Дали вашиот телефон е секогаш на полнач? Овие 5 виновници ја „јадат“ батеријата
Пред да одлучите да ја замените батеријата, прочитајте ги овие трикови за продолжување на нејзиниот век на траење.

Се чини дека батеријата на вашиот телефон не трае доволно долго? Пред да ја замените, пробајте неколку едноставни совети кои можат да го продолжат нејзиниот живот.

Главната причина за брзото трошење на батеријата често е големиот број активни апликации, кои непотребно го „оптоваруваат“ телефонот. Со овие совети, не само што ќе го продолжите траењето на батеријата во текот на денот, туку и целиот нејзин животен век.

1. Автоматска брава и светлина

Телефонот троши батерија речиси постојано, но значително помалку ако поставите екранот да се заклучува автоматски по краток временски период. Оставен екран кој не се исклучува непотребно ја троши батеријата и го зголемува потребното време за полнење.

Исто така, намалете ја светлината на екранот. Користете ја максималната осветленост само ако е неопходно, на пример, при силна сончева светлина.

2. Bluetooth

Исклучете го Bluetooth кога не го користите. Освен што ја заштедувате батеријата, го намалувате ризикот од хакерски напади кои можат да се случат преку оваа технологија.

3. Полнење

Избегнувајте да го оставате телефонот на полнач подолго од потребното. Иако звучи практично, оваа навика може да ја оштети батеријата на долг рок. Откако телефонот ќе се наполни, тргнете го од полначот за да избегнете зависност на батеријата од постојано полнење.

4. Звуци и осветлување на копчињата

Ако играте игри или користите апликации кои генерираат звуци, исклучете го звукот за да ја заштедите батеријата. Исто така, исклучете го звукот и осветлувањето на копчињата доколку не ви се неопходни.

Ако батеријата ви е речиси празна, исклучете го телефонот додека не ви затреба, особено за итни повици.

5. iPhone и WiFi

Некои телефони, како оние со iOS, автоматски ги ажурираат апликациите кога се поврзани на WiFi. Исклучете го ова во поставките и изберете рачно ажурирање.

Кога излегувате од дома или канцеларија, исклучете ги WiFi и Bluetooth ако не ги користите. Динамичните позадини исто така трошат повеќе енергија, па заменете ги со статични.

Со овие совети, вашиот телефон ќе трае подолго, а батеријата ќе остане во подобра состојба.

Извор: Objective

Изминатата година донесе бројни иновации во светот на технологијата, со многу возбудливи производи кои ги редефинираа границите на можностите. Од моќни компјутери и паметни уреди до револуционерни гаџети, изборот на најдоброто беше предизвик!

Подолу е список на лаптопи кои ја обележаа 2024 година, истакнувајќи се со нивната иновација, функционалност и потенцијал да ја обликуваат иднината.

Лаптопи: Категории и модели

Лаптоп со два екрана: ASUS Zenbook DUO (2024) UX8406

ASUS Zenbook DUO нуди револуционерно искуство со два OLED екрана. Опремен е со Intel Core Ultra 9 процесор, 32 GB RAM и можност за иновации во мобилна продуктивност.
Цена: 143,815 МКД

Лаптоп 2-во-1: HP Spectre x360 14 (2024)

Овој премиум конвертибилен лаптоп лесно се претвора во таблет. Опремен е со Intel Core i7 и врвен OLED екран. Идеален за професионалци во движење.
Цена: од 102,012 МКД

Ултрапренослив лаптоп: ASUS Zenbook 14 OLED (UM3406)

Со својата тенка конструкција и моќен AMD процесор, овој лаптоп нуди одличен сооднос на преносливост, стил и перформанси.
Цена: 58,645 МКД

Лаптоп за игри: LENOVO Legion 7 16IRX9

Совршен баланс помеѓу перформансите и цената. Опремен е со Intel Core i7, NVIDIA GeForce RTX 4070 и 16-инчен екран.
Цена: 142,800 МКД

Лаптоп за работна станица: ASUS ProArt P16 (H7606)

Врвен лаптоп за професионалци со исклучителни перформанси. Вклучува AMD Ryzen AI 9 HX 370 CPU и 16-инчен 4K OLED екран.
Цена: 188,700 МКД

Евтин лаптоп: LENOVO Gaming 3 15ACH6

Иако спаѓа во категоријата на „евтини“, овој лаптоп нуди солидни перформанси за гејминг и секојдневна употреба.
Цена: 37,944 МКД

Деловен лаптоп: Lenovo ThinkPad X1 Carbon Gen 12

Со своето јаглеродно куќиште и фантастичен OLED дисплеј, овој лаптоп е идеален за професионалци кои се во постојано движење.
Цена: 163,200 МКД

Лаптоп Copilot+: Surface Pro 11

Мултифункционален лаптоп со Snapdragon X Elite процесор и поддршка за апликации со вештачка интелигенција. Идеален за деловни активности и мултимедија.
Цена: од 141,525 МКД

Извор: PcPress

ОВЕН

Не брзајте премногу со завршувањето на важни работни задачи, најдобро е сѐ да се одвива полека. Иако мислевте дека немате веќе емоции кон поранешниот партнер, по средбата нешто се промени. Психички сте многу напнати.

БИК

Изгубивте надеж дека ќе успеете да ја промените работата и не сте задоволни со околностите во кои се наоѓате. Иако умеете да претерувате, партнерот се труди да ве задоволи. Проблеми со нервниот систем.

БЛИЗНАЦИ

Можно е да имате важни одлуки пред себе во наредниот период. Ве очекува поволна фаза за работа. Дистанцата помеѓу вас и саканата личност не ви се допаѓа воопшто. Сѐ повеќе се ближи крајот. Водете сметка за грбот.

РАК

Доколку планирате патување, ве очекува период во кој ќе имате добри можности за остварување на работата. Ви се допаѓа личност која честопати ја среќавате во секојдневното опкружување. Водете сметка за циркулацијата.

ЛАВ

Ве загрижуваат трошоците и финансиите. Можеби не сте сигурни како ќе ги решите сите проблеми на ова поле. Губите доверба во партнерот со кој веќе сте имале многу проблеми и драми. Можни се воспаленија и инфекции.

ДЕВИЦА

Имате впечаток дека на работа ништо не оди онака како што сте очекувале и незадоволни сте поради тоа. Во бракот влеговте во монотона фаза од која не е лесно да излезете. Имате проблеми со партнерот. Внимавајте на бубрезите.

ВАГА

Ве очекува период во кој ќе имате некои потешкотии за остварување на складен однос со саканата личност. Може да очекувате интересна средба со личност со која флертувате веќе некое време. Проблеми со притисокот.

ШКОРПИЈА

Пред вас е генерално добар ден, може да очекувате дека ќе бидете задоволни од околностите на ова поле. Ве очекува можност да влезете во нова врска во која ќе бидете среќни и задоволни. Чувствителни стапала и зглобови.

СТРЕЛЕЦ

Ќе успеете да ги остварите своите планови на деловно поле. Ќе бидете задоволни бидејќи сѐ ви оди од рака. Можеби не сте сигурни во кој правец сакате да се движи вашата врска која ви значи. Потребна ви е прошетка.

ЈАРЕЦ

Во текот на денешниот ден ве очекуваат помали компликации на деловно поле. Не сте подготвени да се соочите со проблемите . Ве очекува многу добар период на емотивно поле. Уживате во убавите моменти со партнерот. Добро се чувствувате.

ВОДОЛИЈА

Доаѓате до значајно подобрување на комуникацијата и односот со личноста која ви се допаѓа. Доколку сте имале проблеми во контактот со партнерот, ќе успеете да ги решите во текот на денешниот ден. Можна е омалаксаност.

РИБИ

Немате доволно доверба во соработниците. Пред вас е период во кој ќе имате деловни компликации. Посветени сте му на својот партнер и убаво ви е кога сте заедно. Ве очекува поволен период за љубов. Водете сметка за циркулацијата.