Магазин
Уште една добра причина да го чекате iPhone SE4

Се почесто кружат непотврдени информации дека следната генерација на iPhone SE 4, која се очекува на почетокот на следната година, ќе биде надградена на 8 GB меморија
Apple планира на почетокот на следната година да лансира нова генерација телефони iPhone SE 4 со поповолна цена, што ќе биде прва поголема надградба на оваа серија од 2020 година.
Неодамна „Bloomberg“ истакна дека iPhone SE 4 ќе донесе бројни подобрувања, вклучително и функции и услуги за вештачка интелигенција познати како Apple Intelligence. MacRumors понатаму открива дека поради хардверските барања на Apple Intelligence, речиси е сигурно дека iPhone SE 4 ќе биде опремен со 8GB меморија.
Во споредба со постоечкиот iPhone SE 3, кој има само 4 GB меморија, оваа надградба значи дека капацитетот на меморијата е двојно зголемен, што е многу важно во денешната ера на афирмирање на функциите на вештачката интелигенција кои се извршуваат локално на самиот телефон.
Покрај надградбата на меморијата, iPhone SE 4 би можел да биде опремен и со 6,1-инчен OLED дисплеј и A18 процесор, со поддршка за Face ID за препознавање лица и клуч за акција.
Се очекува да има и USB-C приклучок за полнење и комуникација. Што се однесува до цената, може да биде под 500 американски долари. Доколку овие гласини се точни, iPhone SE 4 ќе биде исклучително конкурентен и достоен за вниманието на корисниците.
Од друга страна, iPhone 16 и iPhone 16 Plus, кои ќе бидат претставени во септември, исто така ќе имаат зголемена меморија од 6 GB на 8 GB поради Apple Intelligence, што значи дека сите модели од серијата iPhone 16 ќе имаат 8 GB меморија.
/Benchmark
Lifestyle
Дали заспивате со мобилен телефон? Ова може сериозно да му наштети на вашето здравје

Научните истражувања откриваат нешто загрижувачко: вештачката светлина навечер може да го наруши биолошкиот часовник и да го зголеми ризикот од дијабетес тип 2, артериска хипертензија и дебелина.
Сè повеќе луѓе стануваат зависни од своите паметни телефони – тие се како продолжена рака. Но токму користењето телефон пред спиење е најголемиот проблем.
Зошто е опасна сината светлина?
Докторите предупредуваат: изложеноста на сината светлина од екранот пред спиење може да предизвика:
-
нарушување на хормонот мелатонин
-
намалување на времетраењето на сонот
-
појава на нарушувања на спиењето
Иако сината светлина директно не предизвикува дијабетес, експертите објаснуваат дека може да биде значаен ризик фактор за развој на болеста.
Што велат експертите?
Горана Мирошевиќ, раководител на Институтот за ендокринологија, дијабетес и метаболички заболувања, посочува дека дијабетесот тип 2 може да настане од повеќе фактори: наследност, возраст, хормонални нарушувања кај жени, прекумерна телесна маса и седентарен начин на живот.
Таа додава дека сината светлина влијае на намалување на мелатонинот и на лош квалитет на спиењето, што индиректно го зголемува ризикот.
Што покажуваат студиите?
Минатата година во списанието „Лансет“ беше објавена студија со 85.000 учесници, која траела дури девет години. Анализирани биле повеќе од 13 милиони часови податоци преку светлосни сензори. Резултатите потврдија: луѓето кои ноќе биле повеќе изложени на вештачка светлина имале зголемен ризик од дијабетес.
Последици и други болести
Според Зринка Мах од Хрватското друштво за хронични болести, изложеноста на вештачка светлина ноќе е директно поврзана со појава на хронични незаразни болести.
Недостатокот на сон не носи само дијабетес и дебелина, туку и:
-
депресија
-
малигни заболувања
-
намалено лачење на хормони
Истражувањата потврдуваат едно: колку е поголемо изложувањето на светлина ноќе, толку е поголем ризикот по здравјето.
Извор: tportal
Lifestyle
Појадувајте здраво во канцеларија: брз рецепт за 5 минути

Долг ден во канцеларија секогаш бара паметен и хранлив почеток. Ако утрото ви е хаотично, а сепак сакате да останете верни на здравите навики, овој рецепт е вистински спас – готов е за само пет минути. Идеален е за сите кои трчаат по време, но сакаат енергија за целиот ден.
Состојки за здрав канцелариски појадок
• 3 лажици житни култури
• 1 лажица путер од бадеми – кремаст и хранлив
• 1 лажица мед (по желба, за сладок шмек)
• ½ ситно сечкано киви
• ½ ситно сечкано јаболко
За финалниот „допир“ одозгора:
• 3 лажици јогурт од бадеми – мек и кремаст
• Листови од зелено јаболко за свежина и крцкавост
• Неколку ф’стаци за луксузен шмек и текстура
• Сушени бобинки (боровинки или суво грозје) за совршена рамнотежа
Како да го подготвите?
• Измешајте ги сите состојки во сад.
• Додајте го јогуртот, јаболковите листови, ф’стаците и сушеното овошје како топинг.
• Уживајте веднаш или спакувајте го и понесете го во канцеларија.
Заклучок
Со само пет минути и малку добра волја, вашиот ден може да започне на највкусниот и најздрав начин. Без изговори за прескокнување појадок – овој рецепт е лесен, енергетски и идеален за секое утро.
Извор: B92
Магазин
Samsung Galaxy Tab S11 – протекоа цените за Европа

Новата серија таблети Samsung Galaxy Tab S11 иако сè уште не е официјално претставена, веќе е во центар на вниманието. Благодарение на бројните гласини и протечени информации, спецификациите беа познати уште претходно, а сега две полски продавници ги открија и цените за европскиот пазар.
Очекувани цени во Европа
• Основниот модел Galaxy Tab S11 (Wi-Fi, 256 GB) ќе чини околу 4.099 полски злоти, што изнесува приближно 960 евра.
• Верзијата со 5G и 128 GB меморија ќе стартува од 4.399 злоти, или околу 1.030 евра.
• Најмоќниот модел, Galaxy Tab S11 Ultra, ќе биде значително поскап – за Wi-Fi верзијата со 512 GB цената ќе биде 6.299 злоти (околу 1.475 евра). Интересно е што и основниот 5G модел со 256 GB меморија ќе има иста цена.
Разлики по европски пазари
Важно е да се нагласи дека овие цени се пресметани врз основа на полскиот пазар и можно е да има мали варијации во другите европски земји.
Големото претставување е закажано за 4 септември, кога покрај новите таблети, Samsung ќе го претстави и новиот Galaxy S25 FE.
Извор: Index
-
Кичево1 ден
(ФОТО) Денес во просториите на „РЕК Осломеј“ свечено беше одбележан 28 август, „Денот на рударите“
-
Хороскоп15 часа
Хороскоп за петок (29 август)
-
Хороскоп2 дена
Хороскоп за четврток (28 август)
-
Хроника24 часа
Во хотелска соба бил пронајден починат 69-годишник од Австралија
-
Спорт1 ден
Со заложби на претседателот Омерагиќ и општина Битола, овој град повторно на европската фудбалска мапа, стадионот „Петар Милошевски“ доби зелено светло од „УЕФА“
-
Временска прогноза6 часа
Од утре промена во атмосферата, најава за дестабилизација на времето кое носи нови врнежи од дожд и засилен ветер, ова се информациите…
-
Кичево4 часа
Сечесниот празник на Успението на Пресвета Богородица се прослави со сеноќно бдение во нејзиниот кичевски величествен храм
-
На денешен ден6 часа
Времеплов: На денешен ден (29 август)