Секој клуб од Прва МФЛ ќе добие по 150.916,00 евра од солидарна шема. На денешната седница на Управниот одбор на Фудбалската федерација на Македонија беа донесени следните одлуки:

– Управниот одбор на ФФМ донесе одлука за распределба на средствата наменети за солидарна шема на УЕФА за сезоната 2024/25 во висина од 1.811.000 евра.

Средствата ќе бидат распределени на клубовите од Прва МФЛ кои ќе ги исполнат критериумите за натпреварувачата сезона (програма за развој и минимум правни информации).

Средствата ќе бидат распределени подеднакво, односно секој клуб ќе добие по 150.916,00 евра.

– Управниот одбор на ФФМ го усвои предлогот за назначување на Генерален секретар на ФФМ.

Леонид Јандреоски е назначен за прв оперативец во „Куќа на фудбалот“ со мандат од четири години.

Леонид Јандреоски (02.10.1997) е дипломиран економист на економскиот факултет при УКИМ. Има завршено магистарски студии на економскиот факултет во Љубљана, во областа спортски менаџмент. Активно учество во организацијата на Европското првенство во фудбал до 21 година во Љубљана, Словенија 2021 година. Стекнат сертификат за напреден спортски менаџмент, едукативна програма организирана од МОК.

Работно искуство има во реномираната компанија А1 Македонија во делот на маркетинг комуникации, продолжувајќи го искуството во истата област од Универзал Медиа, истакнаа од Фудбалската федерација на Македонија.

Од Порта.мк упатуваме честитки и успешна работа!

Светскиот рекет број четири, Американецот Тејлор Фриц се пласираше во осминафиналето на Мајами опен откако вечерва го совлада Канаѓанецот Денис Шаповалов со 7:5, 6:3 во директни сетови. Победата над 28. играч на АТП листата ја оствари по час и 21 минута.

Во осминафиналето Фриц ќе игра против Австралиецот Адам Волтон. Пласман во осминафиналето обезбеди и Чехот Јакуб Меншик кој по два сета го совлада Русинот Роман Сафиулин со 6:4, 6:4.

Меншик, кој се наоѓа на 54. место во светот, по час и 14 минути го победи 71. играч на АТП листата. Тој во осминафиналето ќе игра против сонародникот Томаш Махач.

Од денес премиерно во етер започна специјализираниот спортски подкаст „Пресинг“, проект на спортската редакција „Екипа.мк“, наменет за навраќање на спомените од минатото, анализа на актуелните состојби во мак-спортот, како и размена на предлози и визии за негов развој во иднина. И сето тоа, директно, отворено, па ако е неопходно и контроверзно!

Во првата емисија на „Пресинг“ улогата на ко-водител, покрај новинарот на Екипа, Горан Бошев, ја има легендата Дарко Панчев, најдобриот македонски фудбалер на сите времиња, додека премиерно гостин е селекторот на фудбалската репрезентација на Македонија, Благоја Милевски.

Еден час муабет, еден час фудбал во вистински рамки на зборот, погледнете и дадете поддршка на спортската редакција „Екипа“, заследете го нивниот јутјуб канал како и новиот „Пресинг“, со тоа што ќе ги следите сите новости кои се предвидени во овој спортски поткаст со најдобри гости.

Им посакуваме успешна работа и успешен проект на колегите од „Екипа“, во продолжение проследете го целиот поткаст: