Магазин
Вештачката интелигенција може да препознае дека некој лаже, подобро од луѓето

Сосема очекувано, луѓето низ историјата се обидувале на различни начини да детектираат лажење, дури и со помош на технологија.
Колку добро и колку брзо можете да препознаете кога некој ве лаже? Истражувањата покажаа дека луѓето, генерално, се прилично лоши во разликувањето на вистината од лагата.
Затоа, не е чудно што низ историјата луѓето пробувале различни начини да детектираат лажење, дури и со помош на технологија.
Сега вештачката интелигенција е актуелна, па луѓето се прашуваат дали ќе може да открие лаги поефикасно од постарите технологии.
Како што пишува MIT Technology Review, некои веруваат дека вештачката интелигенција може да помогне да се подобри нашето откривање лаги, па дури и да биде подобро во тоа од полиграфските тестови.
И таквите системи би можеле да се користат не само за препознавање на лаги во полициските истраги и испрашувања, туку еден ден ќе ни помогнат да ги разликуваме вистинските факти од лажните вести, пренесува Zimo.
Прашањето е само дали ќе му веруваме на тој систем и дали треба да му веруваме?
Група научници од германскиот универзитет во Вирцбург развиле алатка која користи вештачка интелигенција и е значително подобра од луѓето во забележувањето лаги. Тие дури спроведоа серија експерименти врз луѓе за да проверат како работи алатката. Во студијата објавена во списанието „iScience“, тие истакнуваат дека алатката, на некој начин, сепак била корисна, бидејќи им помогнала на луѓето кои ја користеле подобро да забележат лага.
Но, германските научници забележале интересен феномен. Иако испитаниците за време на експериментите биле свесни дека 50 проценти од изјавите што ги оценувале се секако лажни, тие окарактеризираат само 19 проценти со овој опис. Но, кога користеле алатка за вештачка интелигенција, оцениле 58 отсто од изјавите како лажни.
Генерално, луѓето ги препознале лажните изјави во половина од случаите. Вештачката интелигенција беше малку подобра со 67 проценти од лажните изјави. Подобро од човек, но сепак далеку од совршенство.
Научниците кои ја дизајнираа алатката истакнуваат дека нивната цел била да создадат алатка за вештачка интелигенција која ќе биде подобра од човек, а не дека ќе биде совршена во препознавањето лажни изјави.
Создавањето совршена алатка за вештачка интелигенција која ќе ја препознае секоја лага може да има негативно влијание врз луѓето и општеството, бидејќи може да предизвика сомнеж и недоверба.
Затоа германските научници посочуваат дека треба да се најде баланс помеѓу алатките кои ќе ни помогнат полесно да ги препознаеме дезинформациите и лажните вести кои се шират на социјалните мрежи и нашата доверба во другите луѓе и нивната искреност.
/B92
Магазин
iOS 26 е тука! 10 големи нови функции и три модели на iPhone без поддршка

Apple го објави iOS 26, првиот оперативен систем чиј број во името е усогласен со годината на издавање. Најновата верзија носи најголема визуелна промена досега – Liquid Glass дизајн со полупроѕирен стаклен ефект низ целиот интерфејс. Дури и без новите модели iPhone 17 или iPhone Air, сопствениците на постари уреди ќе можат да го искусат овој свеж изглед и новите функции.
Кои модели ја губат поддршката?
iOS 26 повеќе нема да биде достапен за:
-
iPhone XS
-
iPhone XS Max
-
iPhone XR
Вкупно 26 модели остануваат поддржани, меѓу кои: iPhone SE (2-ра и 3-та генерација) и целата серија од iPhone 11 до iPhone 16.
Што носи iOS 26?
Новата верзија воведува 10 големи категории на функции што ја унапредуваат секојдневната употреба:
-
Дизајн – Liquid Glass интерфејс со рефлекси, прилагодлив заклучен екран со часовник и време, 3D „просторни сцени“, икони со нови нијанси и анимирани корици на музички албуми.
-
Камера – Нов интерфејс за избор на режими; iPhone 15 и поновите предупредуваат за валкан објектив; AirPods 4 и Pro 2 овозможуваат снимање со гестови.
-
Фотографии – Нови јазичиња „Галерија“ и „Колекции“, препознавање настани како концерти и спортски натпревари и групирање слична содржина.
-
Телефон – Унифициран преглед на контакти, историја и говорна пошта; „филтрирање на повици“ прикажува име и причина пред одговор; посебна секција за блокирани броеви.
-
Пораки – Филтер за непознати испраќачи, позадини во разговори, индикација кој пишува во групи и можност за гласање во чат.
-
CarPlay – Нов Liquid Glass изглед, подобрени контроли, виџети на контролната табла, брзи одговори со емотикони и интеграција со „Активности во живо“.
-
Мапи – „Омилени рути“ што автоматски ги учат вашите најчести патувања.
-
Музика – Превод и изговор на текстови, автоматско миксирање за непрекинат ритам и можност за закачување на омилени албуми/плејлисти на врвот на библиотеката.
-
Паричник – Подетални карти за влегување со директни линкови до апликации; Apple Pay воведува плаќање на рати преку банки.
-
Apple Games – Централна апликација за игри: следење резултати, гејмерски забави со пријатели, препораки за нови наслови и брз пристап до App Store и Arcade.
Заклучок
Со радикален визуелен редизајн и низа практични новини, iOS 26 им носи чувство на свежина дури и на постарите модели. Apple покажува дека сака да ја освежи корисничката искуствена база, а во исто време поставува нов стандард за идните верзии.
Извор: Benhcmark
Хороскоп
Хороскоп за вторник (16 септември)

ОВЕН
Денешниот ден ви доаѓа како порачан. Намалениот прилив на обврски ќе ви го овозможи потребниот одмор. Можни се сомнежи кон партнерот и неговата искреност кон вас. Одлично се чувствувате.
БИК
Денот е поволен за решавање на недоразбирањата кои сте ги имале со колегите или претпоставените. Ако сте во потрага по нова врска, можеби ќе запознаете токму денес нова личност. Водете сметка за здравата исхрана.
БЛИЗНАЦИ
Доколку сега покажете максимална посветеност, наредниот период ќе во донесе напредок во кариерата каков што не сте очекувале. Многу ви пречи неспособноста на вашиот партнер да прави компромис. Помали проблеми со грлото.
РАК
Ќе ви се укаже можност да остварите дополнителни приходи, но се двоумите дали да ја прифатите бидејќи сте загрижени околу многубројните обврски кои доаѓаат со неа. Во еден момент можеби ќе почувствувате силно чувство на осаменост. Немате проблеми со здравјето.
ЛАВ
Периодот на стагнација во кој бевте досега конечно завршува и уште денес ќе чувствувате голем ентузијазам да го дадете својот максимум. Саканата личност ве повреди многу и не можете да и простите. Можни се проблеми со видот.
ДЕВИЦА
Денешниот ден ви носи многу предизвици и препреки во остварувањето на целите. Не заборавајте дека само со трпение може да ги надминете. Во вашето блиско опкружување постои личност која е вљубена во вас. Потребен ви е одмор.
ВАГА
Денешниот ден ќе ви донесе комплицирана ситуација за чиј резултат ќе одлучи некој ваш претпоставен или соработник. Ве очекува интересен разговор со личноста која ви се допаѓа. Добро ќе ви дојде некоја рекреација во природа.
ШКОРПИЈА
Доколку сте планирале напредок на работното место, сега е вистинско време да се посветите на неговото остварување. Воодушевени сте од подготвеноста на саканата личност за нејзиниот труд и посветување на вашата врска. Добро се чувствувате и здравјето е солидно.
СТРЕЛЕЦ
Денес и мал пад на концентрацијата или немарност може да има долготрајни последици. Внимавајте добро на секоја ваша постапка. Можна е кавга поради различните ставови со партнерот во врска со некое важно прашање. Склони сте кон настинки.
ЈАРЕЦ
Полека се сложуваат сите коцки и сфаќате дека досегашните искуства ви послужиле на некој начин. Имате чувство дека саканата личност крие нешто од вас, но се плашите да си го признаете тоа. Проблеми со здравјето поради стрес.
ВОДОЛИЈА
Сѐ појасно ви е дека условите на моменталното работно место се многу неповолни за вас и подготвени сте да побарате подобра перспектива. Денешниот ден ви носи некаква бурна расправа со партнерот. Водете сметка за стомакот.
РИБИ
Ги избегнувате обврските бидејќи чувствувате дека немате сила на сите полиња да го дадете својот максимум. Би сакале да остварите некоја нова врска, но не можете да најдете личност која ви одговара. Мал пад на имунитет.
Здравје и убавина
Единствен рецепт за појак имунитет

Познатиот руски професор и експерт за кинезитерапија, Сергеј Бубновски, тврди дека постои многу едноставен начин за зајакнување на имунитетот.
Според него, клучот е во ладната вода. Како тоа делува?
Секој ден наполнете када со ладна, па дури и ледена вода, и потопете ги стапалата за 10–15 секунди. Потоа избришете ги со крпа и облечете дебели волнени чорапи. Оваа процедура се повторува секоја вечер пред спиење.
Доколку сте подложни на вируси, настинка или кашлица, се препорачува да ја практикувате и почесто — на секои четири часа. Според Бубновски, контактот со ладна вода не само што не ја загрозува здравствената состојба, туку, напротив, го подобрува општото здравје.
-
Спорт2 дена
(ФОТО) Кичевски „ФК Напредок“ ги наполни трибините со љубители на фудбалот, а играчите им возвратија со победа за почеток на сезоната
-
Хороскоп2 дена
Хороскоп за понеделник (15 септември)
-
Хороскоп20 часа
Хороскоп за вторник (16 септември)
-
Македонија1 ден
Од ноќеска цените на горивата се намалуваат
-
Здравје и убавина1 ден
Единствен рецепт за појак имунитет
-
Временска прогноза1 ден
Од денес ќе дува засилен ветер од северен правец, додека времето ќе биде стабилно
-
Скопје9 часа
(ВИДЕО) Снимка од подметнувањето на пожарот во Пинтија, каде ние човечноста?!
-
Скопје1 ден
(ВИДЕО) Уништени над 4 тони и 18 илјади стебла марихуана и повеќе од 21 килограми друга дрога