Следете не

Спорт

Судиската анализа за 9-тото коло во првата македонска фудбалска лига истакна неколку погрешни проценки на судиите

Објавено пред

на

©ФФМ

Судиска комисија ги разгледа спорните моменти од 9. коло на ПРВА МФЛ и ги донесе следните заклучоци:

На натпреварот  ФК Гостивар – ФК Шкендија одигран на 01.10.2023 година, анализирана е ситуацијата од 23. минута.

Главен судија: Јован Качевски; Помошни судии: Разме Бакрачески и Мартин Дејаноски;

23. минута: ИСПРАВНА ПРОЦЕНКА НА ГЛАВНИОТ СУДИЈА (досуден пенал за гостинската екипа при резултат 1:0 за домашната екипа)

Играч на гостинската екипа додаде топка до свој соиграч во шеснаесетникот на домашната екипа, соиграчот ја прими топката, си ја додаде странично топката и потоа играч од домашната екипа со телото, од зад грб на играчот направи недозволен старт (туркање).

Исправна одлука на главниот судија, досуден пенал за гостинската екипа и доделен жолт картон за играчот на домаќините (спречување ветувачка акција) поради недозволен старт туркање со телото противнички играч од зад грб.

На натпреварот  ФК Брегалница – ФК Вардар одигран на 01.10.2023 година, анализирани се ситуациите од 54. и 90+3 минута.

Главен судија: Стојан Трпчевски; Помошни судии: Слаѓан Марковски и Дарко Јовчевски;

54. минута: ИСПРАВНА ПРОЦЕНКА НА ГЛАВНИОТ СУДИЈА (досуден слободен удар пред линијата на шеснаесетникот на гостинската екипа)

Играч на домашната екипа беше во посед на топка пред шеснаесетникот  на гостинската екипа, гостинскиот играч сакајќи да ја избие топката  направи недозволен старт (на ногата на противникот) пред самата линија од шеснаесетникот .

Исправна одлука на главниот судија, досуден слободен удар за домашната екипа поради недозволен старт на играч на гостите над противнички играч.

Главниот судија беше добро поставен, со јасна прегледност на ситуацијата и донесе одлична одлука досудувајќи слободен удар.

90+3 минута: ИСПРАВНА ПРОЦЕНКА И СОРАБОТКА НА ГЛАВНИОТ СУДИЈА И ВТОРИОТ ПОМОШЕН СУДИЈА (поништен гол за домашната екипа поради офсајд позиција при резултат 0:0)

Центрирана топка во шеснаесетникот на гостинската екипа, голманот на гостите кратко ја одби топката која удри во телото на домашен играч и истата дојде до друг играч од екипата на домаќините, кој во моментот кога топката се одби од телото на неговиот соиграч се наоѓаше во очигледна недозволена офсајд позиција (зад претпоследниот играч од одбраната на гостите)

Исправна одлука и одлична соработка на главниот судија со вториот помошен судија, голот беше исправно поништен поради офсајд позиција, бидејќи топката кога се одби од телото на играчот на домаќините, неговиот соиграч се наоѓаше во очигледна офсајд позиција (зад претпоследниот играч од одбраната на гостите).

На натпреварот ФК Шкупи – ФК Струга Трим Лум одигран на 01.10.2023 година, анализирани се ситуациите од 63 и 90+4 минута.

Главен судија: Александар Грујоски; Помошни судии: Куштрим Лика и Давор Цветановски;

63. минута: ИСПРАВНА ПРОЦЕНКА НА ГЛАВНИОТ СУДИЈА (досуден пенал за домашната екипа и доделен втор жолт – ЦРВЕН картон за играч на гостинската екипа, при резултат 1:0 за домашната екипа)

Играч на домашната екипа додаде топка до свој соиграч во шеснаесетникот на гостинската екипа, играчот на домаќините ја прими топката и во тој момент гостински играч невнимателно со недозволен старт направи прекршок (на ногата) на противникот.

Исправна одлука на главниот судија што досуди пенал за домашната екипа поради недозволен старт со посилен интензитет на ногата на противникот и доделен жолт картон за играчот на гостите, бидејќи тоа му беше втор жолт картон на играчот, автоматски му беше доделен ЦРВЕН картон.

90+4 минута: ПОГРЕШНА ПРОЦЕНКА НА ГЛАВНИОТ СУДИЈА, СО ИСПРАВНА ИНТЕРВЕНЦИЈА ОД ПРВИОТ ПОМОШЕН СУДИЈА (досуден пенал за домашната екипа, со брза и одлична интервенција од првиот помошен судија за промена на одлука на главен судија, да се поништи пеналот, при резултат 2:0 за домашната екипа)

Играч на домашната екипа беше во посед на топка странично во шеснаесетникот на гостинската екипа, гостинскиот играч кој се наоѓаше до него минимално го допре со нога противничкиот играч и истиот падна.

Погрешна одлука на главниот судија што досуди пенал за домашната екипа бидејќи немаше елементи за пенал, меѓутоа по брза асистенција и комуникација со првиот помошен судија, одлуката исправно беше преиначена, пеналот беше поништен и досудено беше судиска топка.

Одлична интервенција и одлука на првиот помошен судија.

На останатите натпревари од ПРВА МФЛ, немаше спорни ситуации за судиска анализа.

Судиска анализа за 7. коло од ВТОРА МФЛ за сезона 23/24

Судиска комисија ги разгледа спорните моменти од 6. коло на ВТОРА МФЛ и ги донесе следните заклучоци:

На натпреварот  ФК Вардар Неготино – ФК Пелистер одигран на 30.09.2023 година, анализирана е ситуацијата од 19. минута.

Главен судија: Марјан Младеновски; Помошни судии: Петар Новачев и Роберт Црвенов;

19. минута: ИСПРАВНА ПРОЦЕНКА НА ГЛАВНИОТ СУДИЈА (недосуден пенал за гостинската екипа при резултат 0:0)

Играч од екипата на гостите беше во посед на топката во шеснаесетникот на домашната екипа, противнички играч направи лизгачи старт и чисто ја изби топката во корнер, каде по стартот играчот на гостите падна.

Исправна одлука на главниот судија што досуди корнер за гостинската екипа, бидејќи стартот на домашниот играч беше чист и топката беше избиена без да има контакт со ногата на противничкот играч (немаше елементи за пенал)

На натпреварот  ФК Беласица – ФК Охрид одигран на 30.09.2023 година, анализирана е ситуацијата од 2 и 90+3 минута.

Главен судија: Фуркан Идризи; Помошни судии: Идриз Идризи и Хабиљ Ливорека;

2. минута: ПОГРЕШНА ПРОЦЕНКА НА ГЛАВНИОТ СУДИЈА (досуден пенал за домашната екипа при резултат 0:0)

Центрирана топка во шеснаесетникот на гостинската екипа, играч на гостинската екипа ја изби топката со нога која потоа удри во неговото тело. Главниот судија ја прекина играта и досуди пенал за домашната екипа.

Погрешна одлука на главниот судија што досуди пенал за домашната екипа, бидејќи играчот на гостите ја изби топката на регуларен начин и немаше никакви елементи за да се досуди пенал.

90+3 минута: ИСПРАВНА ПРОЦЕНКА НА ГЛАВНИОТ СУДИЈА ЗА ДОДЕЛЕНИ ДИСЦИПЛИНСКИ МЕРКИ ПРИ МАСОВНА КОНФРОНТАЦИЈА (доделен ЦРВЕН картон на играч на домашната екипа и доделени втори жолти – ЦРВЕНИ картони за по еден играч од домашната и гостинската екипа)

Играч на домашната екипа на неспортски начин со насилничко однесување удри противнички играч без посед на топката, потоа станува масовна конфронтација помеѓу играчи од двете екипи.

Исправна одлука на главниот судија, доделен ЦРВЕН картон за играчот на домаќините поради насилничко однесување (удирање противнички играч без посед на топка) и потоа во конфронтацијата доделени се по два жолти картони на играчи кои имаа веќе по еден картон и автоматски им беа доделени ЦРВЕНИ картони за два играча од обете екипа, поради неспортско однесување.

На останатите натпревари од ВТОРА МФЛ немаше спорни ситуации за судиска анализа.

Спорт

Соопштение од Фудбалската федерација на Македонија за мечот Вардар – Детонит

Објавено пред

на

Фудбалската федерација на Македонија како организатор на бараж натпреварот ВАРДАР – ДЕТОНИТ Плачковица за пополнување на Прва МФЛ праќа информација во врска со организацијата, продажбата и распределбата на билети за натпреварот закажан на 26. мај на стадионот “Благој Истатов” во Струмица.

– На состанокот во “Куќа на фудбалот” беше прифатен предлогот на ФК Вардар, Струмица и стадионот “Благој Истатов” да биде домаќин на натпреварот.

– ФФМ даде предлог и истиот беше прифатен од претставниците на клубовите (Влатко Колев – ФК Вардар и Игор Чапев – ФК Детонит Плачковица), двата клубови да добијат по 50 гратис билети за натпреварот.

– Клубовите беа согласни со одлуката билетите да бидат пуштени во продажба по цена од 150 денари преку продажната мрежа на MK Tickets.

– На состанокот, исто така, беше прифатен предлогот, јужната трибина на стадионот “Благој Истатов” целосно да се стави на располагање на навивачите на ФК Вардар, а доколку е потребно, да се обезбедат услови за отворање и на трибина зад головите.

Фудбалската федерација на Македонија е организатор на натпреварот и има еднаков однос и третман кон сите клубови – учесници во натпреварувањето. Нашата, а веруваме и целта на сите клубови е преку фер и спортска игра да ги достигнеме целите за кои се бориме.
Фер и спортски.

Посакуваме добар натпревар во вистинска фудбалска атмосфера. Нека се радува подобриот, за јавноста истакна Фудбалската федерација на Македонија во интегрален текст.

Прочитај повеќе...

Спорт

Македонската репрезентација до 19 години на „Петар Милошевски“ славеше против соодветната селекција на Црна Гора

Објавено пред

на

©ФФМ

Младата репрезентација на Македонија до 19 години во еден интересен и доста возбудлив натпревар успеа да оствари минимална победа со 2:1 над соодветната селекција на Црна Гора во рамките на вториот контролен натпревар помеѓу овие две селекции одигран на тренинг центарот „Петар Милошевски”, во Скопје.

Нашите млади фудбалери по првиот дел имаа негатива од еден погодок, но по одличното второ полувреме и постигнатите два гола успеаа да слават победа против силниот противник.

Црна Гора прва поведе преку Заковиќ во 26. минута. Гаштаров во 73 минута постигнува погодок за израмнување. Во 86 минута Македонија прави комплетен пресврт и со погодокот на Алмир Подграѓа славеше победа со 2:1.

Прочитај повеќе...

Спорт

Овие клубови од ФФМ добија лиценци за учество во клупски натпреварувања на УЕФА за сезона 2024/2025

Објавено пред

на

©ФФМ

Одделнието за лиценцирање во рамки на Фудбалската федерација на Македонија информира дека Комисијата за лиценцирање по комплетирање на процесот на лиценцирање на клубови за учество во УЕФА натпреварувања во сезона 2024/25 во кое се пријавија десет клубови (ФК Струга Т.Љ., ФК Македонија Ѓ.П., ФК Работнички, ФК Силекс, ФК Шкендија, ФК Шкупи, ФК АП Брера, ФК Тиквеш, КФГ Гостивар и ФК Воска) од Прва МФЛ и четири клубови (ЖФК Љуботен, ЖФК Каменица Саса, ЖФК Тиверија, ЖФК АСС Јунајтед) од Прва ЖМФЛ, а по преглед на доставената документација ги донесе следните одлуки:

Се издава лиценца за учество во УЕФА натпреварувања во сезона 2024/25 на клубовите:

1.  ФК Струга Трим Љум – Струга

2.  ФК Тиквеш-Кавадарци

3.  ФК Работнички  – Скопје

4.  ФК Воска -Охрид

5.  ФК Шкендија – Тетово

6.  ФК Шкупи 1927 – Скопје

7. ФК АП Брера-Струмица

Се издава лиценца за учество во УЕФА натпреварувања во сезона 2024/25 на клубовите од Прва ЖМФЛ:

1. ЖФК Љуботен – Тетово

2. ЖФК Каменица Саса – Македонска Каменица

3. ЖФК Тиверија – Струмица

ЖФК АСС Јунајтед се откажа од процесот на лиценцирање за УЕФА сезона 2024/25.

Прочитај повеќе...

Facebook

Последни објави

Хороскоп3 часа

Хороскоп за понеделник (27 мај)

ОВЕН Денес, ќе добивате разни сигнали од луѓе со кои работите и пријатели, па затоа не е изненадувачки што ќе...

Автомобили10 часа

Германија има многу строги закони за очила за сонце во автомобилот

Многу малку возачи во Германија ги знаат правилата за носење очила за сонце додека возат. Кога сонцето сјае во лето,...

Магазин10 часа

Британија размислува за забрана на мобилни телефони за под 16 години: Влијание врз менталното и физичкото здравје

Следната британска влада треба да размисли за законска забрана за мобилни телефони во училиштата и целосна забрана за мобилни телефони...

Магазин14 часа

Microsoft го купува Valve за 16 милијарди долари?

Се појавија гласини дека Мicrosoft подготвува понуда за купување на Valve. Dior, креатор на содржина фокусиран на сферата на игри,...

Хороскоп1 ден

Хороскоп за недела (26 мај)

ОВЕН Ова може да биде интересен ден на работа, бидејќи ќе имате голема помош и некој кој може да делува...

Технологија1 ден

Дали ќе се потврдат гласините дека Microsoft го купува „Valve“ ?

Се појавија гласини дека Microsoft подготвува понуда за купување на Valve. Диор, креатор на содржина фокусиран на сферата на игри,...

Технологија1 ден

Apple направи клон на тетрис во прототип верзија

Во еден момент, Apple направи клон на тетрис на прототип верзија на третата генерација на iPod. Ова покажува дека „Епл“...

Скопје1 ден

При контрола во угостителски објекти во Скопје пронајдена дрога, приведени девет лица

На 23/24.05.2024 од страна на полициски службеници од Единицата за недозволена трговија при СВР Скопје постапено е по план на...

Магазин2 дена

Вештачката интелигенција закана за три милиони работни места во Германија

Со брзото воведување на системи за вештачка интелигенција (AI) во компаниите, многу вработени во Германија мора да се подготват за...

Автомобили2 дена

Совет за возачите: Ваквото запирање на возилото не е добро за сопирачките

Сопирачките не се нешто на што треба да штедите. Исто така, не е добро да не ги одржувате редовно, бидејќи...

НАЈЧИТАНИ