Автомобили
Tesla ги отвора своите станици за полнење и за други производители на електрични возила

Ваквиот потег би можел да ја претвори Tesla во „универзална станица за полнење“ во ерата на електричните возила, со што ќе ја поткопа конкурентската предност на компанијата.
Tesla ќе отвори дел од сопствената мрежа за полнење електрични возила за ривалските возила како дел од федералната програма вредна 7,5 милијарди долари, чија цел е да го зголеми бројот на електрични возила на американските автопати и да ги намали емисиите на јаглерод диоксид, соопшти денеска администрацијата на американскиот претседател Џозеф Бајден.
Според Ројтерс, ваквиот потег би можел да ја направи Tesla „универзална станица за полнење“ во ерата на електричните возила и со тоа да ја поткопа конкурентската предност на компанијата, која моментално е единствената со пристап до најголемата мрежа на т.н. на супер-брзи полначи во САД.
До крајот на следната година, Tesla ќе отвори вкупно 3.500 нови и постоечки станици за полнење долж коридорите на автопатот, како и 4.000 станици за побавно полнење на локации како што се хотели и ресторани, за корисници кои не се на Tesla, соопшти Белата куќа.
Официјален претставник на Белата куќа рече дека Tesla ќе има право на субвенции се додека полначите на компанијата дозволуваат другите возила да се полнат со федералниот стандард за полнење. Ројтерс објави дека Тесла има 17.711 супер-полначи, кои сочинуваат околу 60 отсто од вкупниот број брзи полначи во САД, а исто така има и околу 10.000 „дестинации“ полначи со приклучоци на Tesla кои можат да полнат возило преку ноќ.
Координаторот за инфраструктура на Белата куќа, Мич Ландрио, оцени дека извршниот директор на Tesla, Илон Маск, бил конструктивен и „многу отворен“ за време на разговорот.
Претставниците на Белата куќа не кажаа дали е потпишан договор, но федералните власти ќе ја контролираат исплатата на околу една третина од федералната програма вредна 7,5 милијарди долари, додека државите ќе ја контролираат исплатата на другите две третини, пренесува Танјуг.
Автомобили
Ferrari неприкосновен: Профит од 118.000 евра по автомобил

Ferrari уште еднаш го потврдува статусот на најпрофитабилен автомобилски бренд во светот. Според финансиските резултати за првата половина од 2025 година, италијанскиот производител остварува 118.124 евра профит по продадено возило.
Ова е за речиси 10.000 евра повеќе од истиот период лани, со што Ferrari ја зацврстува својата доминација кога станува збор за заработка по автомобил.
Колку им треба на другите?
Анализата вклучи 34 производители, но никој не му се доближи на Ferrari. Најблиску беше Jaguar Land Rover (JLR), но и таму е потребно да се продадат 23 автомобили за да се достигне профитот што Ferrari го остварува со само еден.
Меѓу германските премиум марки ситуацијата е следна:
-
Porsche – 24 автомобили за едно Ferrari
-
Mercedes – 47 автомобили
-
BMW – 58 автомобили
Кинеските производители, и покрај масивните инвестиции, остануваат далеку од врвот.
Американски и јапонски падови
Големите западни компании како Ford и Mitsubishi бележат значителен пад на профитабилноста. Тоа е сигнал за сериозни предизвици во сегашниот пазарен контекст.
Компаниите со загуба
Состојбата е уште потешка кај брендовите кои завршија со негативен биланс во првата половина на 2025 година. Во загуба работат:
-
Mazda
-
Nissan
-
Xpeng
-
Stellantis
-
Volvo
-
Renault
-
Nio
-
Polestar
-
Rivian
-
Aston Martin
-
Lucid
Извор: B92
Автомобили
Bentley го враќа класичното купе со V8 мотор и погон на задни тркала

Bentley не се откажува од електрификацијата, но реши дека октанските адути сè уште имаат свое место.
Supersports повторно се враќа
Производителот потврди дека подготвува нова, поекстремна верзија на Continental GT, која најверојатно ќе ја носи ознаката Supersports.
Моделот ќе добие:
-
редизајнирана каросерија,
-
поагресивен стил,
-
мерки за намалување на масата.
За разлика од хибридниот погон со 4×4, овој автомобил ќе користи рафиниран битурбо V8 мотор кој ја испраќа моќноста само на задните тркала.
Првиот тизер видео-клип веќе откри дел од изгледот и препознатливиот звук на моторот. Бентли ја придружи премиерата со порака:
„Враќањето на легендарното име во семејството Бентли е неизбежно, 100 години по неговото прво претставување. Ова ќе биде редок автомобил, подготвен за перформанси.“
Агресивен и динамичен дизајн
Моделот е инспириран од прототипите забележани од „шпионски“ фотографи, но сериската верзија изгледа уште порадикално:
-
преден браник со огромни отвори за воздух и истакнат сплитер,
-
страничен профил со црни алуминиумски тркала,
-
заден фиксен спојлер, дополнителни аеролинии и масивен дифузер со четири издувни цевки.
Моќ и перформанси
Иако официјалните бројки сè уште не се објавени, се очекува:
-
4,0-литарски V8 битурбо мотор со околу 650 КС,
-
тежина намалена на околу 2.000 кг,
-
задниот погон и суспензијата да понудат поостро и поигриво возачко искуство.
Иако е послаб од GT Speed PHEV (770 КС) и претходниот Supersports W12 (710 КС), фокусот е ставен на чистото уживање во возењето, а не на „трката со коњски сили“.
Цена и ексклузивност
-
ќе се произведува во ограничен број примероци,
-
цената ќе биде значително повисока од Continental GT Speed (280.000 €),
-
се очекува новиот Supersports да чини над 300.000 €.
Извор: Index
Автомобили
Доаѓа ли електричниот Volkswagen Lupo?

Фолксваген повторно може да оживее име кое одамна не сме го слушнале – Lupo. Со новиот градски електричен автомобил, компанијата има цел да одговори на конкуренцијата од Кина и да привлече млади возачи кои штотуку ја добиле својата дозвола.
Каи Груниц, висок функционер од „Фолксваген“, во изјава за „Auto Express“ ја потврди амбицијата на брендот:
„Треба да имаме модел од почетно ниво. Ако ние не го направиме тоа, Кинезите ќе го направат. Ако младите возачи веднаш преминат на кинески брендови, постои ризик да им останат лојални.“
Сепак, Груниц признава дека предизвикот е голем – да се произведе компактен автомобил под 20.000 евра и тоа целосно дизајниран и конструиран во Европа.
Зошто само Volkswagen?
Воедно, тој ја оправда одлуката концептот ID.Every1 да не се дели со Seat, Škoda и Cupra:
„Сегментот на градски автомобили не е доволно голем за повеќе брендови. Доволна е една марка, а тоа ќе биде ‘Фолксваген’. Нашето име буквално значи ‘народен автомобил’.“
Нов живот за старо име
Новиот градски модел досега се нарекуваше Volkswagen ID.1, но постојат информации дека брендот сака да оживее познати имиња. Следната генерација електрични возила би можела да ги вклучи ID.Polo, ID.Tiguan, па дури и ID.Lupo.
Името Lupo би било паметен маркетиншки потег – не е користено речиси две децении, а моделот некогаш беше омилен кај европските возачи како мал, практичен градски автомобил.
Европа против Кина
Со растечката конкуренција од кинеските електрични автомобили, европските брендови се потпираат на својата најголема сила – традицијата и лојалноста на клиентите. Наместо да бега од тоа, Volkswagen изгледа решен да го искористи како предност.
Извор: B92
-
Хроника1 ден
Вчера утро на магистралниот пат Кичево-Охрид се случила трагична сообраќајка каде животот го загуби младо момче од кичевско
-
Кичево1 ден
Денес се одбележува 82 години од најкрвавата битка кај с.Кленоец кичевско, додека на денешен ден загинал и Јосиф Јосифовски-Свештарот
-
Хороскоп2 дена
Хороскоп за понеделник (6 октомври)
-
Хороскоп16 часа
Хороскоп за вторник (7 октомври)
-
Временска прогноза2 дена
Од утре повторно дождливо време, додека на планините и планинските превои не е изклучена можноста за нов снег
-
Македонија22 часа
Од вечерва горивата со намалена цена за литар
-
Македонија6 часа
Целосно затворен патен правец Велес-Тетово помеѓу Волково и Кондово, истиот ќе се одвива двонасочно поради градежни работи
-
Хроника44 минути
По долга и тешка болест почина познатиот пејач – Халид Бешлиќ