ОВЕН

Некои планови нагло ќе се променат и ќе бидете приморани да се прилагодувате кон туѓите барања. Можни се помали проблеми во кругот на семејството ако сте во брак. Секако, решение секогаш постои, ако се двете страни подготвени на компромис. Проблеми со бешиката.

БИК

Можно е да ви се исплатат некои помали ризици на деловно поле. Слободните припадници на овој знак лесно можат да запознаат нова љубов денес. Вечерните излегувања со пријателите носат нови познанства. Исфрлете ги газираните пијалаци.

БЛИЗНАЦИ

Подготвени сте да ги спроведете новите идеи на дело. Важно е да бидете истрајни во својата замисла. Поволен ден за оние кои се бават со некоја уметност. Склони сте кон идеализација на партнерот, кога ќе се заљубите не ги забележувате неговите маани. Чувствително грло и гласни жици.

РАК

Неповолен ден за соработка со партнерите. Сконцентрирајте се на домашните деловни соработници. Можеби на некој начин сте ја изгубиле стабилноста во љубовта која мислевте дека ја имате. Разочарани сте! Зголемен апетит, водете сметка за килограмите.

ДЕВИЦА

Поволен ден за оние кои се бават со музика, глума или сликарство. Подобрување на финансиите. Внимавајте на погрешни проценки кога е една личност во прашање. Би можеле подоцна да се каете. Проблемите со несоница стануваат хронични.

ВАГА

Може да остварите успех на деловно поле, ако бидете спремни максимално да се актицирате. Важна е брзата реакција. Лесно се впуштате во авантура со личност која не ја познавате доволно. Можеби ќе се покаете подоцна. Проблеми со тахикардија.

ШКОРПИЈА

Може да очекувате многу поволен расплет на настаните на работа, особено ако соработувате со странство. Партнерот е незадоволен, бара повеќе внимание и сака отворено да разговара со вас за сите проблеми. Бидете отворени и флексибилни. Проблеми со кичмата. Не смеете да се оптеретувате.

СТРЕЛЕЦ

Може да очекувате убави вести од раководството во фирмата која работите. Очекувајте подобрување на финансиите. Имате одредени дилеми и ви претставува проблем да се отворите кон саканата личност. Неопходен ви е отворен разговор. Проблеми со црниот дроб.

ЈАРЕЦ

Многу сте внимателни со трошоците и се трудите да штедите. Не претерувајте. Љубомората ве опседнува постојано и не можете да се изборите со неа. Партнерот поради тоа е оптеретен, па следи отворен разговор. Можна е уринарна инфекција.

ВОДОЛИЈА

Очекувате многу од вашиот деловен партнер. Некои обврски не можете да ги завршите сами. Потребна ви е сигурност, уште едно одговорно мислење. Брачниот партнер ви пружа утеха, љубов и чувство на сигурност во тешки животни моменти. Здравјето е во ред.

РИБИ

Се обидувате сите обврски да ги постигнете на време и некако успевате во тоа. Иако имате најдобри намери, немате доволно време да му се посветите на партнерот. Објаснете му колку сте зафатени, но и колку сте подготвени подоцна целосно да му се посветите. Внесувајте витамин Ц.

Иако е практично да ги чуваме работите што ги користиме во бањата токму таму, влажноста и топлината можат да имаат негативно влијание врз одредени предмети. Овие услови можат да предизвикаат мувла, ‘рѓа и забрзано оштетување на материјалите. Во продолжение, дознајте кои седум предмети не е препорачливо да ги чувате во бањата.

1. Облека

Чувањето облека во бањата ја изложува на влага, што создава идеални услови за развој на бактерии и мувла. Долгорочно, тоа може да ја оштети ткаенината и да предизвика непријатен мирис. Наместо да складирате облека во бањата, користете гардеробер или друго суво место.

2. Лекови

Лековите треба да се чуваат на ладно и суво место, а бањата не ги нуди тие услови. Влагата може да ја намали нивната ефикасност и рокот на траење. Освен тоа, не е безбедно лековите да бидат достапни за деца, па затоа е подобро да ги чувате на безбедно место надвор од бањата.

3. Резервни жилети

Металните предмети како жилети и пинцети можат брзо да ‘рѓосуваат поради влажноста во бањата. Ако имате залиха жилети што ќе ги искористите за неколку месеци, тоа можеби нема да биде проблем, но поголемите резерви треба да се чуваат на суво и поладно место.

4. Електронски уреди

Електрониката не треба да се чува во бањата, освен ако не е водоотпорна. Влагата може да предизвика корозија и дефекти. Ако сакате да слушате музика додека се туширате, најдобро е да инвестирате во водоотпорен звучник.

5. Накит

Иако некои луѓе го чуваат накитот во бањата заради практичност, влагата може да доведе до потемнување и оштетување на металот. Најдобро е накитот да го чувате во затворена кутија на суво место. Доколку секојдневно носите одредени парчиња, ризикот од оштетување е помал, но сепак е препорачливо да ги заштитите од влага.

6. Шминка

Шминката може да се расипе побрзо ако се чува во влажна и топла средина. Доколку редовно ја користите и менувате, штетата може да биде минимална, но за долгорочно чување најдобро е да ја држите надвор од бањата.

7. Одредени производи за чистење

Иако многу средства за чистење се чуваат во бањата, некои хемикалии треба да се чуваат на поладно и суво место, според препораките на пакувањето. Освен тоа, хартиените крпи и марамчиња лесно ја впиваат влагата, па затоа не е препорачливо да се чуваат во бањата пред да бидат употребени.

Извор: Dnevnik

Откажувањето од кафето за 30 дена може да има значајни ефекти врз телото и умот, иако за многумина тоа изгледа речиси невозможно. Иако кафето е неизбежен дел од секојдневието, повремената пауза може да открие како навистина се чувствуваме без него.

Лично искуство

Мојот однос со кафето се менуваше со текот на времето. Почнав како и многумина – уживајќи во ритуалот – но подоцна сфатив дека повеќе не ми носи исто задоволство. Одлуката да го исфрлам не беше планирана, туку резултат на послушност кон сопственото тело и неговите потреби.

За многумина, кафето не е само пијалок, туку и утрински ритуал. Сепак, прекумерната консумација може да доведе до несоница, нервоза и забрзано чукање на срцето. Поради тоа, едномесечната пауза од кофеинот може да биде корисен предизвик кој носи бројни придобивки.

Што се менува кога ќе престанете да пиете кафе

Најголемата промена се забележува во спиењето – станува подлабоко и мирно, а ноќните будења исчезнуваат. Анксиозноста се намалува, варењето се подобрува, а енергијата станува постабилна. Сепак, наглото прекинување на кофеинот може да предизвика главоболки и раздразливост, па затоа постепеното намалување е подобра стратегија.

Кафето има и диуретичко дејство, што значи дека го поттикнува исфрлањето течности од телото. Кога ќе се одморите од него, телото поефикасно ја апсорбира водата, минералите и витамините, што позитивно влијае врз имунолошкиот систем и здравјето на кожата.

Кафето не е само обична навика, туку дел од секојдневието. Но, паузата од него може да биде можност за истражување нови, поздрави рутини.

Извор: Pink