Временска прогноза
Влажен бран викендов носи дожд, кон крајот на месецот можна снежна покривка и во градовите – како првична анализа
![](https://porta.mk/wp-content/uploads/2022/09/dozd_p0rtamk.jpg)
Во Македонија продолжува серијата на влажни воздушни бранови кои доаѓаат од Атлантикот.
Нови врнежи кај нас се очекуваат веќе од утре, па за време на викендот и повремено тие ќе бидат обилни и локално проследени со појава на грмежи, како и со засилен до повремено силен ветер од јужен и од југозападен правец.
На високите планини (над 2000 м.н.в повремено ќе има врнежи од снег). Не се исклучува можноста повремено снежната граница во западните и во северозапдните предели да се спушти и под 2000 метри.
Во утре и во сабота на повеќе места ќе дува засилен, повремено силен ветер од јужен и од југозападен правец (повремено и локално со брзина од над 60 км/час).
Локално до самиот крај на оваа седмица повторно ќе наврне значително количество на воден талог, и тоа нови над 30 л/м2 воден талог.
Инаку со последниот влажен воздушен бран од Атланикот, најмногу дожд кај нас наврна во Дебар, и тоа 38 литри дожд.
И во Скопје и околината исто така од утре се очекуваат нови врнежи од дожд и проследени со засилен ветер од јужен правец.
Температурите во следниот период ќе бидат пониски и тоа поради продорот на постуден воздух од север, и максималните дневни температури на воздухот ќе се искачуваат во интервалот од 10 до 18 степени. Минималните температури пак ќе бидат исто така се пониски и на многу места ќе се спуштаат до околу, па и под 5 степени, а понекаде, особено во Малешевијата тие ќе се спуштаат и до околу -2 степени, со што го очекуваме и првиот мраз за оваа сезона, не само во Малешевијата, туку и на други места низ Македонија.
* Ако вака останат работите, уште поголемо заладување на времето кај нас ќе има околу 20 ноември, и тогаш освен на повисоките места и на планините, снег се очекува и во градовите во Македонија.
– Состојбата постојано ќе ја следиме, со што граѓаните навремено ќе бидат информирани околу ова, и околу евентуална ново настаната временска состојба, за Порта.мк утрово пишува Славчо Попоски
Временска прогноза
Денес и утре посвежо особено на утро, еве какво време ни претстои
![](https://porta.mk/wp-content/uploads/2023/10/vreme2023-scaled.jpg)
Денес и утре (петок) посвежо, особено наутро, повремено со засилен ветер од северен правец (до околу 60 км/час)
Следува постепена стабилизација на атмосферата во Македонија. Сепак, денес како и утре (петок) очекуваме нешто попријатно, односно посвежо време, а особено свежо ќе биде во ноќните и во раните утрински часови кога минималните температури на воздухот ќе се спуштаат во интервалот од 9 до 17 степени.
Максималните дневни температури на воздухот пак ќе се искачуваат во интервалот од 27 до 34 степени. Во Скопје минималната температура се очекува да се спушти до околу 16 степени, додека максималната ќе се искачи до околу 33 степени.
Сепак и покрај претежно стабилното и суво време, ќе биде ветровито. Односно, ќе дува умерен, повремено и тоа особено Долж Повардарието засилен ветер од северен правец (повремено со брзина до околу 60 км/час).
И во Скопскиот регион повремено ќе дува засилен ветер од северен правец, известува Славчо Попоски
Временска прогноза
Поради дестабилизација на времето на Балканот, во вечерните часови услови за невреме и во Македонија
![](https://porta.mk/wp-content/uploads/2022/09/dozd_p0rtamk.jpg)
Како резултат на продор на поладен воздух од север на висина, денес (понеделник) во попладневните и во вечерните часови ќе дојде до поголема дестабилизација на атмосферата во регионот, па така особено во западните предели на Словенија и Хрватска, потоа на повеќе места во Босна и Херцеговина, југозападна и западна Србија, а подоцна и во источните предели на Хрватска се очекува развој на грмотевични облаци кои ќе условат појава на пороен дожд, грмежи и засилен ветер.
Со продорот на овој ладен воздух на висина, локално во овие предели ќе има и појава на невреме, проследено со поројни врнежи од дожд, силни грмежи и електрични празнења, силен ветер и со појава на град. Не се исклучува можноста, како ќе поминува овој фронтален систем над овие краишта, да се создадат услови и за локално силно невреме.
Кај нас овој фронтален систем денес попладне и навечер, особено во западните и во северозападните планински предели од државава локално исто така ќе услови развој на грмотевични облаци кои ќе условат пороен дожд, грмежи и засилен ветер. Секако во ваква ситуација, можни се и поинтензивни атмосферски процеси во вид на невреме, пишува Славчо Попоски
Временска прогноза
Локален развој на нестабилна облачност која носи пороен дожд и засилен ветер
![](https://porta.mk/wp-content/uploads/2023/05/dozd_2023-scaled.jpg)
Почитувани, во текот на новата работна седмица во Македонија особено во попладневните и во вечерните часови ќе има локален развој на нестабилна облачност проследена со пороен дожд, грмежи и засилен ветер. Локално процесите ќе бидат поинтензивни и застапени во форма на невреме, проследено со поројни врнежи од дожд, силни грмежи и електрични празнења, силен ветер и со појава на град.
И во делови од Скопската котлина во попладневните часови ќе биде нестабилно со пороен дожд, грмежи и засилен ветер. Можна е и појава на невреме.
Апелираме, во случај на појава на невреме и на силни електрични празнења, да не се претстојува на отворен простор и под осамени дрвја.
Што се однесува до температурите, тие за разлика од изминатите денови, секојдневно ќе бележат тенденција на постепено опаѓање, а позначително ќе опаднат кон крајот на работната седмица и тие ќе бидат потпросечни за месец јули и ќе се искачуваат во интервалот од 25 до 33 степени, додека наутро тие ќе се спуштаат во интевалот помеѓу 10 и 19 степени, пренесува Славчо Попоски на метеоаларм.
-
Хороскоп23 часа
Хороскоп за петок (26 јули)
-
Хороскоп2 дена
Хороскоп за четврток (25 јули)
-
Временска прогноза2 дена
Денес и утре посвежо особено на утро, еве какво време ни претстои
-
Македонија1 ден
МВР истакна важно соопштение по повод чествување на 2-ри август во Крушево
-
Спорт1 ден
Закажано извлекувањето на паровите за новата сезона 24/25 од првата македонска фудбалска лига
-
Балкан3 часа
Во Србија граѓаните ќе предложуваат локации за „радар“ за зголемена сообраќајна контрола
-
Технологија1 ден
Apple би можел да примени технологија која му овозможува на „iPhone“ внатрешна меморија од 2TB?