Кичевските матуранти, генерација 2021-2025 денес со веселба и дефиле го завршија и последниот училишен ден како средношколци. Дождот не беше пречка за нивно славје. Тие најпрво во дворот на гимназијата со развиорени знамиња заиграа оро и пееја песни, со што ја заокружија четиригодишната дружба од средното образование.

п.с. Забележливо е дека кај младите се враќа трендот на прославување со македонски знамиња, нешто што во изминатите години беше подзаборавено. Секоја чест!

– Апел да внимаваат денес на својата и на безбедноста на сите други граѓани, да се памети и оваа година по убави спомени вашата матура!

Кратко видео од прославата пред гимназијата Мирко Милески – ТУКА

Со среќа!

Денес пред општинската зграда во Кичево ќе се одржи третиот протест за настанатата дива депонија која тлее доста време и ги труе кичевчани. Организаторите и кичевчани уште еднаш ќе пробаат да извршат притисок врз надлежните институции веднаш да се зафатат со решавање на нашиот долгогодишен проблем, депонијата, која се наоѓа во градското подрачје, кај стар Керамички Комбинат.

Преку социјалните мрежи го повикуваат градоначалникот и советниците на Општина Кичево, да излезат на овој протест и да соопштат што превземале или што ќе превземат за решавање на овој проблем.

Во меѓуредови упатуваат порака дека протестот не е партиски, не е национален ниту религиски, туку граѓански протест и дека се строго забранети партиски обележја.

– Протестот според изворот е закажан за денес од 18:00 часот, пред новата зграда на Општина Кичево.

Фејсбук настан – ТУКА

По успешно реализирани три креативни работилници, следува финалниот настан, кој ќе биде круна на целиот процес. Делата на сите учесници ќе бидат изложени во посебна галактичка атмосфера, придружена со театар, дискусии и астрономија. Следува иницијатива која преку уметност и наука ја обединува младината од различни културни и етнички заедници во Кичево.

International Space Alliance (ISA), во партнерство со Организацијата за безбедност и соработка во Европа (OSCE) и Мисијата на ОБСЕ во Скопје, успешно го реализира проектот „Interstellar Expressions: Fostering Cultural Unity through Celestial Arts”

🗓 Агенда – 22 Мај (Среда)
📍 Национална Установа Центар за Култура „Кочо Рацин”

17:00 – 18:30 ч. (Платото на  НУЦК „Кочо Рацин”)
🚀 Работилница за ракети од пластични шишиња со вода
Водена од Гитика Горти, основач и извршен директор на IgnitedThinkers

🎫 Пријави се на работилницата за ракети бесплатно – ТУКА

🌍 + Можност за испраќање разгледници во вселената преку Club for the Future на Blue Origin!

18:30 – 19:00 ч. (Голема Сала на НУЦК „Кочо Рацин”  )
🗣 Дискусија: „Детските права и Вселената”
со Александар Ташковски, експерт по меѓународно право и прв македонски застапник во меѓународното вселенско право

19:00 – 19:30 ч.
🎓 Инспиративна дискусија: „Истражување надвор од Космосот како студент”
со Гитика Горти, основач и извршен директор на IgnitedThinkers

19:30 – 20:00 ч.  (Голема Сала на НУЦК „Кочо Рацин”)
🎭 Театарска претстава: „Небесни Завеси”

20:15 ч.  (Фоајето на НУЦК „Кочо Рацин”)
🍸 Коктел прием и голема изложба од сите дела креирани од работилниците во фоајето
Изложбата ги прикажува уникатните дела создадени од младите учесници низ сите работилници – спој на уметност, култура и вселенска инспирација.

🔭 Очекуваме присуство и на делегацијата од ОБСЕ – Скопје, како и претставници од Peace Corps.

👨‍👩‍👧‍👦 Сите деца се добредојдени на работилниците и на настанот – во придружба со родител или старател.

/ПР