Временска прогноза
Утринава зимски подпросечни температурни разлики, во Берово и Лазарополе ноќва температурата се спушти и под нулата!
Рано утринава во Македонија имаме претежно ведро и невообичаено студено време за овој период од годината, со потпросечни температури. Најстудено во 3 и 30 часот беше во Берово и Лазарополе до -1 степен.
На картата можете да ги погледнете и останатите температури измерени во Македонија, и тоа во 3:30 часот утринава, пишува Славчо Попоски
Временска прогноза
Циклонска активност викендов носи врнежи од дожд
Под влијание на веќе споменатата циклонска активност која е со центар над Џенова, денес (петок) најпрвин во западните предели, а во текот на попладнето и вечерта, како и ноќта кон утре (сабота) ќе се прошират врнежи од дожд кои локално ќе бидат обилни и поројни, проследени со грмежи и засилен јужен ветер. Локално ќе има услови за појава на невреме.
Најобилни врнежи се очекуваат во западните предели од државава, но локално пообилни врнежи ќе има и во останатите предели од државава. Локално, и тоа особено во западните предели ќе наврне позначително количество на воден талог (над 30 литри на метар квадратен).
И во Скопскиот регион денес (петок) особено во попладневните и вечерните часови, како и во текот на ноќта кон сабота ќе има повремени врнежи од дожд. Во делови од котлината врнежите ќе бидат пообилни и проследени со засилен јужен ветер, како и со услови за појава на грмежи.
Што се однесува до температурите, тие во петок и тоа поради јужното воздушно струење ќе бидат значително повисоки и ќе се искачуваат во интервалот од 20 до 29 степени, додека во Скопје температурата ќе се искачи до околу 29 степени, пишува Славчо Попоски.
Временска прогноза
Најавената промена на времето следува од денес, почнувајќи од западните предели каде ќе започне локален дожд
Од денес (четврток) па се до крајот на неделава ќе потпаднеме под влијание на циклонска активност која ќе биде со центар над Џеновскиот Залив. Во ваква ситуација, денес најпрвин во западните предели ќе има повремен локален дожд.
Од петок па за време на викендот повремени врнежи од дожд ќе имаме во поголем дел од државава и истите локално ќе бидат пообилни. Локално ќе има услови и за појава на невреме со силен ветер, грмежи и со услови за појава на град.
Да напоменам, дека за време на овој циклон повремено ќе дува засилен ветер од јужен правец (повремено и локално со брзина од над 70 км/час)
Што се однесува до температурите, тие наутро ќе бидат во значителен пораст, додека максималните дневни температури на воздухот ќе се искачуваат во интервалот претежно од 17 до 25 степени. Во Скопје и околината температурата ќе се искачува во интервалот помеѓу 23 и 26 степени. Само да напоменам дека во овие денови локално во југоисточните предели, како и во централниот дел од државава, но и во Скопскиот регион повремено температурата ќе надминува и 25 степени. Инаку, и во Скопје од петок ќе има појава на повремени врнежи од дожд.
За време на овој циклонски систем, локално ќе наврне позначително количество на воден талог (над 30 литри дожд на метар квадратен), пишува познатиот метеоролог Славчо Попоски
Временска прогноза
Од ноќеска, односно утре нагла промена на времето и пад на температурите
Ладниот бран од север, поврзан со Атмосферски фронт, полека го зафаќа Балканскиот Полуостров. Што се однесува за времето во нашата Македонија, до крајот на денов ќе имаме претежно сончево и топло време со температури кои ќе се искачуваат во интервалот од 27 до 33 степени.
Во ноќните часови од запад облачнота ќе се зголемува и од запад ќе започнат локални врнежи од дожд. Утре (недела) ќе има поголема облачност проследена со повремени локални врнежи од дожд, локално проследени со грмежи. Уште од претпладневните часови ќе започне да дува северен ветер, кој особено во попладневните и вечерните часови, како и во текот на ноќта кон понеделник, и во понеделник повремено ќе биде силен (над 60 км/час). Најизразен ветерот ќе биде Долж Повардарието.
Поради продор на многу постудена воздушна маса од север, утре (недела) попладне и навечер, како и во текот на ноќта кон понеделник не очекува нагло и големо заладување на времето, со пад на температурите за 8 до 1о степени, а во северните предели од државава дури и за околу 15 степени во споредба од оние кои ги имаме денес. Поради заладувањето, не се исклучува можноста и за провејување на снег на највисоките планински места во Македонија.
Утре преку ден температурите ќе се искачуваат во интервалот од 19 до 28 степени, додека како што напоменав попладнето и вечерта нагло ќе опаднат. Нјастуден ден ќе биде понеделник кога максималните дневни температури ќе се искачуваат во интервалот само од 10 до 18 степени. Наутро пак во понеделник и вторник температурите на повеќе места ќе се спуштат и под 5 степени, а во Беровскиот регион, како и на повисоките и на планинските места тие ќе се спуштат и под нулата.
Во понеделник и во вторник во ноќните и во утринските часови можна е појава дури и на слана и на мраз на повеќе места во Македонија.
НАПОМЕНА: Оваа нагла и голема промена на времето која доаѓа во Македонија, особено лошо ќе се одрази врз метеопатите.
Да напоменам дека во регионот температурите ќе опаднат дури и за околу 20 степени, вели Славчо Попоски, еден од најдобрите метеоролози на Балканот.
-
Хороскоп22 часа
Хороскоп за петок (4 октомври)
-
Хороскоп2 дена
Хороскоп за четврток (3 октомври)
-
Временска прогноза2 дена
Најавената промена на времето следува од денес, почнувајќи од западните предели каде ќе започне локален дожд
-
Lifestyle1 ден
Како кафето влијае на депресијата?
-
Lifestyle1 ден
Ваквите пијалоци најдобро се пијат наутро, помагаат во топење на масните наслаги на стомакот
-
Временска прогноза22 часа
Циклонска активност викендов носи врнежи од дожд
-
Македонија3 часа
(ФОТО) СВР Охрид спроведе едукативна кампања за дечиња „Мојот пријател полицаец“
-
Lifestyle1 ден
Костени од рерна: Едноставен рецепт за совршена есенска ужина