На Балканот, каде тврдокорноста е дел од секојдневието, ракијата не е само пијалок што ја придружува добрата трпеза и веселите моменти. Таа има и почесно место во народната медицина. Од дамнина се верува дека „една чашка ракија“ може да излечи сè од болки во стомак до ревматизам. Пренесувана од колено на колено, оваа вера опстанала до денес, иако треба да се има на ум дека ракијата содржи висок процент на алкохол и со неа мора да се постапува внимателно.

Во умерени количини, овој природен еликсир навистина може да помогне при различни тегоби. Еве неколку ситуации во кои народот најчесто ја користи:

1. Болки во желудникот

Ако сте се прејале со мрсна храна и желудникот ве мачи, мала чашка лозова, сливова или треварица може брзо да го смири непријатното чувство и да ја олесни варењето.

2. Забоболка

Наместо таблети, некои се колнат во народниот лек ракија директно на болниот заб. Земете голтка, задржете ја десетина секунди околу забот и исплукајте. Постапката може да се повтори неколку пати, но без претерување за да не се надразни непцето.

3. Воспалено грло

Ако воспалението е бактериско, комбинацијата на ракија и неколку капки прополис може да го дезинфицира грлото. Добар додаток е и топол билен чај во кој ќе ставите две-три лажички ракија.

4. Болки во грбот

Масажата со ракија, особено со комовица, помага да се намали болката во мускулите и да се подобри циркулацијата. Доволно е неколку капки да се втријат во болното место неколку пати во текот на денот.

5. Вкочанет врат

Иста постапка како кај болниот грб малку ракија, масажа и топлина за полесно движење.

6. Ревматизам и артритис

Кај луѓето кои страдаат од артритис, масирањето со ракија може да ја ублажи болката во зглобовите и да го намали воспалението.

7. Отоци и воспаленија

Благото ладење што го предизвикува ракијата може да помогне при отоци. Натопете крпа во ракија, нанесете ја на погоденото место неколку секунди, па тргнете ја и повторете ја постапката повеќе пати.

8. Лоша циркулација

Не е чудно што многу баби и дедовци ја започнуваат утрината со едно мало чаше ракија, таа ја поттикнува циркулацијата и го „раздвижува“ телото.

9. Уринарни проблеми

Комбинацијата на ракија и магдонос традиционално се користи како природен лек против бактериски инфекции на уринарниот тракт.

10. Мачнина при возење

Народен совет гласи дека голтка ракија може да ја намали мачнината при возење но овој совет НЕ се однесува на малолетници ниту на возачи.

Иако ракијата може да помогне во олеснување на некои симптоми, таа не е трајно решение. Откако ќе помине тегобата, најдобро е да се консултирате со лекар за вистински третман. Ракијата може да биде добар сојузник но само ако ја користите со мерка и мудрост.

ОВЕН

Можеби немате веќе нови идеи и тешко ви е да имате позитивни мисли кога станува збор за работата. Мора да поработите на комуникацијата со личноста која ви се допаѓа. Водете сметка за очите.

БИК

Можеби ќе посакате да го напуштите моменталното работно место. Имате потреба да направите поголеми промени. Имате впечаток дека со саканата личност не е сѐ она како што било порано и размислувате за прекинување на врската. Респираторни инфекции.

БЛИЗНАЦИ

Променливата состојба на финансиско поле ви внесува чувство на несигурност. Ќе направите сѐ што е во ваша моќ да ја стабилизирате. Може да и верувате на саканата личност. Таа ви е максимално посветена и ве сака. Проблеми со вртоглавица.

РАК

Имате сѐ она што ви е потребно за да започнете нов бизнис. Ситуацијата на емотивно поле не ви одговара и може да се каже дека сте прилично разочарани. Добро се чувствувате и немате проблеми со здравјето.

ЛАВ

Ако се потпрете на соработниците повеќе отколку што треба, можно е да се разочарате. Обрнете внимание на новите познаници. Некој од нив може да биде добар избор за љубовна врска. Проблеми со бубрезите.

ДЕВИЦА

Во претходниот период имавте многу проблеми, но сепак успеавте сите да ги решите навреме. Вашата врска со саканата личност полека напредува во посакуваниот правец. Можни се многу нови пресврти. Намалете го внесувањето на слатки.

ВАГА

Чувствувате голем притисок на деловно поле и не ви е лесно да се носите со него. Доколку и ги покажете искрените емоции на саканата личност, вашиот однос може да биде многу подобар отколку што е сега. Чувајте ги забите.

ШКОРПИЈА

Моментално деловниот успех ви е особено важен и ќе направите сѐ што можете за да дојдете до него. Свесни сте дека љубовта поминува и дека односот со партнерот порано или подоцна мора да се одржува на некој вид компромис. Вкочанет грб.

СТРЕЛЕЦ

Покажувате подготвеност да започнете промени на деловно поле иако тие носат ризик со себе. Знаете дека ви е потребна сериозна врска, но не можете да најдете партнер со кој ќе успеете да ја остварите. избегнувајте алкохол.

ЈАРЕЦ

Подгответе се за промени на работно поле. Важно е во секоја ситуација да верувате во себе. Личноста која ви се допаѓа буди во вас нови емоции и убаво ви е кога сте покрај неа. Потребен ви е сон.

ВОДОЛИЈА

Ви се укажува нова можност на работно поле која може да биде добра за вас. Во периодот кој ви претстои ќе имате многу несогласувања со саканата личност. Нервната напнатост е нагласена кај вас.

РИБИ

Доаѓате до нови идеи, креативноста ви е денес нагласена и посветете се на тоа. Го променивте мислењето за саканата личност и може да добиете желба да ја прекинете врската. Имате многу енергија во себе.

Кајганата со кремаста текстура е еден од најбрзите и највкусни оброци што можете да ги подготвите — идеален избор за доручек или брза вечера. Но, како да се постигне таа совршена, мека и мазна текстура?

Иако многумина веруваат дека млекото е клучната состојка за кремаста кајгана, експертите велат дека тоа е една од најчестите грешки.

Зошто млекото не е вистинскиот избор?

Хенри О’Конор, основач на брендот Better Eggs, објаснува дека додавањето млеко во јајцата всушност може да ја влоши текстурата, правејќи ги јајцата „гумени“ и без вкус.

„Кога млекото и јајцата се готват заедно, протеините коагулираат и влагата се извлекува. Резултатот е сува и гумаста кајгана“, вели О’Конор.

Истражувањата на порталот Tasting Table го потврдуваат ова. Тие откриле дека кајганата со додадено млеко често излегува сунѓереста и без кремастост, бидејќи дополнителната течност испарува при готвењето, оставајќи јајца без влага.

Тајната состојка за совршена кајгана

Наместо млеко, О’Конор препорачува да користите павлака.

„Започнете со свежи, висококвалитетни јајца и гответе ги полека и нежно. За да добиете вистинска кремастост, додадете малку павлака“, советува тој.

Овој едноставен трик додава природна мазност и богат вкус, без ризик од преварување или губење на текстурата.

Клучот е во температурата

Дури и без павлака, тајната на добрата кајгана е во контролата на топлината. Гответе јајцата на тивок оган, мешајте постојано и не додавајте премногу течности.

Со правилна техника и свежи состојки, можете секогаш да уживате во совршено кремаста кајгана — без капка млеко!

Извор: RadioSA