Комисијата за натпреварување во рамки на Фудбалската федерација на Македонија истакна информација за датумот на извлекување на 1/4 финалните двојки во Купот на Македонија.

Извлекувањето на 1/4 парови ќе се одржи на 10-ти декември (вторник) со почеток во 15:00 часот во “Куќа на фудбалот”.

ФК Вардар, ФК Брера А.П., ФК Шкендија, ФК Струга Трим Љум, ФК Арсими, ФК Детонит Плачковица, ФК Силекс и ФК Гостивар се тимовите кои изборија пласман во 1/4 финалето во Купот на Македонија и ќе бидат дел од ждребот во вторник.

1/4 финалните натпревари (се игра еден натпревар) според програмата ќе се одиграат на 26-ти февруари 2025 година со почеток во 14:00 часот, известуваат од Фудбалската федерација на Македонија.

Целиот фудбалски свет е обединет во молитвите за здравјето на фудбалерот на Фиорентина, Едоардо Бове, откако тој колабираше во 17. минута од натпреварот против Интер минатиот викенд. По брзата реакција на Брзата помош и играчите на теренот, Бове бил пренесен во болница, а набрзо се појавила добрата вест дека 22-годишниот фудбалер е свесен и ориентиран, што ги отфрли и најмрачните сомнежи.

Бове веднаш изрази желба да се врати на тренинзите, но италијанските медиуми се прашуваат дали такво нешто би било можно.

Весникот „La Nacione“ пишува дека Бове е префрлен од одделот за интензивна нега на кардиологија и дека ќе биде спроведена нова рунда тестови за да се утврди точната дијагноза.

Доколку наодите покажат дека срцевиот удар е предизвикан од неправилна форма на срцето, ќе му биде вграден кардиовертер дефибрилатор (ICD, уред сличен на пејсмејкер), што би значело дека нема да може да игра фудбал, на барем не во Италија.

Причината се упатствата за спортска медицина и кардиологија во таа земја, во кои е забрането учество на спортски натпревари за оние кои имаат вградено модификации на срцето.

Инаку Бове во Фиорентина пристигна како позајмен играч од Рома, а во досегашната сезона забележа многу добри партии на 14 настапи во сите натпреварувања, а постигна еден гол со четири асистенции.

/sportske.net

Македонија до 19 години по излегкувањето во Швајцарија, Нион ги доби противниците за пласманот во Елитната фаза на квалификации за ЕП во Португалија. Инаку противниците од групата 11 за пласман на ЕП за нашата селекција до 19 год се Португалија, Белгија и Естонија, додека квалификацискиот турнир ќе се одигра од 12. до 18. ноември 2025 година.