Македонија
СВР Охрид: Поради централната свеченост Ден на Армијата на Република Македонија, со времен прекин за пловидба ќе биде каналот „Студенчишта“
СВР Охрид и полициската станица за Граничен надзор „Охридско езеро“, ја известуваат јавноста дека утре (18 август 2024 година) од 09.30 до 12 часот, во прекин ќе биде пловидбата по каналот „Студенчишта“. Прекинот е поради предвидените активности на просторот кај Центарот за обука на вода во Охрид, каде што, утре ќе се одржи Централната свеченост по повод 18 август, Денот на Армијата на Република Македонија.
Поради утрешниот значаен настан, апелираме, граѓаните да ги почитуваат мерките што ќе ги спроведуваат инспекторите за пловидба од Капетанија на пристаништа во Охрид и полициски службеници од СВР Охрид и Езерската полиција, за медиумите известува портпаролот на СВР Охрид, Стефан Димоски.
Македонија
Од ноќеска солидно намалување на цените на сите нафтени деривати
Малопродажната цена на бензинот ЕУРОСУПЕР БС-95 се намалува за 0,50 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 11.09.2024 година и со тоа малопродажната цена на ЕУРОСУПЕР БС-95 изнесува 73,50 ден/лит.
Малопродажната цена на бензинот ЕУРОСУПЕР БС-98 се намалува за 1,00 ден/лит, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 11.09.2024 година и со тоа малопродажната цена на ЕУРОСУПЕР БС-98 изнесува 75,50 ден/лит.
Малопродажните цени на ЕУРОДИЗЕЛ (Д-Е V) и на Екстра лесното масло за домаќинство на (ЕЛ 1), се намалуваат за 1,50 ден/лит, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 11.09.2024 година и со тоа, малопродажната цена на ЕУРОДИЗЕЛ (Д-Е V) изнесува 67,00 ден/лит, додека малопродажната цена на Екстра лесното масло за домаќинство на (ЕЛ-1) изнесува 66,00 ден/лит.
Македонија
СВР Битола поднесе дури пет кривични пријави за предизвикување на пожари во Битола и битолско
СВР Битола до Основното јавно обвинителство Битола поднесе пет кривични пријави против четири лица и едно правно лице по член 288 од КЗ за пожари предизвикани во периодот од 15.06.2024 до 10.09.2024 година. Поднесена е кривична пријава против Ѓ.Д. (70) од Битола, заради постоење на основи на сомнение дека тој на 29.07.2024 запалил оган во нива, негова сопственост, во атарот на село Братиндол, битолско, со цел да уништи инсекти. Поради ветрот пожарот се проширил и во соседните ниви, по што бил изгаснат од страна на Територијалната противпожарна единица Битола.
Поднесена е кривична пријава поради основи на сомнение дека пријавениот сторил кривично дело „предизвикување општа опасност“, предвидено и казниво во чл.288 ст.1 од КЗ. Поднесена е кривична пријава против Т.И.(27) од с.Кременица,битолско, заради постоење на основи на сомнение дека тој на 04.09.2024 запалил стрниште во атарот на село Кременица, битолско и со тоа сторил кривично дело „предизвикување општа опасност“ предвидено и казниво во чл.288 ст.1 од КЗ.
Поднесена е кривична пријава против правно лице по чл. 288 ст.5 бидејќи на 03.08.2024 околу 17.55 часот во с. Стрежево,битолско, од искрење на жиците кои биле паднати од бандера во сопственост на пријавеното правно лице, предизвикан е пожар со кој се зафатени сува трева и дрвја. Поднесена е кривична пријава против Р.Р.(58), со привремен престој во Битола, заради тоа што на 04.08.2024 запалил плевна во с. Црнеец,битолско, а потоа огнот се проширил и во околината каде горела сува трева. Поради основи на сомнение дека пријавениот сторил кривично дело „предизвикување општа опасност“ предвидено и казниво во чл.288 ст.1 од КЗ, поднесена е кривична пријава.
Исто така, поднесена е кривична пријава и против П.Б. (46) од Битола, заради основано сомнение дека пријавениот на 04.08.2024 околу 20 часот во с. Лопатица,битолско, на место викано „Белан атар“ запалил скара во близината на неговото лозје и истата ја оставил неизгасена, со што предизвикал пожар односно сторил кривично дело „предизвикување на општа опасност “, предвидено и казниво по чл. 288 ст.1, од КЗ, известуваат од МВР.
Македонија
Поради сообраќајка на магистралниот пат А2 Гостивар-Кичево, сообраќајот е во прекин и истиот се пренасочува преку с.Рабин
Предмалку АМСМ објави дека денес на ден 12.09.2024 година од 21:20 часот на магистралниот пат А2, Гостивар – Кичево, сообраќајот е во целосен прекин поради случена сообраќајна незгода. Истиот ќе се пренасочува преку с.Рабин.
Според неофицијални извори станува збор за страшна сообраќајна несреќа со пмв марка bmw, каде за жал има и жртва, повеќе очекуваме во дневниот билтен од МВР, во текот на утрешниот ден.
-
Хороскоп2 дена
Хороскоп за недела (15 септември)
-
Хороскоп22 часа
Хороскоп за понеделник (16 септември)
-
Македонија8 часа
Од ноќеска солидно намалување на цените на сите нафтени деривати
-
Кичево1 ден
Кичевското планинарско друштво „Ендорфин“ со марш во чест на првото училиште по македонски јазик во с.Подвис
-
Автомобили1 ден
Fiat е принуден да го прекине производството на моделот 500e
-
Временска прогноза7 часа
Оваа седмица продолжува периодот на под просечни температури за септември со чести врнежи од дожд и грмежи
-
Магазин1 ден
Најновите модели на iPhone 16 се полнат побрзо преку кабел
-
Магазин9 часа
Samsung Galaxy S25 Ultra: потенок, полесен и со заоблен дизајн