Министерството за внатрешни работи во текот на вчерашниот ден (26.11.2021) продолжи со засилените акциски контроли во областа на сообраќајот.

На територијата на град Скопје изречени се вкупно 96 мерки, меѓу кои за возење повеќе од дозволената брзина 17, 8 санкции за возење без возачка дозвола, шест мерки за технички неисправни и нерегистрирани возила, осум санкции за користење на мобилен телефон и пет санкции на минување на затворен сигнал – црвено светло.

Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта.

Извор: СВР Скопје

На 15.11.2021 во 16.50 часот во СВР Скопје, вработена во продажен објект на ул.„11 Октомври“ пријавила дека едно малолетно лице со употреба на сила одзело пари од касата.

Според пријавеното, таа со очевидец на случајот го фатиле лицето и успеале да му ги одземат парите. Се преземаат мерки за расчистување на случајот.

Извор: СВР Скопје

На 11.11.2021 во Скопје, полициски службеници од Полициската станица Чаир ги лишиле од слобода Џ.Х.(27) од Скопје и Е.Ш.(47) од Косово, со престој во Скопје. Тие се сомничат дека претходно во продажен објект на подрачје на Чаир одзеле повеќе предмети.

Одземените предмети биле пронајдени кај нив и биле вратени на сопственикот. За двајцата постои сомнение дека и претходно неколку пати во истиот продажен објект одземале разни предмети.

По целосно документирање на случајот против нив ќе биде поднесена соодветна пријава. Е.Ш., на која и била истечена дозволата за престој, односно личната карта за странец, била предадена на службени лица од Секторот за странци при Одделот за гранични работи и миграции при Бирото за јавна безбедност за понатамошна постапка

Извор: СВР Скопје