Предмалку се случила сообраќајна несреќа во близина на поранешна „Штрафара“ (кружен тек) на магистралниот пат во Кичево, каде според очевидци пешак кој сакал да ја премине магистралата бил удрен од автомобил Мазда.

ОВР Кичево врши увид на местото на настанот, додека СВР Охрид ќе излезе со повеќе детали во текот на утрешниот ден.

– Од неофицијални извори се работи за малололетен пешак кој за среќа како што говорат очевидците кои помогнале на лице место заедно со медицинските лица од Општата болница „Кичево“ кои веднаш пристигнале, велат дека лицето било во контактибилна состојба и надвор од животна опасност.

Уште еднаш, апел за поголемо внимание во патниот сообраќај и придржување на поставената патна и сообраќајна сигнализација за ограничување на брзина!