Следете не

Временска прогноза

Утрински температури дури и до -15 степени, додека од понеделник следува период на сончеви периоди и покачување на дневната температура

Објавено пред

на

До крајот на денов времето во Македонија ќе биде променливо облачно и понатаму НЕВООБИЧАЕНО СТУДЕНО за овој период од годината со сончеви периоди. Во источните предели ќе има услови за сосема слабо и локално провејување на снег, а ќе дува и умерен, повремено на некои места засилен ветер од северен и од североисточен правец. Температурите ќе се искачуваат во интервалот од -3 до 7 степени.

Во Скопје и околината времето ќе биде променливо облачно и СТУДЕНО со сончеви периоди. Ќе дува умерен ветер од северен правец, додека максималната температура ќе се искачи до околу 4 степени.

Инаку како што најавивме, и утре времето во Македонија ќе се задржи променливо облачно и СТУДЕНО за овој период од годината со сончеви периоди. Ќе дува слаб до умерен ветер од променлив правец, додека наутро температурите насекаде ќе се спуштаат под нулата и истите понекаде ќе се спуштат дури до околу -15 степени, додека максималните ќе се искачуваат во интервалот од -1 до 8 степени.

И во Скопскиот регион утре ќе се задржи променливо облачно и СТУДЕНО време со сончеви периоди. Наутро температурата се очекува да се спушти до околу -7 степени, додека максималната ќе се искачи до околу 5 степени.

Потоа од понеделник па натаму ќе имаме многу повеќе сончеви периоди, а температурите ќе белат тенденција на постепен пораст. Што значи ќе има постепено затоплување на времето.

Автор: Славчо Попоски

Временска прогноза

Невообичаено високи температури со можност за локално невреме

Објавено пред

на

Нашата територија се наоѓа под влијание на МНОГУ ТОПЛА воздушна маса која продира од северните предели на Африка, и истата условува натпросечно високи температури.

Од денес, па во следните денови времето во Македонија ќе биде претежно стабилно, суво и сончево во претпладневните часови, додека во попладневните и вечерните часови локално ќе биде нестабилно со пороен дожд, грмежи и засилен ветер.

Локално процесите можно е да бидат ПОИНТЕНЗИВНИ и застапени во форма на НЕВРЕМЕ, проследено со интензивен пороен дожд, силен ветер, електрични празнења и појава на град.

Температурите нема многу да се менуваат во споредба со сегашните и ќе се искачуваат во интервалот од 26 до 33 степени. Мал пад на истите ќе има во понеделник, но потоа температурите ќе бележат тенденција на уште поголем пораст и во најтоплите предели од државава во текот на следната недела температурите се очекува да надминат 35 степени.

Автор: Славчо Попоски

Прочитај повеќе...

Временска прогноза

Предвреме летни температури, ова се најновите детали

Објавено пред

на

Денес времето во Македонија ќе биде сончево и МНОГУ ТОПЛО со слаб до умерен ветер претежно од северен правец. Температурите ќе се искачуваат во интервалот од 26 до 33 степени. Во Скопје и околината времето ќе биде претежно сончево и МНОГУ ТОПЛО со слаб до умерен ветер од северен правец.

Максималната температура ќе се искачи до околу 31 степен. Потоа од утре па во следните денови во попладневните часови ќе има локален развој на нестабилна облачност, проследена со пороен дожд, грмежи, засилен ветер, а има услови и за локална појава на град.

Што се однесува до температурите, тие и тоа поради влијанието на МНОГУ ТОПЛАТА воздушна маса која продира од северните предели на Африка кон нашата држава остануваат МНОГУ ВИСОКИ и натпросечни за овој период од годината.

Мал пад на истите се очекува во понеделник, но потоа повторно ќе бележат тенденција на уште поголем пораст и во најтоплите предели од државава температурите се очекува да се искачат дури и над 35 степени – за Еспресо вели метео прогнозерот Славчо Попоски. 

Прочитај повеќе...

Временска прогноза

Шпанија се подготвува за температури од 42 степени

Објавено пред

на

Температурите во делови од јужна Шпанија утре ќе надминат 42 степени, додека топлотниот бран со „вонреден интензитет“ ќе донесе правливо небо, зголемен ризик од шумски пожари и топли услови кои се почести во средината на летото отколку во средината на мај.

Шпанската влада започна национален план за екстремни температури, откако метеоролошката агенција Аемет предупреди дека овој мај во Шпанија ќе биде еден од најтоплите во изминатите неколку години, објави „Гардијан“.

Аемет додаде дека воздушната маса на топол и сув воздух пристигнува од Африка, а со себе носи прашина од Сахара и „исклучително високи“ дневни температури, кои се за 10 до 15 степени над сезонскиот просек.

„Најновите податоци од метеоролошките модели го потврдуваат силниот интензитет на овој топлотен бран“, изјави портпаролот на Аемет, Рубен дел Кампо.

Тој додаде дека за Шпанија ова може да биде најинтензивниот топлотен бран во мај во последните 20 години.

Најтопло ќе бидат петок и сабота, а потоа во недела ќе има голем пад на температурата.

Метеорологот соопшти дека температурите во Андалузиската долина денеска би можеле да надминат 40, а утре 42 степени.

„Дури и топлотниот бран да се смири некаде, во североисточната долина Ебро повторно би можеле да се измерат температури од 40 или повеќе степени. Тоа е нешто што не е забележано во овој период“, додаде Дел Кампо.

Шпанија ја забележа најтоплата температура досега во август, кога живата во термометарот во градот Монторо во Андалузија достигна 47,4 степени.

Дел Кампо ги предупреди граѓаните на „екстремен ризик“ од шумски пожари во јужните, централните и североисточните области и рече дека очекуваат нов облак од прашина.

„Се соочуваме со екстремна епизода и ризикот од високи температури ќе биде изразен во многу области“, рече Дел Кампо.

/rtv.rs/

 

Прочитај повеќе...

Facebook

Последни објави

Спорт3 часа

„Сер Боби“ ги објави предводниците за натпреварите против репрезентациите во сегментот „Ц“ од новото издание на Лига на нации

Селекторот на македонската А репрезентација, Благоја Милевски го објави списокот со фудбалери за натпреварите против Бугарија (2. јуни), Гибралтар (5....

Lifestyle3 часа

Претставници од „Евротип, Голд Слот и Голф Фелициа“ учествуваа на хуманитарен турнир во „Бељот“ и се закитија со високото второ, односно трето место

Во организација на Ротаракт клубот – Битола, се одржа хуманитарниот Бељот турнир во Битола, втор по ред. На него зедоа...

Македонија8 часа

Од ноќеска ново поскапување на бензините!

Регулаторната комисија за енергетика и водни услуги одлука со која се врши зголемување на малопродажните цени на нафтените деривати во...

Свет11 часа

СЗО: Светот се соочува со големи предизвици – се шири епидемија на мајмунски сипаници

Светот се соочува со „страшни“ предизвици, вклучувајќи ги Ковид, војната во Украина и мајмунски сипаници, предупреди првиот човек на Светската...

Магазин11 часа

Apple повторно го одложува враќањето во канцелариите

Apple повторно го одложува враќањето во канцелариите, а овој пат ќе биде помалку строг во однос на личната работа. Компанијата...

Магазин11 часа

Нема повеќе APK инсталации на телефоните Xiaomi?

Целата поента на оперативниот систем Android е неговата отворена природа. Сепак, се чини дека ваквата состојба не одговара на сите,...

Магазин12 часа

Падна Viber: Популарната апликација има непознати проблеми

Според нашите податоци, апликацијата е прилично „забавена“ и многумина не можат да праќаат пораки или да повикуваат. Пораките доцнат, па...

Магазин12 часа

Netflix отпушта вработени во САД

Netflix отпушти 150 вработени главно од САД во обид да ги намали трошоците по историскиот пад на претплатниците. На повисоки...

Магазин12 часа

Дали повеќе сакате голем или мал екран на вашиот телефон?

Дали сте љубител на телефони со големи или мали екрани? Дали мислите дека без дијагонала од најмалку 6,6 инчи, производителите...

Lifestyle12 часа

Колку се заработува во Германија? Список на плати за 100 занимања

Магазинот Феникс објави месечни бруто плати за 100-те најпопуларни професии во Германија. Тоа се медијални бруто плати по занимање. Списанието...

НАЈЧИТАНИ