Кичево
Во с.Извор кичевско отпочнува со градба црква „Успение на Пресвета Богородица“, централната свеченост е закажана за 28 октомври

Месец октомври 2023 година ќе биде запаметен во кичевскиот крај поради отпочнување на градба на првиот верски објект во село Извор, Кичево „Црква – Успение на Пресвета Богородица“ на 28.10.2023 година (сабота) во близина на изворите на река Треска, за кое од страна на Советот на локална самоуправа и Црковниот одбор на село Извор е закажана прослава за светењето на темелите со почеток во 12:00 часот со културно уметнички програм со настап на КУД Рацин, музичкиот состав Бели Мугри и уште неколку солисти од Кичево и околните градови, додека пак на настанот се очекува да присуствуваат повеќе од 600 посетители, од Кичево, Скопје и други градови од нашата држава.
За верскиот објект е обезбеден инвеститор од Скопје кој ќе донира средства за негова изградба.
Имено, на овој свечен настан како медиумски покровители кои ќе го проследат се најголемата национална телевизија „Канал5“, ние (Порта.мк), како и локалните радио станици од Кичево.
Поканети се сите верници, православни христијани, нивните роднини и пријатели да присуствуваат на прославата организирана по тој повод. Повелете, дојдете, заедно да ја споделиме нашата радост.
Имено токму денес се отпочнаа првите активности на ова место:
Историјат за село Извор
Селото се наоѓа во областа Копачка, во јужниот дел на територијата на Општина Кичево, на самиот пат Кичево-Охрид, во изворишното сливно подрачје на реката Треска. Селото е рамничарско, на надморска височина од 745 метри, од градот Кичево е оддалечено 14 километри.
Низ селото минува патот кој ги поврзува селата Попоец, Иванчишта, Ехлоец, Кленоец, Горна и Долна Душегубица со регионалниот пат Кичево – Охрид. Селото е основано по Втората светска војна, околу некогашната железничка станица на вовчето Киро на пругата Кичево – Охрид. Селото било значајна сообраќајна, железничка и трговска станица за поврзување на Кичево со Дебар, Охрид и Струга, место за забава и социјализација, за одмор и рекреација покрај изворите на река Треска, големите ливади и пасишта, спомен обележјата од НОБ, шумите и ловишта.
Во периодот 1950-1955, селото било седиште на тогашната Општина Извор, во која покрај селото Извор, се наоѓале и селата Горна и Долна Душегубица, Ехлоец, Иванчишта, Кленоец, Малкоец и Попоец.
Во селото работеле Полициска станица, Амбуланта, Пошта, Училиште, Дом, сточарската задруга „Копачка“ со околу 4.500 овци, откупни станици за билки и волна, неколку бакалници и ресторани.
Во 1961 година, селото броело 163 жители, главно, доселени од околните места, во 1994 година имало 52 жители, во 2002 година, имало 49 жители, а во 2021 година имало само 12
жители.
Сега во селото сеуште работи Полициската станица, како и неколку стопаственици: Рибник Избор, фабрика за вода Бистра роса, неколку сепарации и каменоломи.
Со отпочнување на градба на автопатот Кичево-Охрид, во селото е базата на кинеската Синохидро и надзорното одделение на Градежен институт на Македонија ГИМ.
Кичево
Денес редовниот состав на кичевската полиција ќе реализира боево гаѓање на стрелиштето во с.Осој кичевско

Редовниот состав полициски службеници од полициската станица од општа надлежност и од станицата за безбедност во патниот сообраќај при Секторот за внатрешни работи Охрид, денеска, на армиското стрелиштето кај селото „Осој“ во близина на Кичево, ќе спроведе вежбовна активност за боево гаѓање.
Оваа активност се реализира со претходен договор и известување до стрелиштето, ЈЗУ „Општа болница” Кичево и урбаната заедница од селото Осој.
Пред почетокот на боевото гаѓање, полициски екипи вршат теренска обиколка и обезбедување на поширокото подрачје на стрелиштето со цел оневозможување влез на граѓани во безбедносните зони.
Медицинското обезбедување на боевото гаѓање ќе го вршат стручните медицински екипи од ЈЗУ „Општа болница“ Кичево.
– Апелираме, граѓаните кои се движат кон стрелиштето, да ги почитуваат ознаките и натписите за забранет пристап, да не се задржуваат во безбедносните зони и целосно да се придржуваат кон останатите насоки на полициските службеници, преку нашиот медиум известува Стефан Димоски, портпарол на СВР Охрид.
Кичево
ОВР Кичево вчера реализираше превентивни активности за заштита од пожари со цел подигнување на јавната свест за потребата од заштита на шумите од пожари

Превентивни активности на ОВР Кичево за заштита од пожари со цел подигнување на јавната свест за потребата од заштита на шумите од пожари, вчера (24.05), полициски службеници од полициската станица Кичево, реализираа превентивни активности и контакти со месното население на подрачјето на кичевските села Лисичани и Челопеци.
Притоа, на жителите на овие региони, им беа поделени летоци со едукативна содржина, изработени во соработка со ЈП„Национални шуми“, и низ кратки разговори, беа потсетувани на општите мерки за заштита од пожар, на посебните превентивни мерки и препораки за заштита на шумите од пожари со посебен акцент на потребата од почитување на мерките за безбедност при движење и престој во шуми и на површини со вегетација на отворен простор.
Заедничките тимови, посебно ја нагласија потребата од итно известување за евентуално настанат пожар што ќе значи брза реакција на надлежните служби за негово локализирање и гаснење, за Порта.мк информираше портпаролот на СВР Охрид, Стефан Димоски.
Кичево
Зошто сите оваа сезона зборуваат за проектот „Истражи го Кичево“ на „Интелект Едукација“

Со огромна љубов и ентузијазам ја најавуваме повторната реализација на нашата програма „Explore Kichevo“ – незаборавно авантуристичко и едукативно искуство наменето за децата, со една јасна цел, а тоа е да го запознаат, засакаат и почувствуваат како свое родното место – Кичево!
Преку низа внимателно подготвени активности во природа, игри, работилници и кампување, децата ќе добијат можност:
• Да ги откријат природните и културни богатства на Кичево и околината,
• Да се запознаат со локалните обичаи, историја и традиции,
• Да се поврзат со своите врсници преку дружење и тимска соработка,
• Да изградат чувство на припадност, гордост и љубов кон местото каде што растат.
Нашата визија е јасна – сакаме децата да останат поврзани со своето место, да научат да го вреднуваат и сакаат својот град таков каков што е. Затоа што кога местото од каде што доаѓаш ти е важно, и ти стануваш посилен и посигурен во себе.
Што им нуди „Explore Kichevo“ на децата?
• Автентично доживување во природа,
• Знаења и вештини што ќе ги носат со себе цел живот,
• Нови другарства и драгоцени спомени,
• Поттик на самодоверба, емпатија и соработка,
• Длабоко чувство на припадност кон својот корен.
Нашата цел е и да покажеме дека вреди да се учи и расте токму тука – во Кичево. Преку оваа програма, не само што ги охрабруваме децата, туку и го истакнуваме нашиот град на најубав можен начин – преку нивните искрени насмевки и искуства.
И оваа година продолжуваме со иста страст и посветеност – со програми кои се автентични, со никогаш не-копирани туѓи идеи, создадени со многу љубов и внимание. Ние не преземаме – ние градиме. Како едукативен центар стоиме цврсто зад нашата мисија: да понудиме образование што е квалитетно, смислено и вистински инспиративно, според потребите и интересите на секое дете.
Продолжуваме со срце – за нивна среќа, за наше Кичево, за подетални информации контактирајте на тел бр. 071/777-939 (Интелект Едукација)
/ПР – Интелект Едукација
-
Хороскоп2 дена
Хороскоп за понеделник (26 мај)
-
Хороскоп23 часа
Хороскоп за вторник (27 мај)
-
Кичево2 дена
Денес редовниот состав на кичевската полиција ќе реализира боево гаѓање на стрелиштето во с.Осој кичевско
-
Временска прогноза2 дена
Од утре нов бран на врнежи од дожд, проследен со северен ветер
-
Македонија1 ден
Од ноќеска цената на нафтените деривати се намалува
-
На денешен ден2 дена
Времеплов: На денешен ден (26 мај)
-
Свет1 ден
(Вознемирувачко Видео) Хаотични сцени на прославата за титулата на Ливерпул, влета со автомобил во толпа навивачи!
-
Македонија10 часа
Скопјанец „летал“ со автомобилот во пробиштипско, на место каде е дозволено 40, тој управувал со брзина од 101 км/ч