Правилното складирање на овошјето и зеленчукот може значително да влијае на нивната свежина, вкус и трајност. Иако фрижидерот често се смета за најсигурно место за чување на храна, тоа не важи за сите намирници. Некои овошја и зеленчуци подобро се одржуваат на собна температура – и токму тука се прават најчестите грешки.

Зошто доматите не треба да се чуваат во фрижидер?

Доматите се еден од најчесто користените сезонски производи, но нивното чување во фрижидер е грешка што ја прават многумина. Ниските температури негативно влијаат на текстурата и вкусот на доматите. Студот ги забавува хемиските реакции кои се одговорни за развојот на нивната арома, па затоа тие стануваат безвкусни и водени.

Идеално складирање: Доматите треба да се чуваат на собна температура, далеку од директна топлина (како шпорет или рерна). Пожелно е да се распоредат во плиток сад, без да се преклопуваат, за да се овозможи циркулација на воздух и да се избегне притисок врз нивната чувствителна кора.

Совет: Ако доматите имаат стебло, поставете ги наопаку – со стеблото надолу. Тоа помага да се намали ризикот од влага и контаминација.

Овошја и зеленчуци што не сакаат студ

Покрај доматите, има и други намирници кои подобро се одржуваат надвор од фрижидер:

• Авокадо – Треба да се чува на собна температура додека не омекне. Потоа може да се стави во фрижидер за да се забави понатамошното зреење.

• Банани – Фрижидерот предизвикува нивната кора да потемни и го менува вкусот. Чувајте ги на собна температура.

• Компири – Студот го претвора скробот во шеќер, што влијае на вкусот и текстурата. Идеална е темна, ладна и сува просторија со температура од 7–10°C.

• Кромид и лук – Влажноста во фрижидерот поттикнува мувла. Најдобро е да се чуваат на суво и проветрено место, далеку од влага.

• Праски, крушки, јаболка, сливи, манго – Овие овошја треба да се чуваат на собна температура додека не зрееат. Кога ќе омекнат, може кратко да се стават во фрижидер.

• Ананас, дињи и лубеници – Целите плодови е најдобро да се чуваат надвор од фрижидер. По сечењето, мора да се складираат во фрижидер за да се спречи расипување.

Пазете се од етилен

Некои овошја – како домати, банани, јаболка и авокадо – испуштаат етилен, гас што го забрзува зреењето. Овие производи треба да се чуваат одвоено од чувствителни намирници како што се краставици, брокула или лиснат зеленчук.

Заклучок

Со неколку едноставни навики можете значително да го продолжите рокот на траење и да го зачувате вкусот на овошјето и зеленчукот. Чувајте ги на собна температура, избегнувајте непотребна влага и обрнувајте внимание на тоа кои намирници влијаат една на друга. На тој начин ќе го извлечете максимумот од секој плод што ќе го внесете во кујната.

Извор: Kurir

Американската технолошка компанија Google најави дека на 20 август ќе го одржи својот следен голем настан – „Made by Google“ – во Њујорк. На овој настан се очекува претставување на новата генерација Pixel уреди, вклучувајќи паметни телефони, паметни часовници и безжични слушалки.

Настанот ќе започне во 19:00 часот по средноевропско време, а се очекува Google да овозможи пренос во живо преку платформата YouTube.

Главниот фокус ќе биде насочен кон Pixel 10 серијата. Според неофицијални информации, основниот модел првпат ќе има три задни камери – значајно надградување во однос на претходниците.

Покрај него, се очекува и премиера на Pixel 10 Pro и Pixel 10 Pro XL, како и новиот Pixel 10 Pro Fold – преклоплив уред кој, наводно, ќе биде целосно отпорен на прашина.

Дополнително, можно е да биде претставена и четвртата генерација на Pixel Watch, со подобрена батерија, како и Pixel Buds 2a – нови безжични слушалки наменети за љубителите на квалитетен звук.

Иако дел од овие информации се засноваат на гласини, се очекува Google да воведе значајни подобрувања, особено во делот на издржливост, функционалност и корисничко искуство.

Извор: B92

ОВЕН
Ако неодамна сте донирале дел од вашите пари, сте позајмиле одредена сума на пријател или си купиле нешто непотребно, денес можеби ќе бидете разочарани од себе и ќе се плашите од иднината. Ништо не е црно или бело, не бидете негативни, туку барајте нова можност за заработка. Размислете што можете да понудите.

БИК
Доколку реагирате доволно брзо на барањата на пазарот, за кратко време ќе можете да ја промените позицијата и да постигнете завиден успех. Оние од вас кои денес се во тајна љубовна врска ќе почувствуваат дека нешто се променило; колку и да сте изненадени, не реагирајте веднаш, туку излезете со лукав и мудар одговор.

БЛИЗНАЦИ
Ако дозволите да ви пречат емоциите, веројатно ќе ја почувствувате загубата денес или ќе започнете серија дискусии кои ќе резултираат со прекин на деловниот проект. Ако сакате да напредувате и важно ви е што ќе мисли околината за вас, тогаш работете на добри меѓучовечки односи. Не барајте кратенки.

РАК
Работите на работа полека си доаѓаат на свое место. Денеска ќе можете да промените некои работи или нечие мислење, за да обезбедите подобра финансиска иднина. Не дозволувајте некој да си игра со вашите емоции или да ве убеди да ги доверите тешко заработените пари на трето лице. Пристапете кон љубовта традиционално и малку потешко.

ЛАВ
Утрото ќе сфатите дека сепак треба да ги чувате мислите за себе. Колку и да ви е тешко, воздржете се од иницирање дебати и обидете се, барем навидум, да се приклоните кон размислувањата на мнозинството. Побарајте помош само од некој на кого навистина му верувате, а пред да направите промени дома, објаснете им на другите.

ДЕВИЦА
Потрудете се да ги одржите деловните активности искрени, добрата атмосфера на работното место и добрите односи со колегите. Ќе бидете доста директни во комуникацијата и во моментов најважно е секој точно да знае што мислите и какви ставови застапувате. За да постигнете една од целите, ќе биде доволно да ги разјасните вашите мотиви и очекувања.

ВАГА
Добри работи ќе дојдат кај оние од вас кои не се алчни. Со своите идеи ќе можете да го привлечете вниманието на вистинските луѓе кои имаат моќ и се влијателни. Доколку денес планирате да договорите нешто или да потпишете договор, дозволете да се знае дека имате искуство зад себе. Денешниот ден ќе биде уште подобар откако ќе добиете шанса подобро да ја запознаете вашата сакана личност.

ШКОРПИЈА
Колку и да се стремите кон совршенство и да се трудите се да правите како што треба, денес сепак ќе треба да се согласите на нешто помалку од тоа и да прифатите дека некои работи треба да се направат што е можно поскоро. Не ги критикувајте другите и не ги омаловажувајте бидејќи ќе ја изгубите популарноста. Потрудете се да се забавувате, да стекнете нови познанства и да пиете кафе со пријателите.

СТРЕЛЕЦ
Секој потег што ви изгледа позитивен денес ќе ве донесе чекор поблиску до постигнување на вашите цели, не двоумете се ако интуицијата ви каже дека треба да одбиете или прифатите нешто. Љубовната ситуација функционира се подобро и денот е идеален за правење промени во бракот или заедничкиот живот. Размислете како можете да бидете подобра личност.

ЈАРЕЦ
Нема да ви бидат достапни сите информации и тешко дека денес работите ќе бидат како што изгледаат на прв поглед, особено кога се работи за приватниот живот и љубовните врски. Останете подалеку од туѓите проблеми, фокусирајте се на своите и обидете се да го пронајдете најдоброто можно решение, дури и ако е привремено. Фокусирајте се на парите.

ВОДОЛИЈА
Не верувајте во се што ќе слушнете денес. Обидете се прво да ги истражувате работите онлајн или во писмена комуникација, бидејќи на тој начин ќе ги добиете вистинските информации и нема да трошите премногу време за донесување одлука. Некој ќе се предомисли, но тоа не значи дека сè е неуспешно или дека треба да ги прекинете плановите.

РИБИ
Не погрешно толкувајте нечие однесување и заклучете дека таа личност има емоции кон вас. Ако не сте сигурни како стоите на работа, поставете отворено прашање до вашиот непосреден претпоставен. Можни се проблеми со постарите во приватниот живот, но не ги доведувајте во прашање вашите начини поради нив.