Временска прогноза
Свежо на утро, од среда натпросечно високи температури, додека нов бран на дожд доаѓа во недела
Од денес, па се до петок следува период на стабилно, суво и сончево време со мала до умерена локална облачност. Денес и тоа особено Долж Повардарието ќе дува засилен ветер од северен и од северозападен правец.
Наутро овие денови ќе биде значително посвежо со минимални температури кој на повеќе места ќе се спуштат до околу, па и под 10 степени, додека во Беровскиот регион истите се очекува да се спуштат дури и под 5 степени.
Максималните пак и тоа од среда, а особено од четврток до сабота ќе бидат ВИСОКИ и натпросекот за овој дел од годината и ќе се искачуваат во интервалот од 30 до 35 степени, додека во најтоплите централни и југоисточни предели температурите ќе се искачат дури и над 35 степени.
Промена на времето, врнежи и позначително заладување ќе има за време на викендот, односно од недела. Детална анализа околу ова следува овие денови.
Во Скопје и околината исто така времето ќе биде стабилно, суво и сончево со мала до умерена локална облачност. Денес ќе дува умерен, повремено засилен ветер од северен и од северозападен правец. Температурите овие денови во Скопје ќе се искачуваат во интервалот од 25 до 33 степени, што значи дека до сабота истите ќе бележат тенденција на секојдневен пораст.
Автор: Славчо Попоски
Временска прогноза
До крајот на месецот стабилно време, но со ниски утрински температури и магла по котлините
Под влијание на висок воздушен притисок (Антициклон), како и на стабилна и сува воздушна маса, до самиот крај од овој месец во Македонија ќе имаме стабилно, суво и сончево време, повремено со мала до умерена локална облачност. Ќе биде и претежно тивко.
Наутро останува студено и со појава на магла по котлините и по речните долини, која во текот на денот ќе се расчистува. Преку денот ќе имаме пријатни температури и истите ќе се искачуваат во интервалот од 18 до 23 степени.
Во Скопје и околината, до самиот крај од овој месец времето ќе биде стабилно, суво и сончево, повремено со појава на мала до умерена локална облачност. Ќе биде и претежно тивко, па наутро ќе има услови за појава на магла и на ниска облачност, која во текот на денот ќе се расчистува.
– Температурите остануваат без промени и преку ден ќе се искачуваат во интервалот помеѓу 22 и 23 степени.
Уживајте додека можете во преубавите сончеви есенски денови со пријатни температури на воздухот, истакна Попоски.
Временска прогноза
Според „Европскиот“ и „Глобалниот“ метео модел најверојатно зимата доаѓа во почетокот на месец ноември, ова се информациите
Според прогностичките материјали од двата најажурни модели, и тоа Европскиот (ECMWF) и Глобалниот (GFS) се согласуваат околу раното доаѓање на зимата на Балканот, вели Славчо Попоски. Имено тој додава дека кон крајот на овој, и во почетокот на ноември месец се посигурна е голема промена на времето ширум Балканот, како и спуштање на Поларниот вртлог кој ќе донесе многу ниски температури за овој период од годината, па дури и снег како на повисоките места и на планините, така и понекаде во градовите.
Не се исклучува можноста кон крајот на овој, и во почетокот на ноември месец на многу места низ Балканот да има вистинска снежна идила.
Да не заборавиме, сето тоа е поради се поголемото влијаение на Ла Ниња, која носи многу постудено време, повеќе врнежи од дожд и снег. До крајот на оваа година Ла Ниња ќе го достигне својот максимум, па така претстојната зима сите ние очекуваме да го оправда своето име и да биде многу постудена и поснежна, поради тоа што претстојната зима како што и претходно кажав, ќе биде Ла Ниња зима, известува Попоски.
Временска прогноза
Температурите ќе паднат, додека времето ќе биде променливо облачно со повремени сончеви периоди
До крајот на денешниот ден, како и утре (петок) како што и најавивме ќе имаме позначителен пад на температурите на воздухот, а времето ќе биде променливо облачно со сончеви периоди и со услови за слаб локален дожд, особено во западните предели.
Ќе дува слаб до умерен ветер од југоисточен правец, кој особено Долж Повардарието до крајот на денов повремено ќе засилува на интензитет.
И во Скопскиот регион времето ќе биде променливо облачно со сончеви периоди и со слаб до умерен, до крајот на денов повремено умерен ветер од југоисточен правец.
Што се однесува до температурите, тие ќе се искачуваат во интервалот од 15 до 22 степени. Во Скопје температурата ќе се искачува исто така до околу 22 степени.
-
Хороскоп1 ден
Хороскоп за среда (23 октомври)
-
Кичево2 дена
Во ЈЗУ Општа Болница Кичево недостигал ехо апарат, случајот бил пријавен во МВР
-
Lifestyle2 дена
Кој е нормалниот крвен притисок според возраста?
-
Хороскоп6 часа
Хороскоп за четврток (24 октомври)
-
Временска прогноза21 час
До крајот на месецот стабилно време, но со ниски утрински температури и магла по котлините
-
Македонија7 часа
Викендов започнува зимското сметање на време, сонцето ќе заоѓа порано и деновите стануваат значително пократки
-
Македонија22 часа
Денес е 23-ти октомври, ден на Македонската Револуционерна Организација
-
Автомобили18 часа
BMW: Забраната за возила на бензин и дизел во ЕУ не е реална