Македонија
Телефони во раце народе, да спасиме самохрана мајка која се бори со тешка болест

Почитуван хуман народе, имаме уште една самохрана мајка која чека на нашата помош.
Се работи за Невена Лозановска од Битола самохрана мајка на една ќерка. Животот нè носи врз секакви предизвици, едноставно не знаеме од ден за ден која болест може да натежни.
Затоа итно се потребни финансиски средства со висина од 77,000€ за трансплатација на црн дроб во Турција. За тој операционен зафат семејството неможе да ја достигне таа сума на пари.
Докажавме многу пати дека сложно и здружено можеме, да го направиме тоа за Невена повторно да му се радува на животот!
Донации преку Телеком со јавување на бројот: 143134
Донации на жиро сметка: 300061000001551
Апелираме до сите институции, надлежни, фирми, хуманитарци кои можат со најразлични начини да помогнат во процесот на собирање финансии да ни се приклучат.
– Невена по својата мајка е по потекло од Кичево, своевремено поголемиот дел од својот живот го има поминато помеѓу фамилијата во нашиот град.
Да помогнеме!
Македонија
ЦУК преку УХМР објави хидролошка информација за водостоите на реките ширум Македонија

Од УХМР известуваат дека водостоите на реките низ земјава се во опаѓање. Водостојот на река Вардар исто така бележи намалување по целото течение на реката и тоа се очекува да продолжи до крајот на денот. Во доцните вечерни часови и за време на претстојната ноќ се очекуваат нови врнежи од дожд претежно во западните делови на земјата каде се прогнозираат количини на врнежи од 15-20 l/m2.
Земјата полека се заситува со влага од претходните врнежи изминативе денови така што можна е реакција на реките во западниот дел на земјата и извесно зголемување на нивниот водостојот. Зголемување на водостојот доцна во ноќта и утре изутрина може да има на река Треска, река Црна, на водотеците од горниот дел од сливот на река Вардар, како и на реките кои доаѓаат од планинскиот масив Солунска Глава.
Според прогнозите можни се и краткотрајни врнежи со умерен интензитет кои што можат да доведат до брзо зголемување на водостојот на помалите реки и суводолици во западниот дел на земјата, односно на малите реки и суводолиците кои доаѓаат од Шар Планина и од планината Јакупица (масивот Солунска Глава).
Пообилни врнежи можни се и во делови од градските средини како Тетово и западниот дел на Скопје каде што предупредуваме на внимание. Во источниот дел на земјата во текот на денешниот ден не се очекуваат поголеми зголемувања на водостоите.
Предупредуваме на внимателно движење покрај реките и суводолиците во текот на вечерните часови и ноќта, известува Центарот за управување со кризи, преку УХМР.
Извор: ЦУК
Македонија
Сообраќајно инфо: Намалена видливост поради магла на превој „Стража“

Патна информација до сите кои патуваат преку планинскиот превој „Стража“, особено да внимаваат затоа што има намалена видливост поради појава на магла – 50-80м, додека сообраќајот се одвива непречено, по влажни коловози.
Патувајте безбедно, почитувајќи ја поставената патна сигнализација и прилагодување на возилата према условите на патот.
Пријатен пат!
Македонија
МВР: Кривична пријава против 10 полициски службеници од Единицата за брзо распоредување за злоупотреба на службена положба и овластување

Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција – Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување’’ казниво по член 353 од Кривичниот законик.
Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари.
Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност, предмалку информира МВР.
-
Хороскоп1 ден
Хороскоп за четврток (3 април)
-
Кичево1 ден
Во сабота на кичевското „Китино Кале“ ќе се одржи забавна и едукативна сликарска сесија за деца и тинејџери, кои ќе истражуваат како ноќното небо ја инспирира уметноста низ историјата
-
Временска прогноза4 часа
Ново ажурирање: Доаѓа екстремно ладно време за април, силен северен ветер и снег, невообичаено за овој период од годината
-
Хроника2 дена
ОВР Крива Паланка приведе три лица, се сомничат за убиство на 84 годишен старец, најден закопан во близина на живеалиште
-
Автомобили1 ден
„Шкода“ го претстави својот освежен и подобрен модел на „Ениак“
-
Хороскоп2 часа
Хороскоп за петок (4 април)
-
Магазин2 дена
Nintendo е подготвен да ја претстави конзолата Switch 2
-
Магазин2 дена
Nvidia GTC 2025: Најновите иновации во вештачката интелигенција