Македонија
Уапсени сопственици на локали кои не почитувале денови на жалост и пуштале музика

На 21/22.03.2025 во Скопје, во угостителски објекти на подрачјето на Центар, полициски службеници од СВР Скопје ги лишиле од слобода Ф.А.(26) од скопско и В.В.(22) од Скопје поради постоење основи на сомнение за сторено кривично дело по член 387 од Кривичниот законик.
Во текот на вчерашниот ден во угостителски објекти каде тие се одговорни лица била пуштена музика односно не била почитувана одлуката на Владата за седумдневна жалост.
Веднаш е постапено од страна на полициските службеници на СВР Скопје и одговорните лица се лишени од слобода, а по документирање на случаите ќе бидат поднесени соодветни пријави во врска со чл. 387 од КЗ, информира МВР.
Македонија
Уште еден регистриран на радар со 104 км/ч, каде по пропис е 40 дозволено!

На 24.03.2025 во 11.30 часот, на регионален пат Куманово – село Никуштак, полициски службеници од Полициската станица за безбедност на патниот сообраќај при СВР Куманово го лишиле од слобода Ф.А.(21) од село Никуштак, општина Липково.
При контрола на патниот сообраќај било констатирано дека управувал патничко моторно возило „фолксваген голф“ со брзина од 108 километри на час во населено место каде што дозволената брзина е 40 километри на час.
Против него ќе биде поднесена кривична пријава по член 297а од Кривичниот законик – „безобѕирно управување со моторно возило, информираат од МВР.
Македонија
(ВИДЕО) Јован кој спаси 20 деца во траорната несреќа во Кочани, денес беше пречекан со аплаузи

Јован Костадинов – Херојот кој спаси 20 деца, денес беше пречекан во гимназијата Ванчо Прќе во Виница.
Аплаузи, солзи, за детето кој со неговиот подвиг да спасува, ризикувајќи го сопствениот живот силно одекна во нацијата, чин кој ги заслужува сите почести!
Во продолжение погледнете го видеото од колегите од Angels FM 106.4
Капа долу!
Претходно министерот за здравство Арбен Таравари за Јован го напиша следново:
– Денеска, со длабока емоција и бескрајна гордост, ви ја споделувам веста дека Јован Костадинов, храбриот млад човек кој спаси 21 живот во трагедијата со пожарот во Кочани, конечно се врати дома.
Постојат моменти кога зборовите не се доволни, а ова е еден од нив. Како да се опише душа толку храбра и несебична, која во мигови на паника и опасност не помисли на себе, туку само на другите?
Јован, кој има само 19 години, постапил како вистински херој. Влегувал повторно и повторно, не еднаш, не двапати, туку повеќе од 20 пати, за да помогне на оние што биле заробени во пламените. Го ризикуваше сопствениот живот за да спаси други.
Неговото тело ги носи лузните од неговото јунаштво, но неговото срце носи нешто далеку поголемо: почитта, восхитот и љубовта на цела нација.
Јован не е само херој на Кочани. Тој е херој на целата наша држава. Симбол на тоа што значи да се стави човечноста над стравот. Потсетник за сите нас колку многу може да направи еден човек со големо срце.
Добредојде дома, Јован. Твојата приказна ќе живее вечно, во животите што ги спаси, во семејствата што повторно се заедно и во срцата на секој граѓанин што сега го знае твоето име.
Во име на сите граѓани, јас ќе кажам едно нешто, јасно и гласно: Никогаш нема да заборавиме.
Македонија
За еден викенд МВР изрече 1603 платни налози на возачи кои сториле прекршоци

Во текот на изминатиот викенд (22/23.03.2025) како резултат на сообраќајните контроли што ги спроведуваат полициски службеници од сите сектори за внатрешни работи на патиштата низ државата, беа издадени вкупно 1603 платни налози по основ на Законот за безбедност на сообраќајот на патиштата и Законот за возила.
Притоа, во рамки на контролите, согласно статистичките податоци по основ на пречекорување на брзината на движење евидентирани се 818 прекршоци, а по основ на непрописното паркирање 177. Исто така во посочениот период, регистрирани се 138 прекршоците по основ на непоседување на возачка дозвола, потоа за некористење на сигурносен појас изречени се 95 санкции и уште 30 прекршоци за неносење заштитна кацига, како и 45 прекршоци за користење на мобилен телефон при возење.
Покрај ова во текот на викендот беа регистрирани 36 случаи на возачи кои што управувале под дејство на алкохол, деветмина минале на црвено светло, а евидентирани се и 14 прекршоци на пешаци. Согласно, пак, Законот од сообраќај биле исклучени 47 возила од кои 36 заради тоа што биле нерегистрирани и 11 заради техничка неисправност, информира МВР.
-
Македонија10 часа
(ВИДЕО) Јован кој спаси 20 деца во траорната несреќа во Кочани, денес беше пречекан со аплаузи
-
Кичево2 дена
Утре следните кичевски села ќе бидат со времен прекин на електрична енергија поради работа на „ЕВН КЕЦ Кичево“
-
Култура1 ден
(ФОТО) Во кичевското ЦОУ „Христо Узунов“ реализирана работилница со дечиња под наслов „Позитивна комуникација“
-
Хороскоп2 дена
Хороскоп за понеделник (24 март)
-
Спорт2 дена
(ВИДЕО) Коментаторот неможеше да ги скрие солзите за несреќно загинатите во Кочани, но и за Вукашин (19) кој загина во Нови Сад
-
Хороскоп20 часа
Хороскоп за вторник (25 март)
-
Автомобили1 ден
Дали знаете за што служат рачките во автомобилите? Не е тоа што мислите.
-
Скопје1 ден
МВР и АЦВ: Поставена забрана за вршење на било какви операции со воздухоплови без екипаж на следниве места на град Скопје