РЦУК – Кичево, известува дека пожарот што започнал на ден 30.10.2022 година во 13:00 часот во близина на Тајмиште, Општина Кичево е се уште активен. Утрово на ден 01.11.2022 година во гаснењето на пожарот интервенираат 4 лица од ЈП ,,Национални шуми” подружница ,,Лопушник”. Според последните информации пожарот се движи во правец на селото Колари, но се уште е далеку од населеното место.

Пожарот што започна на ден 30.10.2022 година во 20:30 часот над с.Бачишта, Општина Кичево е се уште активен. Со пожарот е зафатена нискостеблеста шума, лисја, папрат и сува трева. Во моментот во гаснењето на пожарот интервенира ЈП ,,Национални шуми” подружница ,,Лопушник”. Според последните информации пожарот се движи по ливади кон хидроцентралите и реката и е во непосредна близина на с.Бачишта. Од ЈП ,,Национални шуми” подружница ,,Лопушник” известуваат дека пожарот се шири во превец на реката и делумно ќе го спречи гаснењето на пожарот.

РЦУК – Македонски Брод, известува дека пожарот што започна на ден 30.10.2022 година во 10:00 часот во атар на с.Ореовец, место викано Присој е се уште активен и истиот е префрлен во атар на с.Русјаци. Со пожарот се зафатени ниска деградирана шума и лисна постела. Во гаснењето на пожарот во моментот интервенираат 4 лица од ЈП ,,Македонски шуми” подружница ,,Сандански” и 4 пожарникари со 1 ПП возило од ТППЕ Македонски Брод.

Од градоначалниот на Општина Македонски Брод е добиено барање за гаснење на пожарот од воздух. Во гаснењето на пожарот е вклучен еден хеликоптер на МВР.

Фото: Архива (порта.мк)
Извор/Видео: Центар за управување со кризи (ЦУК)