Гејминг
(ВИДЕО) Корисниците незадоволни од цената на графичките картици на „nVIDIA“ RTX 5080 и 5090

Најновите претпоставки за цените на претстојните графички картички GeForce RTX 5080 и RTX 5090 предизвикаа бура од незадоволство кај корисниците. Најновите информации за цените на RTX 5080 и RTX 5090 предизвикаа бурни реакции и негодување кај потенцијалните купувачи.
Според видеото објавено од корисникот на YouTube „Vex“, RTX 5080 ќе се продава по значително повисока цена од претходните модели во истата класа.
Протекувањето, наводно од австралиски синџир продавници, открива дека RTX 5080 ќе има 16 GB GDDR7 видео меморија, што е значително подобрување. Сепак, главната тема на разговор е цената. Според информациите, предложената малопродажна цена во Австралија е 2.799 австралиски долари или околу 1.746 американски долари. На американскиот пазар, цената се очекува да биде помеѓу 1.400 и 1.600 долари, во зависност од даноците и маржите на дилерите.
За споредба, GeForce RTX 4080 беше лансиран со 1.200 долари за верзијата од 16 GB, што го прави RTX 5080 една од најскапите графички картички од серијата „80“ во историјата на Nvidia.
Протечените податоци откриваат и куповна цена од малку неверојатни 2.545,55 австралиски долари или околу 1.580 американски долари. Ова зголемување на цената ја одразува промената во позиционирањето на графичките процесори од високата класа на Nvidia, кои сега се насочени повеќе кон професионалните корисници отколку кон гејмерите. Иако RTX 5080 сè уште го носи брендот GeForce, неговите цени и карактеристики укажуваат на тоа дека е приспособен за тешки работни места со AI и Ray Tracing.
Што се однесува до RTX 5090, се очекува да биде лансиран неколку недели по RTX 5080, можеби во февруари 2025 година. Иако не се објавени конкретни информации за цените, се очекува основниот модел RTX 5090 да чини повеќе од 2.000 американски долари.
Овие цени, заедно со подобрувањата во перформансите и меморијата, ја позиционираат серијата Nvidia RTX 50 како премиум опција, која се повеќе се свртува кон професионалниот пазар, пренесува benchmark.rs
Гејминг
Fortnite повторно достапен на iOS во Австралија

По пет години судски битки, Epic Games успеа да го врати Fortnite и Epic Games Store на iOS уредите во Австралија. Одлуката на судот утврди дека Apple ја ограничувал конкуренцијата со своите строги правила, особено со забраната за алтернативни методи на плаќање, пренесува Australian Financial Review.
Epic Games изјави:
„Австралискиот суд пресуди дека Apple и Google ја злоупотребуваат својата контрола врз дистрибуцијата на апликации и плаќањата во нив за да ја ограничат конкуренцијата. Постојат над 2.000 страници со наоди што ќе треба да ги испитаме. Сепак, ова е победа за програмерите и потрошувачите во Австралија!“
Како започна конфликтот?
-
Epic го заобиколи системот за плаќање на Apple.
-
Наместо тоа, воведе сопствен метод за купувања.
-
Apple остана без вообичаената провизија од 30%.
-
Како реакција, Fortnite и другите апликации беа отстранети од App Store, што доведе до долг судски процес.
Во април оваа година, американскиот суд пресуди дека Apple повеќе нема право да наплаќа провизија за купувања направени надвор од App Store. По таа одлука, Fortnite повторно се врати во американската App Store во мај.
Иако одлуката во Австралија е историска за гејмерите и девелоперите, сè уште не е познато кога Fortnite и Epic Games Store повторно ќе бидат достапни за сите iOS корисници таму.
Извор: Engadget
Гејминг
Sony ја зголеми цената на сите модели од „PlayStation 5“ конзолата на американскиот пазар

Моделот со диск драјв ќе се продава по цена од 549,99 долари, што е зголемување од 50 долари во однос на претходните 499,99 долари. Digital Edition ќе поскапи од 449,99 на 499,99 долари, додека најмоќната верзија – PS5 Pro – ќе чини 749,99 долари наместо досегашните 699,99.
Од компанијата објаснуваат дека ваквата одлука е резултат на „тешките економски услови“ и дополнителните тарифи кои значително ги зголемиле трошоците за производство и дистрибуција.
– „Иако настојувавме што подолго да ги задржиме старите цени, актуелните пазарни околности нè принудија да направиме корекција“, наведуваат од Sony.
Позитивна вест за играчите е тоа што цените на игрите и додатоците нема да се менуваат.
Со овој потег, Sony се усогласува со конкурентите, бидејќи и Microsoft и Nintendo претходно ги зголемија цените на своите гејминг конзоли поради слични економски предизвици.
Гејминг
(ВИДЕО) Излезе новиот трејлер на популарната и долгоочекувана „GTA VI“

Минатиот петок, Rockstar Games го одложи објавувањето на GTA VI, кое првично беше планирано за есен 2025 година, за 26 мај 2026 година.
– „Со секоја игра што ја објавивме, целта отсекогаш била да се обидеме да ги надминеме вашите очекувања, а GTA VI не е исклучок. Се надеваме дека разбирате дека ни е потребно ова дополнително време за да го испорачаме нивото на квалитет што го очекувате и заслужувате“, се вели во соопштението на Rockstar Games.
Првиот трејлер за GTA VI се појави онлајн во декември 2023 година, кога креаторите ја претставија приказната за Луција, една од главните хероини на видео играта.
-
Хороскоп1 ден
Хороскоп за четврток (4 септември)
-
Хороскоп10 часа
Хороскоп за петок (5 септември)
-
Кичево2 дена
Кичево: Филм, музика и креативност во село Ехлоец: Echoes in the Wild на 7 септември
-
Свет1 ден
(ВИДЕО) „Ден на жалост“ во Португалија по страшната трагедија каде од шините излета жичара и одзеде најмалце 15 животи, неофицијално има и странци
-
Македонија2 дена
МВР: Целосна забрана во шуми до крај на месец септември
-
Македонија1 ден
МВР: Кривична пријава против петмина вработени во Агенцијата за храна и ветеринарство за „злоупотреба на службена положба и овластување“
-
Lifestyle2 дена
Кој пијалок е поштетен за здравјето: пивото или газираните сокови?
-
Временска прогноза1 ден
Најавената промена на времето се оствари, во текот на ноќта наврнаа 23 л/м2 дожд