Претседателот на Фудбалската Федерација на Македонија, Муамед Сејдини денес престојуваше во Европската куќа на фудбалот во Нион (Швајцарија) на покана на првиот човек на УЕФА. Физичкиот напад врз нашиот претседател и последните случувања во нашата земја беа повод веднаш после натпреварот со Ерменија да биде свикан итен состанок од претседателот на УЕФА Александар Чеферин, а по добиените информации од УЕФА за политичко мешање во работата на Федерацијата, со што е загрозен нејзиниот интегритет.

Претседателот Сејдини, од прва рака и во детали го извести претседателот на УЕФА за настанатата ситуација а УЕФА изрази силна поддршка за заштита на ФФМ, и нејзиниот интегритет.

Претходно (вчера), УЕФА и ФИФА заеднички испратија писмен допис до ФФМ во кој бараат закажување на состанок со претставници на владата во најскоро можно време. ФФМ веднаш го пренесе овој допис до владата на РМ во очекување на термин за бараниот состанок.

УЕФА и ФИФА се непоколебливи во нивната намера да го задржат интегритетот на фудбалот и федерацијата.

Претседателот на УЕФА, Александар Чеферин изрази искрени честитки за освеното прво место на македонската фудбалска репрезентација во групата Ц во Лигата на Нации со желби за понатамошни успеси и достигнувања, известуваат од Фудбалската федерација на Македонија.

Едукативниот центар при ФФМ вчера официјално објави за отворен конкурс за заинтересирани кандидати за упис на УЕФА Б курс. За таа цел, секој заинтересиран кандидат е неопходно да го пополни соодветниот онлајн прашалник кој е отворен до 18.10.2024. По овој датум, прашалниците автоматски стануваат неактивнии конкурсот завршен, а понатамошната комуникација во врска со курсевите ќе продолжи единствено по е-маил и единствено со кандидатите кои уредно го пополниле прашалникот.

Ненавремено и неуредно пополнувањето на прашалникот ќе значи неможност за учество на претстојниот УЕФА Б курс.

Кон пополнување на пријавата зависно за кој едукативен курс аплицирате може да се пристапи на соодветниот линк подолуа истиот ги содржи и датумите за одржување на курсевите: https://forms.office.com/e/6QZ9EqC0X2- Линк за пријава на УЕФА Б курс (Модул 1 10-16.11.2024 / Модул 2 Февруари или Март 2025)

За можни нејаснотии или дополнителни прашања пред апликација, можете да се обратите на следниот е-маил: [email protected].

Во прилог основните критериуми за учество за „УЕФА Б“ курсот – ТУКА

Пред пополнување на пријавата, добро да се погледнат критериумите за учество на УЕФА Б курс објавени во детали во документот подолу, како сите заинтересирани кандидати би знаеле дали ги исполнуваат основните услови за учество, известуваат од Фудбалската федерација на Македонија.

Македонија вчера славеше во Ереван против Ерменија со 2:0 за печат на перфектниот октомври. Бојан Миосвски и Исник Алими беа стрелци на головите за нашата најдобра селекција. Македонската репрезентација одигра тактички перфектно во најголем дел од мечот против Ерменија, а во првиот момент кога почувствува пад и слабост кај домаќиниот, ладнокрвно зададе два удар и ги освои трите бода во Ереван.

Селекторот Благоја Милевски направи добри измени во вториот дел и тоа придонесе подобар проток на топката во последната третина, па во таква ситуација, видовме и два мајсторски погодоци за огромни три бода во Ереван.

Со погодоците на Бојан Миовски и Исник Алими, Македонија сега дојде на чекор од историски пласман во Лигата Б во Лигата на нации, но истовремено се избори и за историски успех во едни квалифиакции.

За првпат од нашето постоење, Македонија врза три победи во низа без да прими ниту еден гол, бидејќи покрај денешната победа против Ерменија, против истата селекција славевме пред еден месец на домашен терен (2:0), но и против Летонија во четвртокот (0:3).

Македонија има 10 бода, шест повеќе од Ерменија и Летонија. Само теорија може да не остави без првото место во групата.

Милевски на прес конференцијата исто така упати јасна порака до челниците на фудбалските клубови:

– „Овие момци се вистинска гордост, се вид тоа најдобро низ овие три претходни натпревари во Лигата на нации колку се вистински фудбалски големи. Преку овие свои настапи испраќаат пораки и сигнали до своите тренери во клубовите каде играат, добро да увидат што имаат во своите редови. Од 11 првотимци, па да не претеруваме можеби девет немаат минутажа во своите клубови, но на секој натпревар во репрезентацијата демонстрираат што знаат и умеат. Затоа ќе повторам, навистина и не се нормални. Знам дека некогаш сум тежок во своите очекувања, желби и барања од нив, што, пак, најдобро го знаат и моите во семејството… Но, знам и колку овие момци знаат дека на тој начин само заеднички го бараме само најдоброто за Македонија и македонскиот фудбал“