Временска прогноза
Викенд метео вести: Доаѓа нов ладен и влажен бран кој ни носи дожд, силен ветер и снег на места под 1000 н.м.в, што значи превој „Стража“ би можел повторно да биде под снег

Викендот што ни претстои, територијата на нашата Македонија ќе биде зафатена од нов ладен и влажен воздушен бран кој ќе услови нови врнежи од дожд кои ќе бидат пообилни во западните предели (локално околу 20 литри воден талог на метар квадратен).
Во сабота на планините, а во недела особено попладне и на повисоките места со надморска височина од, па и под 1000 метри надморска височина ќе има врнежи од снег, а на планините и на Скијачките центри постојаната снежна покривка ќе се зголеми. Што значи во нашиот регион, често популарните превои ќе бидат сигурно под снежна покривка, со оглед на тоа дека нивната висина е од 900 до 1212 н.м.в.
Во недела доцна попладне и навечер ќе започне да дува засилен ветер од северен правец, кој ќе продолжи и во понеделник (16 декември). Поради дополнителното заладување, доцна вечерта и ноќта недела кон понеделник повремен снег ќе има и во градовите, особено во западните и во северните предели од Македонија.
Што се однесува до Скопскиот регион, овој бран ќе донесе врнежи од дожд, а на околните планини ќе има врнежи од снег. Во недела, особено попладне и вечерта послаби врнежи од снег се можни и во повисоките предели од котлината, а ноќта недела кон понеделник по некоја снегулка може да провее и во пониските предели од Скопската котлина (ништо посебно).
Што се однесува до температурите, тие значително ќе опаднат и за викендот ќе се искачуваат во интервалот од 4 до 10 степени, меѓутоа, во недела навечер и ноќта кон понеделник дополнително тие ќе опаднат и до понеделник наутро ќе се спуштаат во интервалот од -7 до 1, додека на повисоките планински места тие се очекува да се спуштат до околу, па и под -10 степени.
Особено студен ден и без врнежи, но и доста ветровит ќе биде понеделник 16 Декември, кога максималните дневни температури во Македонија ќе се искачуваат во интервалот од -1 до 7 степени, додека на повисоките места и на планините, секако вклучувајќи ги и Скијачките центри тие ќе останат под нулата, информира Славчо Попоски
Попоски: Апелирам, доколку патувате овој викенд низ планинските превои, да бидете крајно внимателни, и тоа поради очекуваните нови врнежи од снег кои би можеле да создаваат нови проблеми низ патиштата.
Временска прогноза
Претежно сончево и по свежо на утро со северен ветер

Под влијание на стабилна, сува и посвежа воздушна маса од север, викендов повремено ќе засилува ветерот од северен правец, особено денес (сабота 21 јуни), додека утре (недела 22 јуни) ветерот ќе биде со слаб до умерен интензитет и од променлив правец.
Времето ќе биде претежно сончево со појава на мала локална облачност.
Температурите ќе бидат пониски за разлика од оние кои ги имавме до вчера (петок 20 јуни) и тоа за 3 до 4 степени и максималните дневни температури викендов ќе ни се искачуваат во интервалот од 24 до 32 степени. Во Скопје максималната температура ќе се искачи до околу 31/32 степени.
Наутро пак ќе биде значително посвежо со минимални температури кои ќе се спуштаат во интервалот од 7 до 18 степени, предмалку информираше Славчо Попоски
Временска прогноза
Бран кој носи дожд се спушта над Македонија, првично кон север потоа кон западните делови

Во моментов, од север кон Македонија се спушта влажен фронтален бран кој со себе нови локални но поројни врнежи од дожд, проследени со грмежи и засилен ветер. Ова значи дека во следните часови најпрвин во северните, а потоа и во западните предели ќе има локална појава на пороен дожд, грмежи и засилен ветер во зоната на нестабилност.
Уште од следните часови можна појава нестабилност, пороен дожд, грмежи и засилен ветер можна е и во делови од Скопскиот регион.
Во текот на денов кај нас следува ново големо дестабилзирање на атмосферата. Многу повеќе детали токму оволу ова следуваат наскоро, утрово информираше Славчо Попоски
Временска прогноза
Викендот посвежо со повремено засилен северен ветер и без дожд

Под влијание на стабилна, сува и малку посвежа воздушна маса од север и од североисток, за време на викендот (сабота и недела 21/22 јуни) ќе дува повремено засилен ветер од северен правец, а температурите ќе опаднат за 3 до 4 степени во споредба со сегашните.
Времето ќе биде сончево со појава на мала до умерена локална облачност. Наутро ќе биде посвежо со температури кои ќе се спуштаат во интервалот од 7 до 17 степени, а преку ден тие ќе се искачуваат во интервалот од 25 до 32 степени, додека во Скопје наутро температурата ќе се спушта до околу 13/14 степени, а максималната температура ќе се искачи до околу 32 степени.
И во Скопје и околината за време на викендот повремено ќе дува засилен ветер од северен правец, предмалку информираше Славчо Попоски
-
Хороскоп2 дена
Хороскоп за сабота (21 јуни)
-
Хороскоп14 часа
Хороскоп за недела (22 јуни)
-
На денешен ден2 дена
Времеплов: На денешен ден – 21 јуни
-
Македонија1 ден
Возач од тетовско нов рекордер, возел 190 на саат на место ограничено 80 км/ч
-
Временска прогноза1 ден
Претежно сончево и по свежо на утро со северен ветер
-
Lifestyle2 часа
Што навистина се случува кога кожата ќе изгори од сонце?