Денешниот ден го заокружуваме со автомобилизмот, имено како што најавивме во организација на „Custom Car Racing Team“ од Скопје по втор пат се организираше „Track Days“ два дена во Кичево на добропознатата автомото стаза во склоп на АРМ.

Своја минутажа на патеката имаа и нашите членови од нашиот матичен „Car Club-Кичево“, председателот Тане Данилоски и Драган Станкоски. Што се однесува до самиот вовед на денот издвојуваме – убаво време, одличен амбиент, прекрасната публика која уживаше во супер атрактивните кружни возења, вкусна храна и ладни напитоци е она што можеше да се опише со неколку зборови. На овој настан недостасуваше нашиот пријател Кристијан Бојоски поради дефект на својот автомобил и нашиот почесен гостин од Скопје – Бојан „Боле“ Тодороски кој беше исто така оправдано отсутен поради здравствени причини.

Пред најубавата галерија, за крај го запрашавме првиот човек на „Custom Car Racing Team“ – Мики Делев да ни ги каже импресиите од денешниот ден и плановите во иднина.

• Упатуваме специјална благодарност до сите кои учествуваа, домаќините од Кичево на чело со Александар Трајаноски кои се потрудија на максимално ниво да го одржуваат редот и безбедноста на патеката како и останатите структурни организации, без нив сигурно немаше да изгледа тоа така. Исто така благодарност и до вашиот тим од „Порта.мк“ кој секогаш ни дава поддршка кога доаѓаме тука и ја прави најубавата галерија. Она што пред љубителите на автомобилизмот можам да го ветам е дека до година имаме големи планови, еден од нив е да направиме „Национална Автомобилистичка Асоцијација“ за која имаме поддршка од сите македонски професионални возачи – но има време.

Денешниот ден преку нашиот објектив изгледаше вака, доколку ја пропушти вчерашната галерија посетија ТУКА:

Кликни за автоматско листање на фотографиите

1 2 3 ►

Почнувајќи со официјален тренинг денес кој предмалку заврши, но како главно збиднување утрешниот хепенинг за љубителите на авто-адреналин, „Custom Car Racing Team“ од Скопје по втор пат организираат „Track Days“ во Кичево на добропознатата автомото стаза во склоп на АРМ.

Како официјално лице и спонзорирано од нас денес возеше Кристијан Бојоски со својот модифициран Опел Кадет со главен и овластен застапен сервис на „Адлер Кичево“ како и „Авто-Сервис Боби“ исто од Кичево, додека во утрешниот ден ќе се приклучат и повеќе членови од „Car Club-Кичево“.

– Се е спремно за утрешниот главен дел, покрај медицинската екипа, пожарна и редарите кои ќе контролираат на терен.

• Заинтересираноста на овој настан е многу голема, така што токму утре очекуваме над 40 автомобили модифицирани и стандарт. Целта на овој тип на слободни тренинзи или возења на затворена патека претставува вистинско задоволство, дружење, журкање, патемо и своевремено тестирање на своите перформанси на возилото без притоа да нарушат безбедност во околината.

• Нашето мото за организирање на ваков тип на настани останува исто и ке продолжи така, да ги едуцираме сите за безбедноста на патиштата и брзините да ги почуствуваат безбедно на затворена патека бидејќи „Улиците не се тркачка патека“.

• На крај голема благодарност до сите учесници, и да им порачаме до сите љубители дека нема да застанеме тука, до година имаме големи планови и многу новости во склоп на автомобилизмот во нашата држава – за нашиот портал вели првиот човек на „Custom Car Racing Team“, г-дин Мики Делев.

Како што ни соопштија од организациониот табор, утрешниот ден (недела) е отворен за публика после 11:00 часот, додека официјалното отворање е во 12:00 часот, во боксот ќе има специјализиран простор за брза храна и ладни напитоци.

Од организацијата упатуваат апел до присутните да ги почитуваат пропишаните протоколи за Ковид-19, растојание од 2м и носење на заштитна маска.

Денешниот тренинг, преку нашиот објектив изгледаше вака:

Кликни за автоматско листање на фотографиите

1 2 3 ►

Кими Раиконен официјално се повлекува од шампионатот во Формула 1 оваа сезона, и тој одлучи да го одбележи овој момент со продажба на еден од неговите V10 модели на Мекларен од сезоните 2002 и 2003 година.

Оваа специјална шасија MP4-17A-06, го започна својот живот како McLaren MP4-17 машина со мерцедес ливер, дизајнирана од Адријан Њуји и многу други големи имиња во Ф1 шампионатот. Овој автомобил се натпреваруваше седум пати во текот на сезоната 2002 со Кими кој заврши трет на Гран при на Европа на Нирбургринг.

Моторот V10 со 845 КС беше дизајниран во фабриката во Илмор инженеринг, но беше пензиониран на трката за ГН на Британија во 2002 година. Кими потоа му даде на Мекларен тимот најдобар резултат сезонава, завршувајќи втор на трката за ГН на Франција.

Со уште два подиума и четврто место што следеше во овој автомобил, Дејвид Култхард повторно ја возеше шасијата 06 на третото место на трката за ГН на САД.

Кога ќе се најде на следниот аукциски настан на РМ Сотбис Св. Мориц, овој автомобил ќе го носи MP4-17 Livery од 2002 година, но тој е специјално прилагоден на спецификациите од 2003 MP4-17D, во кои се тркаше вкупно пет пати. Култард успеа да победи на трката за ГН на Австралија во ова издание.

Ништо повеличествено не може да се поседува од толку познат и успешен автомобил, кој најверојатно ќе се продаде во аукцискиот блок по проценета цена од 1,5 до 2 милиони фунти, ако не и повеќе.

Извор: Topgear
Фото: Unsplash