Фудбалската федерација на Македонија на денешната седница на Управниот одбор донесе низа значајни одлуки кои ќе стапан на сила, истите гласат вака:

– Управниот одбор на ФФМ ја усвои предлог одлуката со кое Собранието на ФФМ го овластува Управниот одбор да се извршат промени во системот на натпреварување во сите категории

– Управниот одбор на ФФМ ја усвои предлог одлуката за реформа на организациската структура на Фудбалската федерација на Македонија

– Управниот одбор на ФФМ ја усвои предлог одлуката за основање на трговско друштво на ФФМ со цел комерцијализација / физичка продажба на опрема и реквизити ФФМ / Фан-Шоп

– Управниот одбор на ФФМ ја усвои предлог одлуката за отпочнување на активности за формирање на арбитража на ФФМ

– Управниот одбор на ФФМ ја усвои предлог одлуката за членови за Комисија за избори и верификација, Надзорниот одбор, Комисија за жалби, Дисциплинска комисија, етички одбор и дисциплински инспектор

Извор: ФФМ

Во рамки на денешниот ден дисциплинската комисија во рамки на Фудбалска федерација на Македонија донесе неколку одлуки од денешната седница одржава во „Куќа на фудбалот“. Имено суспензија од еден натпревар, како што истакнаа од Федерацијата заработија: Илија Донев (ФК Силекс), Бесмир Даци (ФК Шкупи), Константин Чешмеџиев (ФК Гостивар), Александар Васовски (шеф на стручен штаб на ФК Силекс)

Дисциплинската комисија исто така одреди суспензија од два натпревари за: Мартин Ѓоргиевски (ФК Брера А.П.), Блаже Јанакиевски (шеф на стручен штаб на ФК Башкими) и Љупчо Симовски (тренер на ФК Осогово);

Дисциплинската комисија поведува постапка за ФК Башкими поради користење и фрлање во терен пиротехнички средства на натпреварот ФК Башкими – ФК Охрид Лихнидос, исто така се поведува постапка за ФК Вардар поради користење на пиротехнички средства од страна на навивачите на натпреварот ФК Силекс – ФК Вардар, истакнаа за јавноста од ФФМ.

Извор: ФФМ

Новоматик Македонија станува дел од тимот на Фудбалската федерација на Македонија (ФФМ) како нов официјален спонзор.

Соработката меѓу Новоматик Македонија, во чија групација се светските брендови Адмирал, Астра и Казино Фламинго, и ФФМ беше објавена на настан на кој што присуствуваше генералниот директор на компанијата, Александар Симовиќ, менаџментот на компаниите во рамки на Новоматик Македонија групацијата, како и највисокото раководство на Федерацијата, предводени од претседателот Масар Омерагиќ.

Станува збор за двегодишен спонзорски договор со кој Новоматик Македонија го зацврстува своето долгогодишно залагање за поддршка на македонскиот спорт.

Настанот се пренесуваше во живо преку официјалните мрежи на Федерацијата, каде со скромна пригода и забава беше одбележан овој значаен настан:

Повеќе прочитајте на официјалниот натпис од Фудбалската федерација на Македонија – ТУКА