Кичево
(ФОТО) Блесна светиот крст над црквата Св.Јован Крстител во кичевското с.Белица
Денес и официјално беше поставен Светиот крст на селската црква Свети Јован Крстител која е во фаза на изградба во кичевското село Белица.
Како што наведуваат беличани проектот за крстот е на г-дин Цветан Соколески, додека изработката е дело на Игор Ѓорески од нашите долгогодишни партнери Радио Акорд и г-дин Марјан Кацески кој навистина се потрудија да овај крст биде изработен по сите стандарди.
Понатаму во интегралниот текст беличани упатија голема благодарност од Иницијативниот Одбор до сите помагатели, инаку посебна благодарност истакнаа до Автолакер Тони Стојкоски кој професионално го бојадиса и постави светиот крст со Аце Ванчоски.
Секоја чест за Белица и беличани!
Кичево
ОВР Кичево: На кичевска „Горица“ ноќеска бил сопрен возач под дејство на алкохол, истиот бил исклучен од сообраќај
На 29.11.2025 година во 00:14 часот, во кичевската населба „Горица“ лишен од слобода е Г.Р.(50) од Македонски Брод.
При извршена контрола во патниот сообраќај, полициските службеници сопреле моторно возило „Киа“ кое тој го управувал и притоа, кај него констатирале 1,68 промили алкохол во крвта.
Истиот, веднаш е исклучен од сообраќај и по целосно документирање на настанот, против него ќе биде поднесена кривична пријава по член 297 од Кривичниот законик „Безобѕирно управување моторно возило“, соопшти портпаролот на СВР Охрид, Стефан Димоски.
Кичево
Кичевски „ЈКП Комуналец“ ги засука ракавите за почисто и поубаво Кичево во пресрет на новогодишните празници
Според она што граѓаните на град Кичево можат да го видат, повеќе од евидентно е дека „ЈКП Комуналец“ – Кичево ја стартува една од најглавните мисии за почисто и поубаво Кичево. Имено, деновиве сме сведоци на една обемна еколошка експанзија низ кичевските улици, речни корита, булевари и френкфентни сообраќајници, каде вработените спроведуваат еко-акција речиси секој ден, во зависност од временските услови, се разбира.
– Да, токму така, се работи на терен, но еве ја користам оваа прилика, да ги охрабриме сите граѓаните да ја поддржат нашата мисија и заеднички да придонесеме за почисто и поубаво Кичево, затоа што тоа ни оди во прилог на сите граѓани без разлика на нашиот етникум, сите сме граѓани на овој град. Во соработка со Општина Кичево и градоначалникот Д-р Александар Јовановски сме во активна комуникација и максимална соработка во служба на граѓаните. Кичевчани во иднина ќе бидат сведоци на одлични вести со по чиста и по здрава средина за живеење, на кратко за Порта.мк истакна новиот директор на установата, г-дин Бојан Стојкоски
Кичево
ОВР Кичево поднесе кривична за лице од скопско, најдена банкарска картичка употребил за купување на производи
ОВР Кичево поднесе кривична пријава против Ќ.И. (47) од скопското село Палиград, поради постоење основи на сомнение за сторено кривично дело „оштетување и неовластено навлегување во компјутерски систем“.
Тој, на 09.10.2025 со намера да се стекне со противправна имотна корист, неовластено ја искористил изгубената платежна картичка на лице од Кичево и во два наврати, во продажни објекти во Кичево, извршил наплата.
По преземени мерки, тој е пронајден и приведен во полициска станица, соопшти портпаролот на СВР Охрид, Стефан Димоски.
-
Кичево1 денКичевски „ЈКП Комуналец“ ги засука ракавите за почисто и поубаво Кичево во пресрет на новогодишните празници
-
Кичево2 часаОВР Кичево: На кичевска „Горица“ ноќеска бил сопрен возач под дејство на алкохол, истиот бил исклучен од сообраќај
-
Хороскоп2 денаХороскоп за петок (28 ноември)
-
Хороскоп16 часаХороскоп за сабота (29 ноември)
-
Култура1 денДенес започнува Божиќниот пост кој трае 40 дена и завршува на денот кога се слави Христовото раѓање, Лесни и богоугодни пости!
-
Магазин1 денЗа напредување на вашите мускули при вежбање, следните вообичаени грешки треба да ги одбегнувате
-
Свет17 часаРуските власти предупредуваат дека целосно ќе ја блокираат апликацијата за пораки „WhatsApp“
-
Македонија5 часаСпречен канал на илегално внесување на ловечка муниција на Граничен премин Стар Дојран, лишени од слобода три лица
