Кичево
Утре вечер сите патишта водат кон нашиот кичевски манастир „Св. Богородица – Пречиста“ – понесувајќи го со себе благословот од средбата со Чудотворната икона Богородица Крнинска
 
																								
												
												
											Со духовна радост и трепет, подготвувајќи се за еден од најголемите празници – Рождеството на Пресвета Богородица, сестринството на нашата света обител со љубов ве поканува молитвено да го прославиме денот кога започна нашето спасение.
Преку безживотната утроба се раѓа Мајката на животот; плачот на прамајката се претвора во радост, зашто чудата Божји ги надминуваат не само човечките, туку и небесните поими.
Затоа нека се весели сега секоја твар, нека ја воспева Богородителката, и нека торжествува целата вселена, велегласно воскликнувајќи:
„Радувај се, Благодатна, преку Тебе ни се јави Бог, изворот на големата милост!“
Во навечерието на празникот (сабота) богослужбата ќе започне во 18:00 часот.
Следниот ден (недела), утрената ќе започне во 07:30 часот, пречек на Архиереите во 08:45 часот и Света Архиерејска Литургија во 09:00 часот, на која ќе чиноначалствува Митрополитот г.Георгиј во сослужение со нашиот возљубен Старец Епископот Антаниски г. Партениј, како и свештенослужители при епархијата.
Преку нашиот медиум посакуваме сите патишта да водат кон манастир Св.Богородица Пречиста, понесувајќи го со себе благословот од средбата со Чудотворната икона Богородица Крнинска, Пречистанските Светии Евнувиј, Пајсиј, Аверкиј, чесните мошти на Света Параскева.
Кичево
Поради градежни активности на автопат Охрид-Кичево кај Подмоље ќе се врши пренасочување на сообраќај до среда
 
														СВР Охрид ги известува граѓаните дека поради изведување на градежни работи во делот на автопатот Охрид-Кичево, кај клучката Подмоље, во наредните денови, односно до среда – 05.12.2025 ќе се врши пренасочување на сообраќајот и тоа возачите кои ќе се движат од Охрид кон Струга, од Струга кон Скопје и од Скопје кон Струга ќе треба да се движат исклучиво преку клучката кај Св. Еразмо, за Порта.мк известува портпаролот на СВР Охрид, Стефан Димоски
Кичево
Јанев денес беше во посета на ОВР Кичево, заедно со раководствата на „РЦ Запад“ и регионалниот сектор за внатрешни работи Охрид
 
														Во рамки на денешната работна посета на Одделението за внатрешни работи во Кичево, директорот на БЈБ Александар Јанев оствари средба со раководствата на регионалниот Сектор за внатрешни работи Охрид и регионалниот Граничен центар Запад. На средбата, како што беше соопштено, детално биле разгледани последните случувања поврзани со инволвираност на полициски службеници од Кичево во случајот со грабежот во гостиварска златара, како и општата безбедносна состојба во регионот со особен акцент на општините каде што ќе се одржи вториот круг од локалните избори.
Јанев изрази благодарност кон сите полициски службеници кои, како што нагласи, секојдневно ја вршат својата должност со интегритет, посветеност и професионализам.
Кичево
„Џојсон Сeјфти Системс“ – Кичево заедно со „ОВР Кичево“ во кичевските училишта реализираа едукативна кампања на тема „Безбедноста на учениците во сообраќајот“
 
														Во насока на унапредување на своите активности за корпоративна општествена одговорност, Џојсон Сeјфти Системс Македонија ДООЕЛ Кичево во соработка со ОВР Кичево реализираа едукативна кампања на тема „Безбедноста на учениците во сообраќајот“.
Активноста беше спроведена во основните училишта „Д-р Владимир Полежиноски“ и „Кузман Јосифоски Питу“ во Кичево, со цел подигнување на свеста кај учениците за значењето на безбедното однесување во сообраќајот и превенција од сообраќајни незгоди.
Преку презентации, едукативни активности и практични совети, вработените на компанијата на учениците им овозможија да стекнат нови знаења за правилното движење по улиците, користењето на пешачки премини, препознавањето на сообраќајните знаци, значењето на внимателноста при учество во сообраќајот и значење на употребата и користењето на системите за безбедност.
Со оваа иницијатива, Џојсон Сeјфти Системс Македонија ДООЕЛ Кичево уште еднаш ја потврдува грижата за луѓето и заедницата како и својата заложба за поддршка на локалната заедница и промовирање на општествено одговорни вредности. Компанијата останува посветена на континуирано реализирање на проекти кои придонесуваат за создавање побезбедна и поодговорна средина за сите граѓани.
Во прилог, повеќе фотографии од овој настан:
/ПР
- 
																	   Хороскоп1 ден Хороскоп1 денХороскоп за четврток (30 октомври) 
- 
																	   Кичево18 часа Кичево18 часаЈанев денес беше во посета на ОВР Кичево, заедно со раководствата на „РЦ Запад“ и регионалниот сектор за внатрешни работи Охрид 
- 
																	   Кичево19 часа Кичево19 часа„Џојсон Сeјфти Системс“ – Кичево заедно со „ОВР Кичево“ во кичевските училишта реализираа едукативна кампања на тема „Безбедноста на учениците во сообраќајот“ 
- 
																	   Македонија2 дена Македонија2 денаМВР: Кривична пријава против поранешен директор, заменик директор и вработени во Агенцијата за храна и ветеринарство за „проневера во службата“ 
- 
																	   Хороскоп11 часа Хороскоп11 часаХороскоп за петок (31 октомври) 
- 
																	   Македонија2 дена Македонија2 денаДополнете гориво, ноќеска дизелот солидно поскапува, додека бензините остануваат со непроменета цена за литар 
- 
																	   Временска прогноза2 дена Временска прогноза2 денаНа утро ладно, но врнежи од дожд во почетокот на месец ноември нема да имаме, вели Попоски 
- 
																	   Спорт2 дена Спорт2 денаВисоки признанија за работата на ФФМ, Омерагиќ и Јандреоски именувани на високи меѓународни позиции во „ФИФА“ 

 
								 
 
 
 
									 
																	 
									 
																			 
									 
																	 
									 
																			 
									 
																	 
									 
																	





 
 
 
														 
																											 
														 
																											 
														 
																											 
														 
																											 
														 
																											 
														 
																											 
														