Мобилни уреди
Тргнувате на одмор? Google Maps може да работи совршено и без интернет, еве како..

Ако одите на патување и немате интернет или додатоци за роаминг, добрата вест е дека Google Maps може да работи совршено и без интернет.
Апликацијата може да се користи во офлајн режим, потребно е само претходно да поставите неколку работи. Постапката е едноставна и не одзема многу време.
Офлајн режимот функционира така што го преземате делот од картата што ви е потребен за да стигнете до саканата локација и можете да го користите офлајн режимот додека сеуште имате интернет.
#androidapps tip: Offline Google Maps. Having Offline Google Maps or Navigation Maps can be handy and useful during journey or at places where there are Internet Network Issues. To avoid any unwanted trouble, you can always download your… https://t.co/S3sNE2igzA #productivity pic.twitter.com/DO8pU7lzIN
— HowTimeNet (@HowTimeNet) May 30, 2022
Преземените карти истекуваат по 15 дена доколку во меѓувреме не се поврзете на интернет. Преземените мапи може да заземат помеѓу 500 MB и 2 GB простор на вашиот телефон, во зависност од големината на областа што се презема. Мапите на големите урбани центри, на пример, бараат повеќе простор, бидејќи има многу згради.
Одредени опции не се достапни во офлајн режим. Не е можно да се користат велосипедски рути, пешачка навигација и детали поврзани со сообраќајниот метеж.
Но, сè друго ќе функционира, па можете да пребарувате адреси (хотели, компании, ресторани…) и лесно да стигнете до нив.
Мобилни уреди
„Apple“ ја претстави новата серија на iPhone 17

Apple ја претстави новата серија iPhone 17. Почетната цена во САД за основниот модел изнесува 799 долари, додека за iPhone 17 Pro ќе треба да се издвојат 1.099 долари. Во Европа и Србија се очекуваат нешто повисоки износи. Продажбата започнува на 19 септември.
Телефоните доаѓаат со новиот A19 процесор, а екранот сега има 6,3 инчи и е заштитен со керамички слој – мал напредок во однос на 6,1-инчниот дисплеј кај iPhone 16.
Камерата претрпе големо унапредување и нуди резолуција од 48 мегапиксели, што е четири пати повеќе од претходната генерација.
Во прилог одличната рецензија и првите впечатоци за „чудовиштето“ од мобилен телефон на јутјуберот „Brian Tong“
Инаку, моделот iPhone 17 Pro се разликува со редизајн, посилна батерија, зголемена меморија и нов систем за ладење кој овозможува подобри перформанси на чипот.
Покрај главните модели, Apple го најави и iPhone Air – најтенкиот iPhone досега. Со дебелина од само 5,6 милиметри, екран од 6,5 инчи и конструкција направена од 80% рециклиран титаниум, овој уред е посебен акцент на презентацијата.
Мобилни уреди
Батеријата се празни додека полните? Еве што треба да знаете

Современите Android телефони доаѓаат со моќни и ефикасни процесори, како и батерии со поголем капацитет. Вообичаено, тие можат да издржат цел ден со едно полнење. Дополнително, технологиите за брзо жично и безжично полнење го прават користењето уште попрактично.
Сепак, понекогаш се јавува проблем кој корисниците го сметаат за најфрустрирачки – телефонот е на полнач, а батеријата сепак се празни.
Зошто се случува ова?
-
Неквалитетен или неконпатибилен полнач – денес повеќето телефони се испорачуваат само со USB кабел, а изборот на адаптер е на корисникот. Ако адаптерот не ги исполнува спецификациите на телефонот, полнењето може да биде недоволно ефикасно.
-
Стара или оштетена батерија – по неколку години користење, капацитетот на батеријата значително опаѓа. Android уредите може да покажат информации преку апликации од трети страни, додека iPhone овие податоци ги има во делот Battery Health. Ако батеријата е премногу деградирана, често е потребна замена.
-
Апликации во позадина – одредени апликации и услуги можат да трошат енергија дури и кога телефонот мирува. Графички тешките игри, како Call of Duty: Mobile или Genshin Impact, можат дополнително да го загреат уредот и да ја забават ефикасноста на полнењето.
-
Прегревање – високите температури можат да ја оштетат батеријата и да предизвикаат проблеми со полнењето. Затоа е важно телефонот да се полни во постудена средина.
Како да го решите проблемот?
Ако телефонот постојано се празни додека е приклучен на полнач:
-
Проверете дали користите компатибилен адаптер и кабел.
-
Размислете за замена на батеријата ако е стара.
-
Исклучете GPS, Bluetooth и апликации во позадина што не ви се потребни.
-
Избегнувајте полнење кога телефонот е веќе загреан.
Совети за подолго траење на батеријата
-
Намалете ја светлината на екранот.
-
Активирајте режим за заштеда на енергија во итни ситуации.
-
Не оставајте го телефонот долго време на 100% полнење.
Со правилна грижа, батеријата може значително подолго да го задржи својот капацитет и да обезбеди сигурни перформанси.
Извор: V-Online
Магазин
Крај на ажурирањата за Android: Кои Xiaomi, Redmi и Poco телефони ја губат поддршката?

Септември 2025 година ќе биде последниот месец кога дел од телефоните на Xiaomi, Redmi и Poco ќе добијат големо софтверско ажурирање. По тоа, овие уреди ќе останат без поддршка за нови верзии на Android и нови функции.
Кои промени доаѓаат?
-
Ажурирањето ќе вклучи Android 15 заедно со новиот интерфејс Xiaomi HyperOS 3.
-
Поддршката завршува по септември 2025 – уредите нема да ја добијат верзијата Android 16 и сите идни надградби.
-
Ограничувања за корисниците – телефоните ќе останат функционални, но ќе бидат без нови функции, подобрувања на перформансите и најважно – без идни безбедносни закрпи.
Зошто е донесена оваа одлука?
-
Според германскиот весник „Билд“, компанијата Xiaomi решила да ја прекине поддршката за 31 модел.
-
Со овој потег, производителот ги отстранува од циклусот на ажурирање и некои од своите најпопуларни телефони, што ќе разочара голем број корисници.
Кои модели се засегнати?
На листата се вклучени телефони од сите три главни серии на Xiaomi:
-
Серија Xiaomi: Xiaomi 12, Xiaomi 12 Pro, Xiaomi 12S Ultra, MIX Fold 2
-
Серија Redmi: модели од семејствата Redmi Note 12 и Note 13
-
Серија Poco: Poco F5 Pro, Poco M6 Pro
Во вкупниот список се наоѓаат 31 модел, а овие се само дел од најзабележителните примери.
Што значи ова за корисниците?
-
Ќе добијат уште едно големо ажурирање со Android 15 и HyperOS 3.
-
По тоа, ќе останат без нови верзии на Android и иновативни функции.
-
Со текот на времето, телефоните може да бидат поранливи на безбедносни закани, бидејќи нема да добиваат нови безбедносни закрпи.
Извор: Blic
-
Кичево7 часа
Во недела на големиот празник рождество на Пресвета Богородица, во кичевско с.Другово ќе се осветува поставениот Крст
-
Хороскоп2 дена
Хороскоп за среда (17 септември)
-
Хороскоп20 часа
Хороскоп за четврток (18 септември)
-
Музика1 ден
Училиштето за Црковна музика „Митрополит Козма Пречистански“ во петок и сабота преку „аудиција“ врши упис на нови членови за источно пеење
-
Временска прогноза1 ден
Брз продор на ладен воздух од север, додека само утре услови за слаб локален дожд
-
Скопје9 часа
Малолетници на 12 и 14 годишна возраст од угостителски објект одзеле пари од вработени и побегнале, едниот се заканил со остар предмет
-
Временска прогноза11 часа
Следната седмица вистинска промена на времето
-
Магазин1 ден
Осум iOS 26 промени што мора да ги пробате