Хроника
Трагична сообраќајна несреќа го потресе Охрид пладнево, загина млад мотоциклист на регионалниот пат Охрид – Св.Наум

На 08.03.2025 година околу 14 часот, во СВР Охрид е пријавено дека на регионалниот пат Охрид – Св.Наум, кај кружната крстосница за населбата Рача, случена е сообраќајна незгода помеѓу патнички автомобил „Мазда“ со охридски регистарски ознаки, управуван од Д.Н.(76) од струшкото село Враништа и моторцикл со охридски регистарски ознаки, управуван од Ј.Ц.(27) од Охрид.
Доктор од Итната медицинска помош од Охрид, кај возачот на моторциклот констатирал смрт а полициски екипи предводени од јавен обвинител вршат увид на местото на незгодата, за јавноста и медиумите извести портпаролот на СВР Охрид, Стефан Димоски.
Хроника
Лишен од слобода возач на „голф“, по сообраќајната несреќа во скопско каде загина малолетничка

На 06.04.2025 околу 17.20 часот во СВР Скопје било пријавено дека на локалниот пат с.Патишка река – с.Осинчани, скопско, се случила сообраќајна несреќа помеѓу патничко возило „фолксваген голф“ со скопски регистарски ознаки, управувано од У.О.(19) од с.Студеничани, скопско и патничко возило „мерцедес“ со скопски регистарски ознаки, управувано од Ф.А.(29) од Скопје.
Во несреќата со тешки телесни повреди се здобила малолетна сопатничка од патничкото возило „мерцедес“, која била пренесена во Градската општа болница „Св.Наум Охридски“, каде починала.
Лекар констатирал смрт, а по наредба на јавен обвинител телото на починатата е предадено на обдукција. Со телесни повреди се здобиле возачот Ф.А., сопатничката Р.А.(24) и уште една малолетна сопатничка, двете од Скопје, констатирани во Градската општа болница „Св.Наум Охридски“, како и возачот У.О., констатирани во Комплексот клиники „Мајка Тереза“.
Извршен бил увид од јавен обвинител и увидна екипа од СВР Скопје, а У.О. бил лишен од слобода по член 300 став 2, а во врска со член 297 став 1 од Кривичниот законик.
По целосно документирање на случајот ќе следува соодветна пријава, велат од МВР.
Хроника
ОВР Крива Паланка приведе три лица, се сомничат за убиство на 84 годишен старец, најден закопан во близина на живеалиште

На 01.04.2025 во 18.25 часот, полициски службеници од ОВР Крива Паланка ги лишиле од слобода З.Ф. (24), С. Ф. (19) и С.Ф.(44) од село Луке, кривопаланечко . Тие се сомничат дека го убиле Љ.С. (84) од село Луке, кој на 29.03.2025 бил пријавен за исчезнат.
Телото на Љ.С. било пронајдено закопано во непосредна близина на неговата куќа во с. Луке, а увид извршила екипа од СВР Куманово.
По насока на јавен обвинител, телото е предадено за обдукција, а по целосно расчистување и документирање на случајот ќе биде поднесена соодветна пријава, информираше МВР.
Хроника
Странските медиуми со траорни фотографии и директни преноси известуваат од Кочани и покрај најострата и недвосмислена осуда на Владата!

Истакнатиот безбедносен протокол и насоки за етичко известување од погребот на жртвите од трагедијата во Кочани денес сепак беше забележано нарушување на основниот кодекс за почитување на приватноста на погодените, направен од Владата на РМ, ССНМ и ЗНМ.
Домашните медиуми, главно го почитуваа договорот со исклучок на неколку отстапки и се придржуваа до насоките и информираа коректно како што се вели во соопштението, но неколку странски медиуми се обидоа да привлечат гледачи и читатели на најнепримерен начин со пренесување во живо на платформата јутјуб и останатите социјални мрежи.
ССНМ уште еднаш ги замоли претставниците на медиумите, и во следните денови на жалост, да ја остваруваат својата основната улога, да информираат, но да бидат внимателни со чувствата на граѓаните и да ги почитуваат етичките кодекси.
- Од она што народот, нас и останатите медиуми ги згрози е преносот во живо на јутјуб канал кој броеше над 9 милиони следбеници и покрај апелот на Владата, ЗНМ, ССНМ и останатите – истиот лајв или видео не е избришан, односно прекинат, дополнителниот апел кон тие кои се вклучени во живо даде и некој од присутните каде приоѓа и на англиски јазик културно се обраќа со „No live“, тие на тоа одговараат „Ok“ но тој пренос веќе 3 часа и повеќе воопшто не е прекинат, додека врз преносот се слушаат и новинари од балканот, со разбирлив јазик и акцент за наши простори.
– Иако Владата ја изрази својата најостра и недвосмислена осуда за неодговорните и неетички постапки на одредени странски медиуми кои и покрај нашите континуирани апели за почитување на етичкото новинарство, денес ја преминаа секоја граница на хуманост и достоинство во известувањето за трагичниот погреб во Кочани и уште вршат директен пренос и пренесуваат траорни фотографии од настаните.
Во соопштението се вели уште дека Владата повикува медиумите да ги отстранат материјалите од погребот на жртвите и да не ги шират!
Дополнително и Агенцијата за аудио и аудиовизуелни медиумски услуги уште еднаш ги повикува медиумите да се придржуваат до највисоките професионални и етички стандарди при информирањето за погребите на жртвите во трагичниот пожар во Кочани.
При пренесувањето на информациите, вклучително и преку социјалните мрежи, задолжително треба да се почитува личната болка и жалост на семејствата, роднините и најблиските на загинатите и да им се дозволи достоинствено да се збогуваат со саканите.
Медиумите не треба да објавуваат фотографии и видеа со гробни места, блиски членови на семејствата и треба да ги почитуваат приватните моменти за дополнително да не ја зголемуваат болката на ужалените, велат од АВМУ.
-
Хороскоп1 ден
Хороскоп за вторник (8 април)
-
Временска прогноза2 дена
Метео+: Сибирски студ цела седмица, утринските температури дури до -10°C
-
Хроника2 дена
Лишен од слобода возач на „голф“, по сообраќајната несреќа во скопско каде загина малолетничка
-
Хороскоп2 часа
Хороскоп за среда (9 април)
-
Мобилни уреди1 ден
Нови функции за WhatsApp, исклучете ја камерата пред да се јавите
-
Македонија1 ден
Мало намалување на цената на нафтените деривати од ноќеска
-
Магазин13 часа
Можеби мислите дека вашиот телефон е ажуриран – но има едно ажурирање што веројатно го пропуштате
-
Магазин13 часа
Discord лансира Social SDK за подобро социјално искуство во игрите