Трагичен настан го потресе Гостивар вечерва. Усмртен е млад гостиварец, близу бул. „Гоце Делчев“. Според инфорамциите до кои дојде „Gostivarpress“ од СВР Тетово, околу 19 часот и 40 минути во полиција било пријавено дека во гостиварската болница „Ферид Мурад“ бил донесен 28-годишниот гостиварец Г.А, со влезно-излезна прострелна рана во главата.

Укажана му била лекарска помош, но Г.А. им подлегнал на задобиените повреди.

Во тек е увид што го вршат Јавен обвинител и екипа од Одделението за внатрешни работи Гостивар. Се преземаaт мерки за расчистување на случајот.

Други детали за сега не се познати, информира гостиварскиот портал.

Денес 20.08.2022 година во 09:15 часот, на магистралниот пат Гостивар-Кичево кај кичевското село Зајас, се случила сообраќајна несреќа помеѓу товарно моторно возило „мерцедес“ со тетовски регистарски ознаки, управувано од М.И.(58) и патнички автомобил „голф“ со тетовски регистарски ознаки, управуван од А.И.(78), двајцата од Тетово.

На местото на несреќата, на повредите им подлегнала Т.В.(54) од Тетово додека во амбулантно возило, на пат кон Ургентниот центар во Скопје, починала С.Ц.(75) од Тетово, двете сопатнички во второто возило.

По наредба на јавен обвинител, врз телата на починатите ќе се изврши обдукција. Увид на местото на незгодата извршија јавен обвинител и полициски екипи, за нашиот портал известува портпаролот на СВР Охрид, Стефан Димоски

Во Клиничкиот центар во Скопје почина 23-годишната Т.Р, од тетовското село Сараќино која беше тешко повредена како пешак на 15 август околу 22 часот во Тетово. Тешко повредена кога во неа удри возило управувано од 49-годишен жител на Голема Речица, а поради сериозноста на повредите беше однесена во Клиничкиот центар „Мајка Тереза“ во Скопје.

Според извештајот на МВР, патничко моторно возило BMW со тетовски регистарски ознаки што го управувал М.П. (49) од тетовска Голема Речица удрило во 23-годишната Т.Р. (пешак) од тетовско Сараќино. Во несреќата Т.Р. се здобила со тешки телесни повреди, констатирани во Клиничкиот центар „Мајка Тереза“ во Скопје, каде била пренесена за укажување на лекарска помош, информираше СВР Тетово.

Нека почива во мир!