Следете не

Спорт

Судиската анализа за 9-тото коло во првата македонска фудбалска лига истакна неколку погрешни проценки на судиите

Објавено пред

на

©ФФМ

Судиска комисија ги разгледа спорните моменти од 9. коло на ПРВА МФЛ и ги донесе следните заклучоци:

На натпреварот  ФК Гостивар – ФК Шкендија одигран на 01.10.2023 година, анализирана е ситуацијата од 23. минута.

Главен судија: Јован Качевски; Помошни судии: Разме Бакрачески и Мартин Дејаноски;

23. минута: ИСПРАВНА ПРОЦЕНКА НА ГЛАВНИОТ СУДИЈА (досуден пенал за гостинската екипа при резултат 1:0 за домашната екипа)

Играч на гостинската екипа додаде топка до свој соиграч во шеснаесетникот на домашната екипа, соиграчот ја прими топката, си ја додаде странично топката и потоа играч од домашната екипа со телото, од зад грб на играчот направи недозволен старт (туркање).

Исправна одлука на главниот судија, досуден пенал за гостинската екипа и доделен жолт картон за играчот на домаќините (спречување ветувачка акција) поради недозволен старт туркање со телото противнички играч од зад грб.

На натпреварот  ФК Брегалница – ФК Вардар одигран на 01.10.2023 година, анализирани се ситуациите од 54. и 90+3 минута.

Главен судија: Стојан Трпчевски; Помошни судии: Слаѓан Марковски и Дарко Јовчевски;

54. минута: ИСПРАВНА ПРОЦЕНКА НА ГЛАВНИОТ СУДИЈА (досуден слободен удар пред линијата на шеснаесетникот на гостинската екипа)

Играч на домашната екипа беше во посед на топка пред шеснаесетникот  на гостинската екипа, гостинскиот играч сакајќи да ја избие топката  направи недозволен старт (на ногата на противникот) пред самата линија од шеснаесетникот .

Исправна одлука на главниот судија, досуден слободен удар за домашната екипа поради недозволен старт на играч на гостите над противнички играч.

Главниот судија беше добро поставен, со јасна прегледност на ситуацијата и донесе одлична одлука досудувајќи слободен удар.

90+3 минута: ИСПРАВНА ПРОЦЕНКА И СОРАБОТКА НА ГЛАВНИОТ СУДИЈА И ВТОРИОТ ПОМОШЕН СУДИЈА (поништен гол за домашната екипа поради офсајд позиција при резултат 0:0)

Центрирана топка во шеснаесетникот на гостинската екипа, голманот на гостите кратко ја одби топката која удри во телото на домашен играч и истата дојде до друг играч од екипата на домаќините, кој во моментот кога топката се одби од телото на неговиот соиграч се наоѓаше во очигледна недозволена офсајд позиција (зад претпоследниот играч од одбраната на гостите)

Исправна одлука и одлична соработка на главниот судија со вториот помошен судија, голот беше исправно поништен поради офсајд позиција, бидејќи топката кога се одби од телото на играчот на домаќините, неговиот соиграч се наоѓаше во очигледна офсајд позиција (зад претпоследниот играч од одбраната на гостите).

На натпреварот ФК Шкупи – ФК Струга Трим Лум одигран на 01.10.2023 година, анализирани се ситуациите од 63 и 90+4 минута.

Главен судија: Александар Грујоски; Помошни судии: Куштрим Лика и Давор Цветановски;

63. минута: ИСПРАВНА ПРОЦЕНКА НА ГЛАВНИОТ СУДИЈА (досуден пенал за домашната екипа и доделен втор жолт – ЦРВЕН картон за играч на гостинската екипа, при резултат 1:0 за домашната екипа)

Играч на домашната екипа додаде топка до свој соиграч во шеснаесетникот на гостинската екипа, играчот на домаќините ја прими топката и во тој момент гостински играч невнимателно со недозволен старт направи прекршок (на ногата) на противникот.

Исправна одлука на главниот судија што досуди пенал за домашната екипа поради недозволен старт со посилен интензитет на ногата на противникот и доделен жолт картон за играчот на гостите, бидејќи тоа му беше втор жолт картон на играчот, автоматски му беше доделен ЦРВЕН картон.

90+4 минута: ПОГРЕШНА ПРОЦЕНКА НА ГЛАВНИОТ СУДИЈА, СО ИСПРАВНА ИНТЕРВЕНЦИЈА ОД ПРВИОТ ПОМОШЕН СУДИЈА (досуден пенал за домашната екипа, со брза и одлична интервенција од првиот помошен судија за промена на одлука на главен судија, да се поништи пеналот, при резултат 2:0 за домашната екипа)

Играч на домашната екипа беше во посед на топка странично во шеснаесетникот на гостинската екипа, гостинскиот играч кој се наоѓаше до него минимално го допре со нога противничкиот играч и истиот падна.

Погрешна одлука на главниот судија што досуди пенал за домашната екипа бидејќи немаше елементи за пенал, меѓутоа по брза асистенција и комуникација со првиот помошен судија, одлуката исправно беше преиначена, пеналот беше поништен и досудено беше судиска топка.

Одлична интервенција и одлука на првиот помошен судија.

На останатите натпревари од ПРВА МФЛ, немаше спорни ситуации за судиска анализа.

Судиска анализа за 7. коло од ВТОРА МФЛ за сезона 23/24

Судиска комисија ги разгледа спорните моменти од 6. коло на ВТОРА МФЛ и ги донесе следните заклучоци:

На натпреварот  ФК Вардар Неготино – ФК Пелистер одигран на 30.09.2023 година, анализирана е ситуацијата од 19. минута.

Главен судија: Марјан Младеновски; Помошни судии: Петар Новачев и Роберт Црвенов;

19. минута: ИСПРАВНА ПРОЦЕНКА НА ГЛАВНИОТ СУДИЈА (недосуден пенал за гостинската екипа при резултат 0:0)

Играч од екипата на гостите беше во посед на топката во шеснаесетникот на домашната екипа, противнички играч направи лизгачи старт и чисто ја изби топката во корнер, каде по стартот играчот на гостите падна.

Исправна одлука на главниот судија што досуди корнер за гостинската екипа, бидејќи стартот на домашниот играч беше чист и топката беше избиена без да има контакт со ногата на противничкот играч (немаше елементи за пенал)

На натпреварот  ФК Беласица – ФК Охрид одигран на 30.09.2023 година, анализирана е ситуацијата од 2 и 90+3 минута.

Главен судија: Фуркан Идризи; Помошни судии: Идриз Идризи и Хабиљ Ливорека;

2. минута: ПОГРЕШНА ПРОЦЕНКА НА ГЛАВНИОТ СУДИЈА (досуден пенал за домашната екипа при резултат 0:0)

Центрирана топка во шеснаесетникот на гостинската екипа, играч на гостинската екипа ја изби топката со нога која потоа удри во неговото тело. Главниот судија ја прекина играта и досуди пенал за домашната екипа.

Погрешна одлука на главниот судија што досуди пенал за домашната екипа, бидејќи играчот на гостите ја изби топката на регуларен начин и немаше никакви елементи за да се досуди пенал.

90+3 минута: ИСПРАВНА ПРОЦЕНКА НА ГЛАВНИОТ СУДИЈА ЗА ДОДЕЛЕНИ ДИСЦИПЛИНСКИ МЕРКИ ПРИ МАСОВНА КОНФРОНТАЦИЈА (доделен ЦРВЕН картон на играч на домашната екипа и доделени втори жолти – ЦРВЕНИ картони за по еден играч од домашната и гостинската екипа)

Играч на домашната екипа на неспортски начин со насилничко однесување удри противнички играч без посед на топката, потоа станува масовна конфронтација помеѓу играчи од двете екипи.

Исправна одлука на главниот судија, доделен ЦРВЕН картон за играчот на домаќините поради насилничко однесување (удирање противнички играч без посед на топка) и потоа во конфронтацијата доделени се по два жолти картони на играчи кои имаа веќе по еден картон и автоматски им беа доделени ЦРВЕНИ картони за два играча од обете екипа, поради неспортско однесување.

На останатите натпревари од ВТОРА МФЛ немаше спорни ситуации за судиска анализа.

Спорт

(ФОТО) „ФК Кичево“ успешно го заврши првиот дел од сезоната, денес се одиграа одлични мечеви..

Објавено пред

на

©porta.mk

Денес во Кичево се одигра последното коло за оваа полусезона од детската лига на југо-западниот регион, каде екипата на „ФК Кичево“ во генерациите 2011, 2012 и 2014 ги одигра своите мечеви.

Најпрво генерацијата од 2011 одигра одличен меч со врсниците од „ФК Влазрими“ од Кичево, каде победија со резултат од 4:0. Стрелци на головите за нашиот тим беа, Васко Грујоски 1 гол, Павел Димоски 1 гол, Сарџино Сарџоски 1 гол и Стефан Грозданоски 1 гол.

„ФК Кичево“ во генерацијата 2012 ја одигра втората утакмица денес каде се сретна со екипата на „ФК Велешта“. Тој меч заврши нерешено, односно 1:1. Единствениот гол за нашата екипа го постигна Илијан Чакароски.

И завршниот трет меч денес „ФК Кичево“ во генерацијата 2014/2015 се сретна со екипата на „Еврофудбал“ од Охрид. Резултатот на тој меч заврши со високи 0:5 за гостинската екипа која покажа супериорна игра.

Максим Николаевски – тренер на „ФК Кичево“:

Одличен ден, одлично заокружена полусезона, им честитам на сите фудбалерчиња за прикажаната игра. Продолжуваме со напорна работа, тука нема да застанеме, затоа што за нешто помалку од една седмица ќе учествуваме на уште еден традиционален, воедно и интернационален престижен турнир во Охрид, каде нашите момчиња во три генерации ќе ги бранат боите на „ФК Кичево“

Генералниот спонзор „Порта.мк“ на „ФК Кичево“ го проследи првиот меч од натпреварот одигран против екипата на „ФК Влазрими“ и истиот ви го пренесува преку фотографија:

Прочитај повеќе...

Спорт

Судиите од првата македонска фудбалска лига супериорно ја завршиле работата на мечевите од 16-то коло

Објавено пред

на

Судиска комисија ги разгледа спорните моменти од 16 коло на ПРВА МФЛ, и ги донесе следните заклучоци:

 На натпреварот Фк.Шкендија-Фк. Работнички одигран на 29.11.2023 година, анализирани се ситуациите од 45+1 и 90+2 минута.

“Главен судија: Александар Грујоски.Помошни судии: Куштрим Лика и Давор Цветановски.

45+1минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за гостинската екипа, при резултат 0:0)

Центрирана топка пред 16-сетникот на домашната екипа, играч на гостинската екипа ја удри топката со глава која удри во раката на домашен играч кој се наоѓаше во својот 16-сетник.

Исправна одлука на главниот судија што дозволи играта да продолжи, бидејки раката на играчот на домакините беше во природна положба, спуштена близу  телото.

Главниот судија беше одлично поставен и имаше јасна прегледност на ситуацијата.

90+2 минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за гостинската екипа, при резултат 1:0)

Играч на гостинската екипа центрираше топка странично од голот на домакините, играч на домашната екипа кој беше на линијата на 16-сетникот  скокна да ја блокира топката и таа го удри во рака која при скокот беше во природна положба, близу телото.

Исправна одлука на главниот судија што дозволи играта да продолжи бидејки рака на домашниот играч кога топката го удри во рака се наоѓаше во природна положба, близу телото.

И во оваа ситуација главниот судија беше одлично поставен,имаше јасна прегледност на ситуацијата и донесе исправна одлука.

На натпреварот  Фк.Воска-Фк.Тиквеш одигран на 29.11.2023 година, анализирани се ситуациите од 13 и 45+2минута.

“Главенсудија:Александар Ставрев. Помошни судии: Дејан Костадинов и Бранко Путилин.

13 минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за гостинската екипа, при резултат 0:0)

Во 16-сетникот на домашната екипа играч на гостите беше во посед на топката, во моментот кога се спремаше да упати удар кон голот на домакините, играч на домашната екипа од позади грб му ја изби топката, дојде до минимален контакт со телата и играчот на гостите падна.

Исправна одлука на главниот судија што дозволи играта да продолжи бидејки играчот на домашната екипа ја изби топката на коректен начин без контакт со ногата на противникот.

Главниот судија одлично беше поставен и имаше одлична прегледност на ситуацијата и донесе исправна одлука.

45+2 минута: ИСПРАВНА ПРОЦЕНКА НА ГЛАВНИОТ СУДИЈА (За доделен ЦРВЕН картон на играч на домашната екипа,при резултат 0:1)

Играч на домашната екипа во борба за топка со противнички играч во свој 16-сетник странично од голот ја освои топката, гостински играч го влечеше за тело, во моментот кога главниот судија досуди слободен удар за домашната екипа, играчот на домакините на недозволен и неспортски начин го удри противничкиот играч со рака (тупаница) во пределот на главата (лицето).

Исправна одлука на главниот судија, досуден слободен удар за домашната екипа и доделен ЦРВЕН картон за домашниот играч за недозволен и неспортски старт,намерен удар со рака (тупаница) во пределот на главата (лицето) на противнички играч.

На натпреварот Фк.Вардар-Фк.Струга Трим Лум одигран на 29.11.2023 година, анализирани се ситуациите од 7,32 и 44 минута.

“Главенсудија: Крумислав Ѓорѓиев. Помошни судии: Дарко Јовчевски и Александар Ѓорѓески.

7 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за гостинската екипа, при резултат 0:0)

Центрирана топка во 16-сетникот на домашната екипа, играч на гостите со глава ја удри топката и играч на домашната екипа со закаснет старт направи недозволен старт со телото над играчот на гостите (во телото).

Исправна одлука на главниот судија, досуден пенал за гостинската екипа поради недозволен старт, закаснет старт на домашен играч со телото над противнички играч (во телото).

32 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за домашната екипа, при резултат 0:2)

Центрирана топка во 16-сетникот на гостинската екипа, играч на гостите со глава ја одби топката која потоа удри во раката (високо подигната од телото и неприродна положба)  на свој соиграч.

Исправна одлука на главниот судија, досуден пенал за домашната екипа поради недозволена игра со рака (високо подигната од телото и неприродна положба) на гостински играч во свој 16-сетник.

44 минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за домашната екипа, при резултат 1:2)

Центрирана топка во 16-сетник на гостинската екипа, двајца противнички играчи беа еден до друг со телата (кратка дистанца), топка помина преку играчот на домакините и удри во раката (природна положба за тој скок) на гостинскиот играч, која беше до самото тело на противничкиот играч.

Исправна проценка на главниот судија што дозволи играта да продолжи, бидејки растојанието помеѓу играчите беше премногу кратко и раката на играчот за тој скок се наоѓаше во природна позиција (до самото тело на противнички играч).

Одлична поставеност на главниот судија со јасна прегледност на ситуацијата и донесе исправна одлука.

На останатите натпревари од 1 МФЛ немаше спорни ситуации за судиска анализа.

Прочитај повеќе...

Спорт

Изов го истакна списокот на фудбалери за натпреварот против Бугарија

Објавено пред

на

©ФФМ

Женската македонска А репрезентација на 5. декември во Софија ќе го одигра натпреварот од 4. коло во Лига на нации против домашната Бугарија. Селекторот на женската репрезентација на Македонија, Кирил Изов за мечот против нашиот источен сосед ги повика следните фудбалерки:

Голмани: Магдалена Лекоска (Љуботен), Ведрана Комненова (Скопје)

Одбрана: Ана Милчевска (Самгрело, Грузија), Сара Коларовска (Скопје), Драгана Костова (Каменица Саса), Кристина Мојсоска (АС Јунајтед), Катерина Петкова (Истатов), Бојана Петкова (Љуботен), Катерина Милеска (Цевитана), Сара Ефтинџиоска (Цевитана)

Среден ред: Симона Мејер (Макаби Хадера, Израел), Радица Велкова (Тиверија), Александра Марковска (Љуботен), Елма Шемсовиќ (Скопје), Елена Петровска (Љуботен), Наташа Андонова (Леванте, Шпанија), Оливера Цоклеска (АС Јунајтед)

Напад: Гентијана Рочи (Купс, Финска), Афродита Салихи (Скопје), Рабија Дервиши (Скопје), Кристина Петрушевска (Истатов), Радица Чонева (Истатов), Илза Максути (АС Јунајтед);

Натпреварот меѓу женските репрезентации на Бугарија и Македонија ќе се одигра на стадионот на Левски во Софија.

Собирот на нашата најдобра женска селекција е закажан за 3. декември во Скопје.

Прочитај повеќе...

Facebook

Последни објави

Македонија2 часа

Возило со миганти учествувало во сообраќајка кај Струмица, возачот и мигрантите избегале, па биле пронајдени..

На 01.12.2023 околу 08.00 часот во СВР Струмица било пријавено дека на регионалниот пат Валандово – Струмица се случила сообраќајна...

Спорт5 часа

(ФОТО) „ФК Кичево“ успешно го заврши првиот дел од сезоната, денес се одиграа одлични мечеви..

Денес во Кичево се одигра последното коло за оваа полусезона од детската лига на југо-западниот регион, каде екипата на „ФК...

Автомобили7 часа

(ВИДЕО) Маск го претстави долгоочекуваниот автомобил „Cybertruck“, неговата носивост на влечење ги надминува сите граници

Во четвртокот, Илон Маск го претстави долгоочекуваниот „Cybertruck“, футуристички дизајниран пикап за кој наводно веќе добил милион резервации. Американскиот милијардер...

Хороскоп21 час

Хороскоп за сабота (2 декември)

ОВЕН Секогаш може подобро и вие тоа најдобро го знаете, па поработете на организацијата и плановите во наредниот период. Ништо...

Култура22 часа

Сеноќно молитвено бдение во нашиот манастир „Св. Богородица – Пречиста“ по повод големиот празник Воведение на Пресвета Богородица

Почитувани возљубени, со особена радост ве информираме дека на 3 декември, во 21 часот ќе се случува сеноќното молитвено бдение во...

Спорт1 ден

Судиите од првата македонска фудбалска лига супериорно ја завршиле работата на мечевите од 16-то коло

Судиска комисија ги разгледа спорните моменти од 16 коло на ПРВА МФЛ, и ги донесе следните заклучоци:  На натпреварот Фк.Шкендија-Фк. Работнички одигран...

Автомобили1 ден

Револуција или најгрдиот автомобил во историјата? Cybertruck пристигна (ФОТО+ВИДЕО)

Елон Маск конечно ја претстави својата визија за американскиот симбол – (pick-up truck). Тоа е многу грдо возило. Но, можеби...

Магазин1 ден

Google од денеска брише неактивни сметки! Сепак, постои начин да се зачуваат податоци

Технолошкиот гигант Google од денеска брише неактивни сметки. Компанијата претходно го најави овој потег за да ја зголеми безбедноста на...

Магазин1 ден

Сопственикот на TikTok, ByteDance, најави отпуштања

ByteDance , мајка на ТикТок, укинува стотици работни места во својот оддел за игри, изјави за CNBC лице запознаено со...

Хороскоп2 дена

Месечен Хороскоп (декември)

ОВЕН Љубов: На почетокот на месец декември сте поканети на забава со вашите драги пријатели, но не сте во можност...

НАЈЧИТАНИ