Следете не

Балкан

Во голема координирана акција сузбиена организирана криминална група која криумчарела хероин во Хрватска, приведени три лица

Објавено пред

на

Денеска (29.09.2022) полициски службеници од Одделот за криминалистичка полиција – Сектор за недозволена трговија со дрога, оружје и опасни материи, Специјалната антитерористичка единица ТИГАР, Одделот за сузбивање на организиран и сериозен криминал, како и СВР Тетово – ОВР Гостивар и СВР Куманово  во раните утрински часови спроведоа координирана акција по насоки на Јавен обвинител од Основно јавно обвинителство за гонење на организиран криминал и корупција на четири локации на подрачјето на Тетово, Гостивар и Куманово, при што се лишени од слобода три лица.

Имено, оваа акција беше реализирана по повеќемесечна паралелна криминалистичка истрага на припадниците на Одделот за криминалистичка полиција со полициските службеници од хрватската полиција – Оддел за борба против криминалитет – дрога од полициската управа Истра и Националниот уред за сузбивање на корупција и организиран криминалитет на Р.Хрватска. Истрагата беше во координација и соработка на Основното јавно обвинителство за гонење на организиран криминал и корупција и хрватскиот Уред за сузбивање на корупција и организиран криминалитет (УСКОК) – Риека, а со логистичка поддршка на Канцеларијата на ГИЗ, за меѓународно злосторничко здружение составено од наши и хрватски државјани кои криумчареле хероин, при што секој припадник имал различна улога во набавка, продажба, чување, транспортирање и посредување во купопродажби на хероин на  подрачјето на Истра, Далмација и Загреб, и на тој начин на подрачјето на Хрватска извршиле продажба на 4,2 кг хероин, при што биле лишени од слобода повеќе лица.

На 23.09.2022 во заедничка акција на хрватската и македонската полиција во која учествуваа  и Јавни обвинители од ОЈО за ГОКК и полициски припадници од Одделот за криминалистичка полиција – Сектор за недозволена трговија со дрога, оружје и опасни материи на подрачјето на Хрватска беа запленети 3,9 кг хероин, при претрес на дом во Загреб и беа лишени од слобода пет лица, и тоа еден македонски државјанин Б.Џ.(43) с.Синичане, тетовско, и четворица хрватски државјани на возраст од 42, 47, 49 и 66 години. Групата неовластено пуштала во промет хероин на илегалниот пазар за дрога во областа на Далмација од месец септември минатата година, а дрогата преку разни канали била пренесувана од нашата држава до територијата на Република Хрватска.

Во денешната акција, по претходно добиена наредба за претрес од Судија на претходна постапка од Основен кривичен суд Скопје, извршен е претрес во домот на Б.Џ. од Синичане, кој е веќе уапсен на територијата на Хрватска,  при што биле пронајдени предмети поврзани со кривичното дело. При претрес кај А.М.(50) од с.Опае, кумановско, пронајден е еден пиштол, 50 куршуми, поголема количина на кокаин, пакувања со марихуана,  електронски уред за мешање на дрога, парични средства во денари и евра, повеќе потврди за извршени финансиски трансакции и други предмети поврзани со кривичното дело. При претрес кај С.И.(74) од Гостивар пронајден е еден пиштол „ТТ“ кал. 7,62 мм со 168 куршуми кал. 7,62 мм и други предмети поврзани со кривичното дело. При претрес кај Е.Н.(63) од с.Синичане пронајдена е документација за извршени финансиски трансакции и други предмети поврзани со кривичното дело. Како што соопшти портпаролот на МВР Сузана Прањиќ Талевска, трите лица се лишени од слобода, а од страна на МВР ќе биде поднесена  кривична пријава до Основното јавно обвинителство за гонење на организиран криминал и корупција, поради постоење на сомнение дека сториле кривично дело „неовластено производство и пуштање во промет наркотични дроги, психотропни супстанции и прекурсори“ предвидено и казниво по чл. 215 ст.3 и кривично дело „злосторничко здружување“ по чл.394 од Кривичниот законик.

Балкан

Силен земјотрес предмалку ја стресе Босна и Херцеговина, ова се последните информации

Објавено пред

на

©EMSC

Предмалку силен земјотрес стресе во Босна и Херцеговина. Имено од информациите на ЕМСЦ истиот е регистриран со магнитута 4,4, лоциран 38 километри од Мостар во близина на Студенци.

Читателите известуваат дека земјотресот бил почувствуван и во Сараево, Зеница, Јабланица и Мостар, така што за сега нема информации за евентуални штети, инаку земјотресот бил почувствуван и во Црна Гора и Хрватска.

Повеќе информации наскоро…

Прочитај повеќе...

Балкан

Гламурозната „Music Awards Ceremony“ се враќа со дводневен спектакл во белградската „Штарк Арена“ на 25 и 26 јануари

Објавено пред

на

Овогодинешниот „Music Awards Ceremony“ (MAC) ќе се одржи на 25 и 26 јануари, кога на првиот ден од манифестацијата ќе настапат регионалните претставници на поп, алтернативниот поп, рок, рап, хип-хоп, светската музика и фолк музиката, додека на вториот ден од MAC сцената ќе им припадне на најголемите идоли на трап, дрил и урбаната поп музика.

Хистеријата која на социјалните мрежи ја предизвика информацијата дека најголемата и најгламурозната регионална манифестација на доделување музички признанија „Music Awards Ceremony“ (MAC) во организација на Скајмјузик, се враќа со дводневен спектакл во белградската Штарк Арена на 25 и 26 јануари, и понатаму не запира.

Сѐ почна на официјалниот Инстаграм-профил на MAC каде во неделата точно во 19 часот беше најавено долгоочекуваното трето издание, на голема врата – со ЛАЈВ вклучувања на некои од најголемите музички ѕвезди во регионот, добитници на престижните MAC награди во претходните изданија, кои за прв пат имаа ексклузивно право да номинираат трoјца свои фаворити за MAC 2023 признанијата. Во ЛАЈВОТ се вклучија и изведувачите кои во таа прилика беа номинирани, па, на изненадување на следбениците, имаа можност да видат кого сѐ номинираа Констракта, Секси од Црни Церак, Лацку, Нучи, Едита и Сара Јо.

Преку 400 илјади фанови од целиот регион имаа можност да ги следат номинациите, а изведувачите кои таа вечер беа најмногу пати предложени се Сенидах со темата „Бехуте“, Сара Јо со „Зар не“, Констракта со „In corpore sano“ и Зое Кидах со „Бејби“. Меѓу номинираните се најдоа и момците од ДНК за темата „Ако утре ме нема“.
Сепак, најинтересно за двата часа, колку што траеше ЛАЈВОТ, е што беа оставени повеќе од 20 илјади коментари, кои, освен реакција на номинираните, всушност беа и барања на MAC 2023 да ги видат некои од своите омилени музички идоли, што кај организаторите иницираше еден потполно неочекуван чекор – можност фановите да ги предложат своите кандидати за MAC 2023 награда!

Како што е објавено на официјалниот Инстаграм-профил на манифестацијата, секој кој сака, во коментар може да го тагне извдувачот со нумерата која според него заслужува номинација за MAC 2023, а во номинација ќе влезат првите десет нумери со најмногу лајкови на коментарот. Изборот на нумерите кои се подложни на учество можат да бидат од кој било музички жанр, односно можат да бидат претставници од која било земја учесничка: Србија, Хрватска, Босна и Херцеговина, Црна Гора, Македонија, Словенија, а единствен услов е нумерата да е издадена во периодот од 1 октомври 2021 до 15 октомври 2022 година.

Во понеделник на 5 декември точно напладне во продажба ќе биде пуштен првиот, ограничен контингент влезници по промо цени кои ќе бидат достапни преку страницата efinity.rs, преку бесплатната eFinity апликација и на билетарницата на Штарк Арената, како и влезниците за фан пит и ВИП влезниците, а нема сомнеж дека за најголемиот музички настан на годината ќе се бара карта повеќе!

Прочитај повеќе...

Балкан

Силен земјотрес ја погоди Грција

Објавено пред

на

Земјотрес со јачина од 5,1 степени според Рихтеровата скала го погоди Коринтскиот залив во централна Грција. Официјалните лица не известија дали земјотресот предизвикал материјална штета или дали има повредени.

Европско-медитеранскиот сеизмолошки центар наведува дека епицентарот на земјотресот е на длабочина од пет километри, на 16 километри од градот Ите.

Земјотресот, кој се случил околу еден час по полноќ, бил почувствуван дури до Атина, на 115 километри од епицентарот.

Прочитај повеќе...

Facebook

Последни објави

Магазин4 минути

Airbus создаде водороден мотор за авиони

Како дел од својата цел да има авиони со нулта емисија во употреба до 2035 година, Airbus најави развој на...

Скопје14 минути

Се огласија од МВР, пратени дојави за бомби и за ТЦ Бисер, Транспортен центар, Флатирон и ПС Центар.

Денеска (09.12.2022) околу 09.30 часот во СВР Скопје било пријавено дека на електронска адреса на седум средни училишта во Скопје...

Кичево3 часа

Неодолива неделна акција на производи во АТВА Маркети

За сите верни потрошувачи, АТВА Маркети Кичево истакнаа неделна акција на производи која трае до 15 декември. Купувај и заштеди!

Временска прогноза3 часа

Сите информации за новиот циклон кој носи обилни врнежи од дожд

Моќниот циконски систем од запад полека му се приближува на регионот и на Македонија и истиот веќе започна да влијае...

Хороскоп12 часа

Хороскоп за петок (9 декември)

ОВЕН Еден разговор може да ве стави во незгодна позиција да мора да бирате помеѓу семејството, пријателите и партнерот. Послушајте...

Кичево13 часа

96.5 MHz – Радио „Акорд“ – 17 години вашата верна радио и онлајн музичка фреквенција во кичевскиот етер

На фреквенција од 96.5 MHz во Кичево, 24 часа на ден, се емитува музика по избор на слушателите,најнови хитови од македонската и странската...

Технологија15 часа

Апликацијата „Meitu“ која користи вештачка интелегенција ги освои сите симпатии, вашите фотографии ги претвора во анимирани ликови

Апликацијата Meitu има примарна функција за ретуширање фотографии, но нејзините автори додадоа нова опција која користи вештачка интелигенција за да...

Кичево22 часа

Од средина на ноември до сега вкупно 13 луѓе од Кичево биле жртви на напади од бездомни кучиња, решение за сега очигледно нема

Од средина на месец ноември па се до денес, вкупно 13 луѓе биле цел на кучиња скитници кои биле нападнати...

Гејминг22 часа

Microsoft сака да ја донесе Call of Duty на конзолите на Nintendo

Фил Спенсер ја објави 10-годишната посветеност на компанијата да ја направи CoD достапен на конзолите на Nintendo доколку се постигне...

Временска прогноза23 часа

Обновена временска прогноза: Доаѓа дожд и невреме за викенд

Може слободно да се каже дека за време на викендот, како и во почетокот од следната седмица регионот и Македонија...

НАЈЧИТАНИ