Фудбалската Федерација на Македонија преку своето одделение за лиценцирање упатува покана до клубовите од Прва, Втора и Трета МФЛ, како и клубовите од Прва ЖФЛ за доставување на пријава за клупско лиценцирање за сезона 2025/2026.

Клубовите од Прва МФЛ можат да прикачат пријава за лиценцирање на Мукомет за натпреварување во организација на УЕФА, која автоматски важи и за натпреварувањата на ФФМ. Клубовите од Втора МФЛ (исток и запад) можат да прикачат  пријава на Мукомет за лиценцирање за натпреварување во Прва МФЛ или Втора МФЛ, клубовите од Трета МФЛ може да достават пријава само за лиценцирање за натпреварувања само во Втора МФЛ.

Клубовите од Прва ЖФЛ можат да прикачат пријава за лиценцирање на Мукомет за натпреварување во организација на УЕФА, која автоматски важи и за ФФМ натпреварувањата.

Пријавите за лиценцирање за УЕФА натпреварување (мажи) да се прикачат на Мукомет најдоцна до 20.12.2024 (петок) со прилог уплатена такса од 500,оо евра во денарска противвредност.

Пријавите за лиценцирање за УЕФА натпреварување (жени) да се прикачат на Мукомет најдоцна до 20.12.2024 (петок) со прилог уплатена такса од 300,оо евра во денарска противвредност

Пријавите за лиценцирање за натпреварување во Прва МФЛ да се прикачат на Мукомет најдоцна до 20.12.2024 (петок) со прилог уплатена такса од 350,оо евра во денарска противвредност.

Пријавите за лиценцирање за натпреварување во Втора МФЛ да се прикачат на Мукомет најдоцна до 20.12.2024 (петок ) со прилог уплатена такса од 200,оо евра во денарска противвредност

Пријавите за лиценцирање за натпреварување во Прва ЖФЛ да се прикачат на Мукомет најдоцна до 20.12.2024 (петок ).

Клубовите своите пријави уредно пополнети, потпишани и заверени треба да ги прикачат во наведениот рок на МуКомет платформата. По доставувањето на пријавите, Одделението за лиценцирање на сите клубови, соодветно на пријавата, ќе им ги достави потребните информации околу понатамошниот тек на лиценцирањето.

Уплатата на соодветните такси се врши на следната сметка:

300000001599760 Комерцијална Банка

Примач: ФФМ – Скопје

Цел на дознака: за Клупско лиценцирање за сезона 2025/2026 за (соодветното натпреварување).

FFM QT 1030-61 Пријава за лиценцирање v9.doc

FFM QT 1030-59 Временска табела за сезона 2025-2026.doc

Извор: ФФМ

Фудбалската федерација на Македонија преку својата Комисија за избори и верификација го прифати предлогот на ОФС Св.Николе за поддршка на кандидатурата од Масар Омерагиќ за претседател на ФФМ на Вонредното изборно Собрание кое ќе се одржи на 22-ри декември 2024г.

Исто така Комисијата г-дин Омерагиќ го одреди за единствен кандидат за претседател на Фудбалската федерација на Македонија.

Женската репрезентација на Македонија на тренинг центарот „Петар Милошевски” во Скопје ги одигра двата контролни натпревари против Црна Гора.

На првиот контролен дуел помеѓу овие две селекции, Македонија забележа победа со 3:2. Симона Мејер, Гентјана Роџи и Улза Максути се запишаа во листата на стрелци за Македонија.

На втората контролна пресметка помеѓу овие две репрезентации, Црна Гора забележа победа со 5:1 Единствениот погодок за нашата селекција беше дело на Јилза Максути.

Нашата најдобра женска репрезентација на 21. февруари против Косово на домашен терен го започнува настапот во новото, второ по ред издание на Лигата на Нации 2025 година.

Покрај Македонија и Косово, во групата 6 од Ц дивизијата се наоѓа и селекцијата на Летонија, истакнаа од ФФМ.