар Милошевски” играме со Словенија.

Меѓусебната пресметка, Молдавија и Словенија ќе ја одиграат на 9. март, со почеток во 13. часот.

Извор: ФФМ

Прочитај повеќе...

Спорт

Новото раководство на ФФМ со плодна работа уште на старт, конечно стартува онлајн платформа за продажба на влезници за претстојните натпревари на репрезентацијата

Објавено пред

5 дена

на

март 5, 2025

Од

Порта.мк

ФОТО: screenshot/youtube

Фудбалската федерација на Македонија (ФФМ) официјално ја стави во употреба својата on-line платформа (eticket.ffm.mk) за продажба на влезници за натпреварите на македонската репрезентација.

Навивачите и сите поддржувачи на македонскиот национален тим ќе можат да купуваат билети директно преку нашата нова веб-платформа, (eticket.ffm.mk), овозможувајќи побрз, побезбеден и поедноставен начин за поддршка на нашата репрезентација и домашните фудбалски натпревари.

Во неколку чекори подгответе се за натпреварот:

1. Посетете ја платформата eticket.ffm.mk

2. Изберете натпревар

3. Одберете седиште

4. Извршете уплата

5. Преземете го дигиталниот билет

Со оваа платформа добивате: Безбедно и лесно купувањена билети, предвремен пристап до влезници, дигитални и мобилни опции за нарачка и купување на влезници и ажурирање во реално време за достапноста на билетите.

Електронската платформа eticket.ffm.mk е достапна на македонски, албански и англиски јазик. Посетете ја eticket.ffm.mk за повеќе информации и бидете дел од поинакво фудбалско искуство, истакна ФФМ преку своето интегрално соопштение за јавноста.

Имено, со претстојните новости новото раководство на Федерацијата на чело со г-дин Омерагиќ и тоа како се пушти во плодна работа во корист на љубителите на фудбалот и воопшто на македонскиот спорт. Според најавите, со подобностите од ваков тип тек се започнува – што реално е за сите почести.

Во меѓувреме познат е распоредот за третиот круг од првенството во Првата фудбалска лига