Денеска (11.05.2025) во 07.10 часот, полициски службеници од ОВР Кичево го лишија од слобода Е.А.(48) од селото Србјани, кичевско поради сторено кривично дело „убиство“.

– Околу 07 часот во ПС Кичево од Итната медицинска помош Кичево, било пријавено дека кај нив се јавил Е.А. и кажал дека во семејната куќа во с. Србјани со секира ги нападнал неговите родители.

Со возило на Итна медицинска помош двете лица се пренесени во Медицинскиот центар Кичево, каде У.А.(74), татко на сторителот, им подлегнал на повредите а Ф.А.(67), мајка на сторителот, е во неконтактибилна состојба. Е.А. е лишен од слобода и по документирање на случајот, против него ќе биде поднесена кривична пријава, извести портпаролот на СВР Охрид, Стефан Димоски.

На 08.05.2025 во 21.25 часот во СВР Штип е пријавено дека во угостителски објект на Градскиот плоштад во Штип било пукано со пиштол кон Е.О.(25) од Република Турција, по што сторителот побегнал со возило. Повредениот бил пренесен во Клиничка болница Штип каде што во 22.10 часот починал.

По преземени мерки и активности, при што бил употребен и дрон, во близина на наплатна рампа Миладиновци, полициски службеници од слобода ги лишиле К.К.(21) од Република Турција зa кој постои сомнение дека е сторител на делото, како и А.Х.(22), Т.М.(22), О.М.(29) и А.О.(28), сите од Република Турција, поради сомнение дека му помогнале на К.К. да побегне од местото.

Имено, во 22.15 часот на наплатната рампа Миладиновци, во заедничка акција на СВР Штип, СВР Скопје и сообраќајната полиција, било запрено патничко возило „бмв“ со штипски регистарски ознаки, во кое биле  А.Х., Т.М., О.М. и А.О., при што А.Х. се дал во бегство, а другите лица биле лишени од слобода. Набргу, по преземени мерки, тој и сторителот К.К. биле пронајдени и лишени од слобода.

Сите лица биле задржани во полициска станица и по целосно документирање на случајот во координација со јавен обвинител, против нив ќе бидат поднесени соодветни пријави.

Неофицијалните информации кои ги објавивме пред повеќе од два часа дека трагичен крај има сообраќајката во Дебар, за жал се потврдија за точни.

Предмалку портпаролот на СВР Охрид Стефан Димоски истакна информации за трагичната сообраќајка.

Соопштението за јавноста гласи:

– На 04.05.2025 година во 14.30 часот, на магистралниот пат Дебар-Струга во близина на дебарското село Отишани, случена е сообраќајна незгода помеѓу патничко моторно возило „Пежо-406“ со скопски регистарски ознаки, управувано од Б.Г.(43) од Скопје и моторцикл „Дукати“, со кичевски регистарски ознаки, управуван од Б.Р. (33) од Кичево.

Притоа, на местото на сообраќајната незгода, животот го изгуби мотоциклистот, а неговата смрт е констатираана од екипа на Итната медицинска помош од Дебар додека, со телесни повреди се здобила М.Г.(42) од Скопје, сопатничка во првото возило, констатирани во Општата болница во Дебар.

Увид на местото извршија јавен обвинител и полициски екипи при што, патниот правец Дебар-Струга беше во прекин.

По наредба на јавен обвинител, врз телото на починатиот, ќе биде извршена обдукција.

– Во меѓу време АМСМ исто така последно истакна дека од 17:55 часот патниот правец Дебар – Струга е нормализиран.

– Апелираме за внимателно управување на секаков вид на возила кои учествуваат во сообраќај, придржување и почитување на поставената сигнализација за ограничување на брзина. Речиси и да нема нов месец без трагедија која зема човечки животи.

Доста е, да внимаваме!

– Порта.мк упатува сочувство до фамилијата, нека почива во мир нашиот сограѓанин!