Хроника
СВР Охрид со детали за страшната сообраќајка синоќа на булеварот „Туристичка“ во Охрид

На 19.06.2025 година во 22.30 часот, во СВР Охрид е пријавено дека на кружен тек од булеварот „Туристичка“ со улицата „Јане Сандански“ во Охрид, патничко возило „фолксваген голф“ со охридски регистарски ознаки, управувано од И.С.(22) од селото Пашино Рувци, прилепско, со престој во Охрид, удрило во метален столб, а потоа и во пешаците А.Б.(44) од Охрид и Д.П.(52) од Скопје.
Од здобиените повреди А.Б. починала во Специјалната болница „Св.Еразмо“, а лекар констатирал смрт. Со тешки телесни повреди се здобил Д.П., додека со телесни повреди се здобиле возачот И.С. и неговиот сопатник К.М.(19), констатирани во болницата „Св.Еразмо“ и во Општата болница Охрид.
Извршен е увид од увидна екипа од СВР Охрид, а по наредба на Јавен обвинител, И.С. е лишен од слобода, поради постоење основи на сомнение за сторено кривично дело „Тешки дела против безбедноста на луѓето и имотот во сообраќајот“, по член 300 став 2 од Кривичниот законик, извести портпаролот на СВР Охрид, Стефан Димоски.
Хроника
ЖАЛНА ВЕСТ: Душко Чифлиганец ја загуби битката за својот живот откако настрада во фатална сообраќајна незгода на мотоциклистичка трка во Чешка

По тешка несреќа што се случила во Чешка, почина Душко Чифлиганец, генерален менаџер на компанијата „Адора“ и син на познатиот бизнисмен Ванчо Чифлиганец. Несреќата се случила вчера околу 16 часот, кога Душко паднал од висина и се здобил со сериозни повреди на мозокот. По повеќе од 24 часа борба за живот во чешка болница, лекарите, и покрај сите напори, не успеале да го спасат.
Веднаш по инцидентот, семејството отпатувало за Чешка и заедно со лекарите ги разгледувале можностите за лекување. Душко бил во кома и приклучен на апарати за одржување во живот.
Познат по својата страст кон мотори и автомобили, Душко имал освоено повеќе награди во областа на брзинскиот мотоциклизам. Воедно, тој долги години живеел во Дубаи, каде завршил и дел од своето високо образование.
Веста за неговата смрт е потврдена од членови на семејството.
Хроника
Утрово во близина на кичевското село Црвивци се случила тешка сообраќајна несреќа каде животот го загуби едно лице

Утрово, околу 08:20ч во кичевско на локалниот пат Мамудовци-Црвивци, во близина на бензинска станица, се случила тешка сообраќајна несреќа каде според информациите од терен, животот го загуби едно повозрасно лице од локалните села, управувајќи пмв. „Волво“, најверојатно изгубил контрола од коловоз и излетал.
Екипи на Медицинска помош и ОВР Кичево веднаш излегле на терен, а поради комплексноста на случената сообраќајка на интервенција веднаш биле повикани и ТППЕ Кичево.
Повеќе информации очекуваме во билтенот за медиуми од СВР Охрид.
Апел за поголемо внимание во патниот сообраќај.
Хроника
СВР Охрид со детали за лицето кое беше најдено починато на охридско крајбрежје

На 20.07.2025 година во 19.41 часот, во СВР Охрид е пријавено дека, во близина на хотелски комплекс на охридското крајбрежје, има починато лице.
Од преземените мерки, констатирано е дека се работи за М.Џ.(56) од Пожаревац, Република Србија а лекар од Итната медицинска помош констатирал смрт без траги на насилство, известува портпаролот на СВР Охрид, Стефан Димоски.
-
Хороскоп1 ден
Хороскоп за среда (6 август)
-
Хороскоп7 часа
Хороскоп за четврток (7 август)
-
Македонија2 дена
ОВР Македонски Брод санкционира пијан возач, управувал возило со 2,39 промили среде бел ден
-
Временска прогноза1 ден
Пред нас многу сонце и значително потопло време, сѐ враќаат летните температури
-
Lifestyle2 дена
Кога е најдобро да го јадете првиот оброк ако сакате да ослабете
-
Македонија15 часа
МВР најстрого ќе го санкционира говорот на омраза, само за спортското навивање има место на трибините
-
Lifestyle2 дена
Домашни тортиљи со само две главни состојки
-
Магазин2 дена
Јутјубер во живо го тестира издржливоста на Galaxy Z Fold 7 преклопувајќи го 200.000 пати