Спорт
Вчера одржан семинар на делегати при Прва и Втора МФЛ, додека протоколот за лиценца за „ФИФА Фудбалски агент“ е следниот..
Комисијата за натпревари на Фудбалската федерација на Македонија вчера во Скопје одржа семинар со делегатите на натпревари во пресрет на почетокотот на вториот дел од сезоната 2022/2023 во Првата и Втора МФЛ
Во склоп на истиот семинар, Комисијата за натпревари спроведе тестирање во кое се оценуваше фудбалското знаење и надлежностите на делегатите во натпреварите од Првата и Втора МФЛ.
Воедно од ФФМ известуваат дека заинтересирани лица кои претходно (пред 2015 година) се имаат стекнато или сакаат да се стекнат со лиценца за ФИФА Фудбалски Агент тоа можат да го направат преку апликација на:
а) платформата: agents.fifa.com; (оние кои се пријавуваат прв пат, да се регистрираат како нови, оние кои веќе го имаат полагано испитот да се логираат во делот дека веќе имаат лиценца);
б) апликантите треба да ги исполнуваат критериумите наведени во Правилникот за ФИФА фудбалски агенти;
в) успешно да го положат испитот кој го спроведува ФИФА (онлине) во организација на ФФМ;
г) доколку успешно го положат испитот да го платат утврдениот годишен надоместок кон ФИФА;
д) пред полагање на испитот да уплатат такса за организација на испитот кон ФФМ.
Во 2023 година ќе има два испити за ФИФА фудбалски агенти.
Рокови за пријавување:
• од 9 јануари 2023 до 15 март 2023 година за првиот ФИФА фудбалски испит за агенти кој ќе се одржи на 19 април 2023 година, онлине во просториите на ФФМ;
• од 1 мај 2023 до 31 јули 2023 година за вториот ФИФА фудбалски за агенти кој ќе се одржи на 20 септември 2023 година.
Спорт
Младата женска фудбалска репрезентација учествува на турнир во БиХ ќе одиграат мечеви со Словенија, Украина и домаќинот БиХ
Младата женска репрезентација на Македонија до 16 години во периодот од 16 до 24 април учествува на меѓународниот Уефа развоен турнир што се одржува во Босна и Херцеговина, така што нашите млади фудбалерки ќе одиграат три натпревари, а за противници ќе ги имаат селекциите на Словенија, Украина и домаќинот БиХ.
Првиот натпревар го играме против домаќинот на турнирот, селекцијата на БиХ. Во втората пресметка ќе се соочиме со Украина. Во последното коло играме против селекцијата на Словенија.
Селекторот на репрезентацијата на Македонија до 16 години Катерина Милеска, за развојниот турнир, се одлучи да ги повика следните фудбалерки:
ГОЛМАНИ:
Теа Сапунџиев Истатов
Евгенија Вењановска Скопје
ОДБРАНА:
Арба Мерко Ас Јунајтед
Јована Јованоска Цевитана
Андреа Коловска Љуботен
Искра Смилевска Скопје
Михаела Марковска Топ Гол
Теодора Јоновска Топ Гол
Ема Нановска Истатов
Лина Луканова Ас Јунајтед
СРЕДЕН РЕД:
Леонтина Пржолева Тиверија
Теона Галабовска Тиверија
Ева Величковска Љуботен
Блехана Алиевска Топ Гол
Теодора Настова Скопје
НАПАД:
Настасја Накова Скопје
Розита Пецева Тиверија
Уна Јосевска Скопје
Меланија Грозданова Скопје
Ана Марија Цветкова Лангус, Холандија
Спорт
Кралскиот клуб по „пенал рулетот“ обезбеди полуфинале, Начо: „Магична ноќ, за ова се живее“
По 3:3 дома и 1:1 во Манчестер, Кралскиот клуб играше продолженија со Сити на „Етихад“, но бидејќи и по 120 минути немаше победник, решија пенали, а Реал победи со 4:3. Така Реал успеа да ја продолжи одличната серија и по шести пат успеа да се избори за победа во нокаут фазата против бранителот на титулата.
Начо Фернандеш брилијантно го чуваше најопасниот играч на Сити, Ерлинг Халанд.
– „Страдавме многу затоа што многу те притискаа, но ние сме Реал и се бориме до крај, најважно е што сме во полуфинале. Не сме навикнати на притисок, обично сме тие што го туркаат противникот, сепак, и покажавме на другата страна, дека знаеме да се браниме спектакуларно, тој средно-низок блок ни направи неверојатна работа“, смета дефанзивецот на Реал.
Халанд едноставно немаше решенија во дуелите со него.
– „Бевме добри во дефанзива, исто така и на индивидуален план. Ова се магични ноќи, само од се станувам посилен, ова е она за што сонувавте како дете. Лошо ја започнавме сезоната, но свртевме сè, овој тим е неверојатно горд што сè уште сум во борба“. По нив следува Ел Класико. Мора да го славиме ова, а од утре размислуваме само за Ел Класико и се што не очекува во лигата“, заклучи Нацо.
Извор: b92.net
Спорт
Фудбалските федерации во регионот, вклучувајќи ја и нашата дадоа своја безусловна поддршка за актуелниот претседател на УЕФА, Александар Чеферин
На регионален состанок во Тирана, асоцијациите од Југоисточна Европа дискутираа за различни прашања и предизвици. Безусловно изразија поддршка за претседателот на УЕФА, Чеферин и неговата администрација.
Додека нашата, Фудбалската федерација на Македонија заедно со десет национални асоцијации членки на УЕФА од Југоисточна Европа денеска на состанок во Тирана ја потврдија безусловната поддршка за претседателот на УЕФА, Александар Чеферин.
На регионалниот состанок чиј домаќин беше Албанската фудбалска Асоцијација, главниот фокус се однесуваше на критичните аспекти на стратегијата за развој на фудбалот на УЕФА како што се: идниот формат на клупските натпреварувања на УЕФА по 2024 година и новата програма за солидарност.
Исто така, се дискутираше за прашања кои се однесуваат на судењето на натпреварите, споделување податоци и финансиски анализи, потоа предизвици околу првенствата кои влегуваат во системите за обложување и можности кои се појавуваат за државите / асоцијациите.
Босна и Херцеговина, Хрватска, Кипар, Грција, Косово, Црна Гора, Македонија, Србија, Словенија, Турција и Албанија со свои претставници беа дел од регионалниот состанок во Тирана.
По дискусиите за наведените теми, националните асоцијации навлегоа во дискусии за иднината на европскиот фудбал. Сите присутни едногласно изразија непоколеблива поддршка за претседателот Чеферин и администрацијата на УЕФА.
Фудбалската федерација на Македонија на состанокот во Тирана беше претставувана од претседателот, Муамед Сејдини, генералниот секретар, Наталиа Илиевска Божиновска и членот на Управниот одбор, Владимир Гашевски, за јавноста истакнаа од Федерацијата.
-
Хороскоп2 дена
Хороскоп за среда (17 април)
-
Хороскоп13 часа
Хороскоп за четврток (18 април)
-
Магазин1 ден
Социјалната мрежа X воведува претплата за нови корисници
-
Спорт2 дена
Фудбалските федерации во регионот, вклучувајќи ја и нашата дадоа своја безусловна поддршка за актуелниот претседател на УЕФА, Александар Чеферин
-
Магазин1 ден
Кинескиот одговор на ChatGPT достигна 200 милиони корисници
-
Спорт12 часа
Кралскиот клуб по „пенал рулетот“ обезбеди полуфинале, Начо: „Магична ноќ, за ова се живее“
-
Магазин1 ден
Samsung Galaxy Z Fold 6 ќе биде потенок и полесен од Fold 5
-
Автомобили2 дена
(ФОТО) Произведен последниот легендарен „Bizzarrini 5300 GT“ revival едиција