Спорт
Судиската комисија ги истакна своите заклучоци за спорните моменти од првата односно втората македонска фудбалска лига, има низа нерегуларности..
Судиска комисија ги разгледа спорните моменти од 20 коло на ПРВА МФЛ, и ги донесе следните заклучоци:
На натпреварот Фк.Вардар-Фк.Брегалница Штип одигран на 25.02.2024 година, анализирана е ситуацијата од 17 минута.
“Главен судија: Стојанче Трпчевски. Помошни судии: Петар Новачев и Драган Трпчевски.
17 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за домашната екипа, при резултат 0:0)
Играч на домашната екипа беше во посед на топка странично во шеснаесетникот на гостинската екипа, противнички играч со телото (туркање) направи недозволен старт над играчот на домашните притоа без да игра со топката и го спречи играчот во акцијата.
Исправна одлука на главниот судија , досуден пенал за домашната екипа, поради недозволен старт со тело (туркање) на играч на гостинската екипа над противнички играч.
На натпреварот Фк.Воска-Фк.Силекс одигран на 25.02.2024 година, анализирана е ситуацијата од 44 и 53 минута.
“Главен судија: Ндерим Тефику. Помошни судии: Мартин Дејаноски и Александар Ѓурковски.
44 минута: ИСПРАВНА ПРОЦЕНКА НА ВТОРИОТ ПОМОШЕН СУДИЈА (При акција на домашната екипа топката не ја помина гол линијата,при резултат 0:0)
Играч на домашната екипа беше во посед на топка, упати удар кон голот на гостинската екипа и на самата гол линија играч на екипата на гостите ја изби топката во поле.
Исправна одлука на вториот помошен судија што дозволи играта да продолжи, бидејки топката со целиот свој обем не ја помина гол линијата.
Вториот помошен судија беше одлично поставен и имаше целосна и јасна прегледност на ситуацијата.
53 минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за домашната екипа, при резултат 0:0)
Играч на домашната екипа беше во посед на топка странично во шеснаесетникот на гостинската екипа, противнички играч кој се наоѓаше позади играчот на домакините направи минимален контакт со раката над телото на играчот.
Исправна одлука на главниот судија што дозволи играта да продолжи, бидејки контактот беше минимален, без интензитет и недоволен за пенал.
Главниот судија беше одлично поставен со јасна прегледност на ситуацијата.
На натпреварот Фк.Струга Трим Лум -Фк.Шкупи одигран на 24.02.2024 година, анализирана е ситуацијата од 1 минута.
“Главен судија: Димитар Пилешков. Помошни судии: Слаѓан Марковски и Кристијан Џонов.
ИСПРАВНА ПРОЦЕНКА НА ГЛАВНИОТ СУДИЈА ( За досуден пенал за домашната екипа,при резултат 0:0)
Играч на домаќините беше во посед на топка во шеснаесетникот на гостинската екипа централно од голот, голманот на гостинската екипа сакајки да ја избие топката направи недозволен лизгачки старт на ногата на противникот без да ја допре топката и направи прекршок.
Исправна одлука на главниот судија, досуден пенал за домашната екипа и доделен жолт картон за голманот на гостите за спречување очигледна шанаса за гол.
На натпреварот Фк.Шкендија -Фк.Гостивар одигран на 25.02.2024 година, анализирани се ситуациите од 85 и 89 минута.
“Главен судија: Марјан Младеновски. Помошни судии: Дејан Димитриевиќ и Зоран
Јанкуловски.
85 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за гостинската екипа,при резултат 2:0)
Играч на гостинската екипа надвор од шеснаесетникот на домашната екипа упати удар кон голот на домаќините, играч на домашната екипа кој се наоѓаше во својот 16-сетник направи недозволено движење со раката (го зголеми волуменот на раката) и го спречи ударот.
Исправна одлука на главниот судија, досуден пенал за гостинската екипа поради недозволено играње со рака (зголемен волумен на раката) на домашен играч.
89 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за гостинската екипа и доделен ЦРВЕН картон за играч на домашната екипа за спречување очигледна шанса за гол,при резултат 2:1)
Играч на гостинската екипа кој со грб беше свртен кон голот на домакините,прими топка од свој соиграч во шеснаесетникот на домашната екипа, во моментот кога се сврте и сакаше да продолжи да игра и упати удар кон голот, беше влечен со две раце од противнички играч и спречен во акцијата.
Исправна проценка на главниот судија, досуден пенал за гостинската екипа и доделен црвен картон за играчот на домашната екипа, бидејки беше предпоследен играч од одбраната на домакините и спречи очигледна шанса за гол ( играчот на гостите излегуваше сам пред голман).
На останатите натпревари од 1 МФЛ немаше спорни ситуации за судиска анализа.
Судиска анализа за 17 коло од ВТОРА МФЛ за сезона 23/24
Судиска комисија ги разгледа спорните моменти од 17 коло на ВТОРА МФЛ, и ги донесе следните заклучоци:
На натпреварот Фк. Кожуф – Фк.Вардар Неготино одигран на 24.02.2024 година, анализирана е ситуацијата од 30 минута.
“Главен судија: Бењамин Ќерими. Помошни судии: Филип Николов и Петар Михаилов.
30 минута: ПОГРЕШНА ПРОЦЕНКА НА ГЛАВНИОТ СУДИЈА (За погрешно доделен ЦРВЕН картон на домашен играч, при резултат 0:0)
При прекин на игра поради досуден слободен удар за гостинската екипа, настана конфронтација помеѓу играчите на двете екипи, при таа конфронтација играч на домакините со двете раце оттурна противнички играч во градите, по што играчот падна.
Погрешна одлука на главниот судија што додели ЦРВЕН картон за играчот на домакините, во оваа ситуација исправна одлука треба да биде жолт картон, бидејки туркањето беше во градите.
На натпреварот Фк.Новаци-Фк.Пелистер одигран на 24.02.2024 година, анализирана е ситуацијата од 52 минута.
“Главен судија“: Ангел Гелов. Помошни судии: Душко Панов и Давор Дишлиевски.
52 минута: ПОГРЕШНА ПРОЦЕНКА НА ВТОРИОТ ПОМОШЕН СУДИЈА ( За несигнализирано офсајд позиција при постигнување на гол за гостинската екипа, при резултат 1:2)
Играч на гостинската екипа центрираше топка во шеснаесетникот на домашната екипа, во момент на центаршутот играч на гостите се наоѓаше позади претпоследниот играч од домашната екипа и постигна гол.
Погрешна одлука на вториот помошен судија, во оваа ситуација требаше да сигнализира офсајд позиција на гостинскиот играч, бидејки во моментот на центаршутот играчот на гостите се наоѓаше позади претпоследниот играч на домакините.
На натпреварот Фк.Осогово – Фк.Тетекс одигран на 24.02.2024 година, анализирана е ситуацијата од 82 минута.
“Главен судија: Марјан Дејаноски. Помошни судии: Осман Зекири и Андреј Ќамилов.
82 минута: ИСПРАВНА ПРОЦЕНКА НА ГЛАВНИОТ СУДИЈА (За досуден пенал за домашната екипа, при резултат 3:0 )
Играч на домашната екипа беше во посед на топка странично во 16-сетникот на гостинската екипа, во момент на додавање на топка кон соиграч, играч на гостинската екипа направи недозволен лизгачки старт на ногата на играчот на домаќините и направи прекршок.
Исправна одлука на главниот судија, досуден пенал за екипата на домакините поради недозволен старт на играч (на нога) на гостите над противнички играч.
На натпреварот Фк.Победа – Фк.Башкими одигран на 24.02.2024 година, анализирана е ситуацијата од 87 минута.
“Главенсудија: Александар Василевски. Помошни судии: Ристе Ѓорѓиев и Александар Ајдаров.
87 минута: ИСПРАВНА ПРОЦЕНКА НА ГЛАВНИОТ СУДИЈА (За недосуден пенал за домашната екипа, при резултат 0:1 )
Играч на домаќините беше во посед на топка странично во шеснаесетникот на гостинската екипа, над него играч од гостинската екипа сакајки да избие топката направи со ногата минимален контакт во телото на противникот, по што играчот на домакините падна.
Исправна одлука на главниот судија што дозволи игратра да продолжи биидејки контактот беше минимален, без интензитет и недоволен за пенал.
Судијата во оваа ситуација беше одлично поставен и близу ситуацијата, со јасна прегледност.
На останатите натпревари од 2 МФЛ немаше спорни ситуации за судиска анализа.
Спорт
Кичевскиот фудбалски судија Лика во среда ќе биде прв помошен судија на „play-off“ дуелот меѓу Нант и Макаби Хаифа
Искусниот судиски арбитар од Кичево, Куштрим Лика официјално беше назначен за главен помошен арбитар на престижниот европски „play-off“ натпревар меѓу младинските екипи на Нант и Макаби Хаифа до 19 години. Средбата ќе се одигра на стадионот од Нант, 10 декември 2025 год во Франција и носи огромно значење бидејќи победникот обезбедува пласман во следната фаза од елитното европско натпреварување. Главен судија ќе биде Christos Vergetis.
Првиот дуел беше одигран на „Ѓирмот / Gyirmóti“ во Унгарија, истиот заврши со минимална победа на Макаби Хаифа од 1:0, што дополнително ја зголемува неизвесноста пред реваншот во Франција. Лика ќе има важна задача – да придонесе натпреварот да мине во фер и спортска атмосфера, каква што налага европската фудбалска сцена.
– „Секое меѓународно судење за мене е вистински предизвик и чест. Тоа е признание за мојата работа и мотивација постојано да се подобрувам. Особено е престижно чувството кога се носиш со арбитража на мечеви што ги следи цела фудбалска Европа“, за Порта.мк истакна Лика во пресрет на големата средба.
Назначувањето за ваков тип на натпревар уште еднаш потврдува дека македонските фудбалски судии успешно чекорат кон европскиот врв, претставувајќи достоинствено како себе, така и својата земја.
Порта.мк со поддршка за кичевските арбитри кои високо котираат во својата професионална фудбалска кариера!
Спорт
Благоја Милевски се заблагодари на сите досегашни претседатели на ФФМ, сите наши фудбалери, стручен штаб, медицински лица и логистика
Селекторот на македонската фудбалска репрезентација Благоја Милевски на кој му заврши договорот како предводник на македонската селекција, преку ФФМ истакна интегрално соопштение и се заблагодари за досегашната соработка. Неговото обраќање пред јавноста гласеше вака:
– Искрено сакам да упатам благодарност до Фудбалската федерација на Македонија и до сите нејзини претседатели Илчо Ѓорѓиоски, Муамед Сејдини и Масар Омерагиќ кои од 2014 година наваму обезбедуваа стабилни услови и поддршка, што овозможија да се испишат значајни страници во историјата на македонскиот фудбал.
Посебно признание должам на актуелниот претседател Масар Омерагиќ за неговата континуирана, јасна и несебична поддршка во изминатиот период. Таквите темели се клучни за секој професионален процес да функционира сигурно и доследно во спортот, но и пошироко.
Горд сум на нашите фудбалери. Нивната трудољубивост, борбеност и силна волја ни донесоа резултати што долго ќе се паметат. Тие вистински го претставија духот на Македонија, а тоа ме исполнува со искрена гордост.
Голема благодарност упатувам и до мојот стручен штаб, како и до медицинскиот и логистичкиот тим, за нивната професионалност и беспрекорна соработка. Секој од нив си ја извршуваше задачата тивко, прецизно и посветено, како дел од тим што мора да функционира усогласено за да успее.
Навистина беше чест да ја предводам репрезентацијата и да бидам дел од овој колективен напор. И понатаму ќе останам со тимот со внимание, поддршка и почит, заврши Милевски.
Извор: ФФМ
Спорт
ФФМ: Благодарност до селекторот Милевски, време е за нов импулс и свежа енергија во националниот тим, до 25 декември Македонија ќе има нов селектор
На денешната седница, Управниот одбор на Фудбалската федерација на Македонија (ФФМ) донесе одлука да не го продолжи договорот со селекторот на македонската А репрезентација, Благоја Милевски, чиј мандат заврши на 30 ноември 2025 година. Милевски беше дел од работата со најважните македонски репрезентации уште од 2014 година.
Како тренер на А репрезентацијата, од 1 август 2021 година, Милевски ја водеше Македонија на 48 натпревари, остварувајќи 18 победи, 14 нерешени и 16 порази. Под негово водство, репрезентацијата обезбеди два бараж дуели за пласман на Светско првенство, заврши како првопласирана во Ц сегментот од Лигата на нации и се избори за настап во Б дивизијата во следното издание на натпреварувањето.
ФФМ преку интегралното соопштение на своето гласило, му изрази искрена благодарност на Благоја Милевски и неговиот стручен тим за нивната посветеност, професионалност и постигнатите резултати. Му посакуваме многу успех во понатамошната тренерска кариера.
Управниот одбор на ФФМ смета дека македонската А репрезентација сега има потреба од нова енергија и различен мотив за предизвиците што ја очекуваат. Со нов стручeн тим се очекува „нов ветер“ во работењето на селекцијата, што ќе придонесе за поголема конкурентност и амбиција во идните натпревари.
– ФФМ останува целосно посветена на обезбедување оптимални услови за работа и максимална поддршка за репрезентацијата. Досегашната соработка со Милевски и неговиот тим беше на високо професионално ниво, и ја цениме нивната посветеност и односот кон националниот тим. Истата посветеност ќе ја продолжиме и при поддршката на идните предизвици на македонската А репрезентација.
Управниот одбор на ФФМ ќе донесе одлука за нов предводник на А репрезентацијата најдоцна до 25 декември 2025 година.
Хороскоп за сабота (6 декември)
ОВЕН Треба да се ослободите од дополнителни обврски, но немате доволно енергија да се вклучите на повеќе страни истовремено. Прифатете...
„ЛУКОИЛ Македонија“ продолжува да функционира во нормални рамки
Претседателот на Регулаторната комисија за енергетика, Марко Бислимоски, денеска изјави дека е позитивно тоа што бензинските станици на „Лукоил“ можат...
Кичевскиот фудбалски судија Лика во среда ќе биде прв помошен судија на „play-off“ дуелот меѓу Нант и Макаби Хаифа
Искусниот судиски арбитар од Кичево, Куштрим Лика официјално беше назначен за главен помошен арбитар на престижниот европски „play-off“ натпревар меѓу...
(ВИДЕО) Анатоли фитнес момчето кое стана вистинска сензација на „ТикТок“ конечно препознат од неговата публика
Анатоли е младо момче кое за кратко време стана вистинска сензација на TikTok. Познат е по тоа што крева неверојатно...
Ивана од Кичево оваа година по петти пат изработува новогодишни честитки за да помогне на лица и здруженија каде е најпотребно
Кичевчанката Ивана Маркоска не престанува да плени со своите хумани гестови, имено како претходните години, продолжува и оваа година по...
„Tesla“ постави нов рекорд во продажба на електрични автомобили во Норвешка
Според најновите податоци објавени од Yahoo! Finance, Tesla постави нов рекорд на норвешкиот пазар на електрични автомобили. Американскиот гигант во...
Врнежите од дожд продолжуваат, Попоски апелира за зголемување на нивоата од реките и езерата
Под влијание на голем влажен бран од југ денес (петок 5 декември) времето во Македонија ќе биде облачно со врнежи...
Хороскоп за петок (5 декември)
ОВЕН Денот на работното место тече во добра комуникација со соработниците и воспоставување на нови договори. Ве очекува финансиска добивка....
Сообраќај по наместа влажни коловози, намалена видливост поради магла има на превоите „Стража, Ѓавато, Плетвар и Крушево “
АМСМ и Македонија Пат известуваат дека сообраќајот на државните патишта се одвива непречено, по наместа влажни коловози. Намалена видливост поради...
Поради злоупотреба, Русија ги блокира „Snapchat“ и „FaceTime“
Русија го забрани пристапот до „Snapchat“, популарната социјална мрежа за споделување фотографии и видеа кои се автоматски бришат по краток...
-
Спорт12 часа
Кичевскиот фудбалски судија Лика во среда ќе биде прв помошен судија на „play-off“ дуелот меѓу Нант и Макаби Хаифа
-
Магазин17 часа
Ивана од Кичево оваа година по петти пат изработува новогодишни честитки за да помогне на лица и здруженија каде е најпотребно
-
Хороскоп1 ден
Хороскоп за петок (5 декември)
-
Хороскоп4 часа
Хороскоп за сабота (6 декември)
-
Lifestyle15 часа
(ВИДЕО) Анатоли фитнес момчето кое стана вистинска сензација на „ТикТок“ конечно препознат од неговата публика
-
Здравје и убавина2 денаСамо со неколку нови навики, стартот на денот ќе ви биде полн со енергија
-
Македонија1 ден
Сообраќај по наместа влажни коловози, намалена видливост поради магла има на превоите „Стража, Ѓавато, Плетвар и Крушево “
-
Временска прогноза18 часа
Врнежите од дожд продолжуваат, Попоски апелира за зголемување на нивоата од реките и езерата