АМСМ и Македонија Пат известуваат дека сообраќајот на државните патишта се одвива непречено, по наместа влажни коловози. Намалена видливост поради магла до 50 м. има на планинските превои Ѓавато, Плетвар, Стража и Крушево.

Русија го забрани пристапот до „Snapchat“, популарната социјална мрежа за споделување фотографии и видеа кои се автоматски бришат по краток временски период, јави руската новинска агенција РИА во четврток, цитирајќи го регулаторот Роскомнадзор.

Како една од причините за оваа блокада, руските власти ја навеле наводната злоупотреба на „Snapchat“ за организирање терористички напади и регрутирање на извршители на кривични дела во земјата.

Тим часот пред тоа, Русија го забрани и „FaceTime“, апликацијата за видео повици на „Apple“, во рамки на засилената стратегија против странските технолошки платформи, за кои властите сметаат дека се користат за извршување криминални активности.

Оваа одлука следи по претходните ограничувања за YouTube (Google), WhatsApp (Meta) и Telegram.

Извор: RIA / engadget.com

Предмалку градоначалникот на Општина Кичево, Д-р Александар Јовановски соопшти фрапантен податок кој несомнено тоа го гледаме и со сопствени очи. „Ние не можеме да исчистиме толку брзо колку што некои несовесни граѓани можат да расфрлаат ѓубрето“.

Ова треба да не загрижи сите како град дека би било залудно комуналното претпријатие да чисти, ако сами не бидеме свесни и одговорни и тоа со намера повторно и повторно да го правиме.

Апелот од Јовановски ви го пренесуваме во целост:

Почитувани сограѓани,

– Ве молам да покажеме повисока свест и култура во нашето секојдневие. Сметот и ѓубрето треба да се одложуваат соодветно, во контејнерите предвидени за тоа.
На фотографиите јасно се гледа дека ЈКП „Комуналец“ редовно ги празни контејнерите, но дел од граѓаните упорно фрлаат отпад каде што ќе стигнат. Таквото однесување ја нарушува чистотата и изгледот на нашата општина, а пред сè го загрозува здравјето и квалитетот на живот на сите нас. Затоа, ќе пристапиме кон опомени од комуналните редари, а доколку оваа практика продолжи, ќе бидеме приморани да примениме и казнени мерки, истакна Јовановски на своите социјални мрежи.