Младата репрезентација на Македонија до 18 година во периодот од 18-ти до 20-ти февруари ќе одигра два контролни натпревари против соодветната селекција на Босна и Херцеговина. Како што известија од Фудбалската федерација на Македонија за јавноста, контролните дуели ќе бидат одиграни на стадионот во Ѓорче Петров во Скопје.

Првиот контролен дуел ќе биде одигран на 18-ти февруари со почеток во 13.00 часот. Втората контролна средба е закажана на 20-ти февруари на истиот стадион со почеток во 11.00 часот. Селекторот на младата репрезентација на Македонија до 18 години, Димитар Капинковски ги повика следните фудбалери за двата контролни дуели против БиХ:

Голмани: 
Антониј Трајковски (ФК Работнички)
Александар Трајков (ФК Брера)
Дарко Јовчев (ФК Македонија ЃП)

Одбрана:
Албан Рочи (ФК Брера)
Андреј Димовски (ФК Брера)
Стефан Стамотовски (ФК Вардар)
Христијан Јевтовски (ФК Вардар)
Мартин Џангаровски (ФК Македонија ЃП)
Назиф Цека (ФК Шкендија)
Стефан Секирски (ФК Беласица)
Мухамед Мустафи (ФК Сент Гален, Швајцарија)
Матео Кесиќ (ФК Бродарац, Србија)

Среден ред: 
Иван Танчев (ФК Брера)
Давид Ангелевски (ФК Пелистер)
Лорент Жаку (ФК Воска)
Александар Грашевски (ФК Њу Старс)
Ненад Дамјановски (ФК Домжале, Словенија)

Напад:
Марковски Иво (ФК Вардар)
Дитмир Хоџа (ФК Воска)
Флорент Османи (ФК Шкендија)
Бленди Ганиу (ФК Шкупи)
Стефан Бранковски ( ФК Марибор, Словенија)
Малик Дурак (ФК Венеција, Италија)
Дамјан Буцевски (ФК ИМТ, Србија)

Извор: ФФМ

Фудбалската федерација на Македонија (ФФМ) продолжува со својата стратешка определба за подигнување на квалитетот и професионализмот во фудбалското судење.

Во таа насока, оваа година, редовниот Зимски судиски семинар 2025 за судии и контролори од Единствената листа за Првата и Втората МФЛ, кој се одржува од 7. до 11. февруари во Струмица, има посебен акцент на едукацијата, физичката подготвеност и унифицираната примена на правилата на играта, согласно највисоките стандарди на ФИФА и УЕФА, презентирани од досегашните еминентни наши најдобри судии, а сега судиски инструктори, Александар Ставрев, Димитар Мечакровски, Дејан Јакимовски, Јосип Бартон, Горан Спиркоски, Марјан Кировски и Дејан Костадинов.

– „Судиската организација е еден од клучените столбови на фудбалот, а нејзиниот развој е наша заедничка обврска. Со континуирана едукација, физичка подготовка и јасни критериуми во донесувањето одлуки, ја зајакнуваме довербата во македонскиот фудбал. Овој семинар е од особено значење затоа што преку него ги поставуваме темелите за иден судиски кадар кој ќе ги следи највисоките светски стандарди, особено во еден исклучително значаен претстоен период на имплементација на ВАР системот“, за јавноста изјави претседателот на ФФМ, Масар Омерагиќ.

Повеќе ќе прочитате ТУКА на официјалниот натпис од ФФМ

Изминатиов викенд 1-2 февруари во Денвер Колорадо се одржа изборен натпревар за членови на америската сениорска карате репрезентација за 2025. Само 16 судии беа официјално поканети од вкупно 280 национални активни карате судии, меѓу кои и нашиот светски македонски карате судија Дејан Милошевски. Тој беше избран и за член на Комисијата за жалби, одговорна за решавање на сите карате протести на овој натпревар.

– „Натпреварот започна со дисциплината кати, каде евалуацијата на перформансите во кати беше оценета од страна на 5 или 7 ката судии со помош на електронскиот спортдата систем. За судењето на борбите се користеше истиот систем со помош на џојстик со кој електронски секој судија ги регистрираше поените. Овој систем се користи на сите официјални интернационални натпреварувања во организација на СКФ“.  Ова ми е втора година по ред да бидам дел од овој тим. Навистина голема благодарност до претседателот на Карате федерацијата на САД за укажаната доверба. Во историјата на САД, да се биде првиот Македонец во најдобрите 16 карате судии и член на Судиската комисија претставува огромно признание и чест за мене и за нашата македонска диајспора.

– До сите што се стремат кон своите соништа: Верувајте во себе – она што изгледа невозможно може да стане реалност“ – додаде популарниот каратист.

Инаку, токму на 28 декември 2024 година Карате Федерацијата на САД (USA Karate) објави на својата официјална страница дека во 2025 година ќе воведе структурни измени во националнaтa судискa програмa. Дел од овие промени е и назначувањето на нашиот светски познат македонски карате судија, Дејан Милошевски, како асистент на главниот судија за Регион 4 – што опфаќа 12 држави.

Според соопштението од Карате Федерацијата на САД, се истакнува дека промените во националнaтa судискa програмa се насочени кон зголемување на професионалноста и ефикасноста во судиската работа. Дел од овие промени вклучуваат нови раководни улоги и појасно дефинирање на регионалните одговорности. Визијата е да се работи на усовршување на националниот судиски систем, преку поддршка на младите судии и организација на натпревари во рамките на своите региони. Дејан Милошевски има огромно меѓународно искуство како судија на Светската карате федерација (ВКФ) и Европската карате федерација (ЕКФ) го прави идеален избор за оваа позиција, со што уште еднаш се потврдува неговата посветеност и неговиот квалитет во светот на карате спортот.

– „Од самиот почеток беше навистина предизвик за мене да успеам да се вбројам меѓу најдобрите судии во САД. Неколку години навистина се посветив да бидам присутен на сите натпревари на оваа страна од светот и гордо да ја претставувам Македонија. Во 2023 бев и првиот Македонец во карате историјата на САД и Македонија да бидам член на судискиот тим во избор на националниот тим на САД, но и да бидам прогласен за македонски карате амбасадор. Предизвикат беше огромен тргнувајќи од фактот дека сум заборавен изминативе 6 години и немам никаква подршка ни признание за моите успеси од Македонската карате федерација. Успесите надвор од државата никој не може да ги избрише и ќе останат да сведочат дека со работа, посветеност и професионалност може да се успее. На крај голема благодарност до Карате федерацијата на САД за укажаната доверба и нивната континуирана поддршка“, за јавноста преку интегрален текст истакна кичевчанецот Дејан Милошевски.

Со ова назначување Милошевски ја продолжува својата мисија за унапредување на каратето и афирмацијата на македонските спортски амбасадори на меѓународната сцена.

Д.Б.