Временска прогноза
ВАЖНО: Опасен топлотен бран доаѓа кон Македонија во следните денови, со значително висок УВ индекс и максимални температури под сенка

Опасен топлотен Африкански бран ќе влијае на времето во Македонија во текот на следните денови. Температурите на многу места низ нашата држава ќе надминуваат 35 степени, додека во централните и во југоисточните предели тие ќе надминуваат дури и 40 степени, односно во тие предели од Македонија температурата ќе се искачи дури до 43 степени.
Ув индексот ќе има екстремно висока вредност и ќе има коефициент 10, па затоа апелираме граѓаните да не излегуваат во најтоплиот дел од денот (од 10 до 17 часот), но и да пијат повеќе течности.
Во Скопје во следните денови температурата на воздухот ќе се искачи до 40, 41 степени.
Времето ќе биде претежно сончево, повремено со мала до умерена локална облачност. Повремено во попладневните часови и тоа според нашата алатка за рана најава на невреме “NOTHAS” ќе има услови за слаб до умерен развој на грмотевични облаци и тоа особено во планинските предели , и истите би можеле да условат појава на локален краткјотраен дожд и грмежи.
Барем според моменталните анализи со кои разполагаме, овој голем топол Африкански бран кај нас ќе се задржи најмалку седум денови.
НАПОМЕНА: Горе наведените очекувани температури на воздухот ќе се мерат под сенка, додека на сонце тие ќе бидат многу повисоки и локално ќе се искачуваат дури до околу, па и над 50 степени. Со ова, според Европскиот метеоаларм, Македонија ќе влезе во портокалова предупредувачка фаза поради очекуваните екстремно високи температури. Исто така, поради екстремно високите температури расте и опасноста од појава на шумски пожари, па затоа ги предупредуваме граѓаните да бидат крајно претпазливи како се однесуваат во природа, за порта.мк пишува Славчо Попоски
Временска прогноза
Од понеделник повторно нашата територија под влијание на циклонска активност која носи обилен дожд и електрични празнења

Под влијание на циклонска активнот со центар над Медитеранот, од понеделник (21 април) па се до самиот крај на следната седмица (недела 27 април) во Македонија ќе има честа појава на врнежи од дожд, кои на повеќе места ќе бидат поројни и проследени со појава на грмежи. Локално пак, процесите ќе бидат во форма на невреме проследено со обилен пороен дожд, засилен ветер, електрични празнења и со услови за појава на град.
И во Скопје и околината во текот на следната седмица ќе има честа појава на повремен дожд, кој во делови од котлината повремено ќе биде пороен и проследен со грмежи, како и со засилен ветер во зоната на нестабилност. Температурите и покрај ова нема многу да се менуваат во однос на оние кои ги имаме сега, што значи ќе бидат пролетни, до рано – летни.
Да напоменам дека за време на овој влажен период, локално ќе наврне значително количество на воден талог (над 50 литри на метар квадратен дожд). Поради ова, можно е ново зголемување на нивоата на реките и на езерата во Македонија, а можни се и локални поплавувања.
Исто така, апелирам, во случај на појава на невреме и на електрични празнења, да се избегнува претстој на отворено како и под осамени дрвја. Во случај на појава пак на силен ветер, граѓаните да внимаваат каде ги ставаат своите автомобили, односно истите да не бидат во близина на дрвјата, предмалку истакна Славчо Попоски
Временска прогноза
Времето за најголемиот христијански празник „Велигден“ ќе биде стабилно и сончево

За време на најголемиот Христијански празник (Воскресение Христово, Велигден) ќе имаме стабилно, суво и сончево време со мала до умерена локална облачност. Ќе дува слаб до умерен ветер од јужен правец.
И во Скопје за Велигден времето ќе биде стабилно, суво и сончево со мала до умерена облачност. Ќе дува слаб до умерен ветер од јужен правец.
Што се однесува до температурите, тие ќе бидат рано летни, и тоа поради влијанието на топлата воздушна маса од југ. Максималните дневни температури за време на овој најголем Христијански празник ќе се искачуваат во интервалот од 20 до 29 степени.
Во Скопје и околината максималната дневна температура на воздухот ќе се искачи до околу 27 степени.
Убавото време за Велигден искористете го максимално, и уживајте во празничниот сончев и топол викенд кој ни доаѓа, истакна Славчо Попоски
Временска прогноза
Според најновото метео ажурирање следува доста нестабилно време, ова се информациите

Во текот на оваа работна седмица во Македонија следува период на променливо време со повремени локални врнежи од дожд, повремено и локално поројни и проследени со грмежи. Ќе дува умерен, повремено засилен ветер од јужен и од југоисточен правец.
И во Скопје и околината следува период на променливо бреме со услови за појава на повремен локален дожд, повремено пороен и со услови за појава на грмежи. Ќе дува умерен, повремено засилен ветер од јужен и од југоисточен правец.
Сето ова е поради влијанието на циклонската активност (поле со низок возушен притисок) со потекло од западна Европа, а потоа и над Џеновскиот Залив.
Сепак, и покрај ова останува топло времето, односно со пролетни температури на воздухот кои преку ден на многу места ќе се искачуваат до близу, или околу 20 степени.
На повеќе места тие ќе надминуваат и 20 степени, а во Повардарието и во југоисточните предели тие повремено ќе се искачуваат и до околу 25 степени, а повремено истите би можеле да надминуваат и 25 степени.
Во Скопје и околината во текот на оваа работна седмица останува пролетно топло со температура која ќе надминува 20 степени.
Да напоменам дека поради изразеното јужно воздушено струење, оваа работна седмица од Сахара кон нашата Република Македонија ќе се врши транспорт на прашина и песок, па така и Атмосферата ќе биде позаматена, а времето ќе биде помачно и поспарно, вели Славчо Попоски
-
Хороскоп1 ден
Хороскоп за понеделник (21 април)
-
Кичево2 дена
(ГАЛЕРИЈА) Кичевскиот храм Св.Петар и Павле за „Воскресение Христово – Велигден“ преполн со верници
-
Македонија2 дена
На пат Гостивар-Кичево бил лишен од слобода возач кој престигнувал подолга колона
-
Култура2 дена
Ова се најубавите Велигденски пораки, сподели радост, посакај здравје и среќа!
-
Македонија2 дена
Жител на Крива Паланка возел 142 км/ч на место обележано до 70 км/ч
-
Хороскоп3 часа
Хороскоп за вторник (22 април)
-
Свет1 ден
Најстариот активен американски астронаут Дон Петит се врати на Земјата од Меѓународната вселенска станица (ISS) на својот 70-ти роденден.
-
Култура5 часа
(ФОТО+ВИДЕО) Во Бигорскиот Манастир и оваа година величествена прослава за Воскресение Христово – Света Пасха