За жал лоши вести доаѓаат после идентификација на телата. Имено, Битбоксерот Мартин Атанасовски, познат како „Буцо Битбокс“ е една од жртвите на трагедијата која ја зави Македонија во црно при ночешниот пожар кој избувна во клубот „Пулс“

Иако преку ден мала надеж се влеваше дека ќе се пронајде, но ни трага ни глас, така што информациите до кои дојдовме се најлоши – Мартин за жал се придружи на починатите.

Неговите пријатели, колеги и обожаватели со неверување ја примија веста за неговата смрт, споделувајќи пораки со сочувство на социјалните мрежи.

„Буцо, брате!“, напиша музичарот Бојан Стојанов, познат како „Бока Конга“, споделувајќи фотографија со „Буцо Битбокс“.

Андреј Ѓорѓиески од дуото ДНК им подлегнал на повредите здобиени од пожарот во дискотеката во Кочани.

Од релевантни извори во јавноста се прошири дека Андреј се спасил, но се вратил да спаси девојчиња и повеќе не излегол од внатрешноста.

Информациите за неговата смрт медиумите ја прецизираат од блиското семејство.

Почивај во мир голем пријатели, ќе свети уште долго вашата нумера “Ако утре ме нема”

И Македонскиот фудбал тагува, Андреј Лазаров не издржа. По веста дека се бара, и бил пронајден, па итно хоспитализиран во Болницата во Штип, поради влошување на состојбата на повредите од изгореници и вдишувањето на чад почина младиот Лазаров (25), истакнат член на прволигашот ФК Шкупи. Трагичната вест за јавноста ја потврди неговиот матичен клуб, кој истакна дека и Лазаров учествувал во спасување на останатите, здобивајќи сè со сериозни повреди и задушување.

Ова младо момче вчера го имаше последниот меч против екипата на Пелистер, каде од резервниот состав влезе со дрес бр. 77 во 60-тата минута, да, се прекрсти и влезе во игра, последна игра во својот живот, последни 30 минути во неговиот фудбалски свет.

Почивај во мир, патувај во легендите момче! 🖤