Следете не

Култура

(ФОТО+ВИДЕО) Вистински Рај за очи и душа се Богојавленските проблесоци во Ростуше, Радика и Гари

Објавено пред

на

Бигорски Манастир

Веќе неколку дена Црквата ги повикува своите верни чеда да „одат и нацрпат вода од источникот на спасението“, од „духовниот камен“ од кого избија и потекоа води на вечен живот, Господ наш Исус Христос, Кој денес во реката Јордан од Јован се крштева. Ова големо Таинство, со кое „се просветлува секој човек што доаѓа на светов“, е исклучителна привилегија на секој Христијанин со чинот кој се нарекува Осветувањето вода на празникот Богојавление, всужност да го доживее личното осветување и просветување преку познанието на единосуштната и надсуштествената Троица, Отецот и Синот и Духот.

Со прекрасни песни и пророчки слова таа сака да ја трогне душата, прикажувајќи чудесна глетка на која со трепет се восхитуваат и силите ангелски: како „Оној Кој ја обеси земјата на водите“ Го примаат речните води; како „Оној Кој го облекува небото со облаци“ е облечен во водите Јордански; како Самиот Творец на родот човечки се соблекува, за да ја покрие голотијата Адамова и да го облече во нова и светла облека на духовен препород, за со таа облека да ја стопли душата на паднатиот човек, оладена од студот на страстите… Водата Господ ја осветува, за ние, кои сме облечени во тело, преку видливото оросување на телото со вода, полесно да ја подготвиме душата за оросување со Светиот Дух. Тоа осветување треба да продре длабоко, во внатрешното битие на човекот и да го направи нова твар, обновена личност, жител на рајот и сведок на тајните Божествени.

Задоена од светопреданискиот дух на Црквата Христова, Бигорската Света Обител со достоинство и велелепие го празнуваше денеска празникот на Троичното Богојавление, настанот на најголемото откритие во историјата – имено, откривањето на единиот Бог во Троица. Божествено јавување, Просветление, Очистување. На душата олеснување од гревовите и исконско радование. Со чувства на благодарност и на живот во светлината духовна, многубројни верни притекнати од разни краеви и сосредоточени во сечесниот храм на Царицата Мајка во с. Ростуше, го празнуваа молитвено денот на Христовото Крштение во Јорадан од раката на Чесниот Претеча и Божествен Крстител Свети Јован. Литургиското собрание, возглавено од нашиот богољубив и празникољубив Старец, Светиот Антаниски г. Партениј, свештенолепно ја отсликуваше славата и честа на денешниот празник. Молитви, благодарења и мистично соединување со нашиот Спасител, Господ Исус Христос, беше содржината на богослужбеното торжество во Ростуше.

По завршетокот на Божествената Евхаристија, традиционално, со молитвена литија, народот Божји се упати кон брзите води на Радика, каде што Старецот, преку чинот на Големиот Богојавленски водосвет, го испроси благословот Божји и осветувачката сила на Светиот Дух. И она што го полнеше со восхит срцето на секој присутен, беше многубројноста на младите души подготвени да влезат во осветените водотеци од љубов кон светиот крст и за небесен благослов. Така, годинава над двесте и педесет млади луѓе влегоа во Радика кога Епископот г. Партениј го положи крстот во реката, благословувајќи ги претходно сите нив со татковски благослов. Од нив, пак, најголемата радост ја имаше Александар Најдовски од Битола, кој по втор пат го извади чесниот крст од осветените води на Радика.

Откако владиката г. Партениј ја сподели радоста и благодатта со верниот народ, по претходна молба од ѓаконот Дарко Несторовски и на благочестивите гарчани, се упати кон славното мијачко село Гари, родното место на генијалниот копаничар Петре Гарката, за таму, по прв пат, да го изврши Големиот Богојавленски водосвет и да ги освети водните струи на Гарска Река. Сместена во живописна клисура, среде планински врвови и високи карпи, реката на с. Гари мистично раскажуваше за својата радост од денешната посета и свештениот чин што се изврши во неа. Благословот, пак, да го извади чесниот крст од нејзините брзи води го имаше младиот Виктор Нестороски. Голема благодарност и нескриена радост и задоволство се отсликуваше на лицата на присутните, кои домаќински го пречекаа нашиот Старец, Епископ г. Партениј, бидејќи за нив беше голем благослов и историски ден на посета на владика, кој им го благослови селото и делата на нивните раце и ги освети водите, положувајќи го во нив чесниот крст.

Небесните светлини од овој благословен ден да ни ги умножува Бог, воведуваќи нè во Својата чудна и незаодна светлина на Својата слава.

Повеќе фотографии од манифестацијата ќе најдете ТУКА

Театар

За својот роденден „Солза и смеа“ доаѓаат во Кичево со нивната најнова урнебесна комедија, во среда од 19ч сите патишта водат кон НУЦК „Кочо Рацин“, бидете таму!

Објавено пред

на

Овој месец популарните тв ликови од „Солза и смеа“ доаѓаат во Кичево, каде за прв пат во нашиот град ќе го изведат нивното најново „РОДЕНДЕНСКО ШОУ“ кое е специјално направено по повод 28 години од формирањето на „Солза и смеа“. Станува збор за урнебесна комедија, која со сигурност ќе Ве насмее до солзи!!!

Нашата информативна екипа постојано ги следи нивните настапи во градовите низ Македонија, па можеме со сигурност да кажеме дека каде и да се појават постои огромен интерес за овие популарни ликови, бидејќи овој месец имаат голема турнеја низ цела Македонија. Каде и да се појават, ги полнат салите во градовите ширум нашата земја.

Ова најново комично шоу на „Солза и Смеа“, ќе се одржи во среда на 28.02.2024 година во НУЦК „Кочо Рацин“ – Кичево, а почетокот на овој спектакл започнува во 19:00 часот.

Билети по цена од 250 денари може да си резервирате 24/7 на 078/ 667-797.

Побрзајте, резервирајте си билети додека сеуште има!

Прочитај повеќе...

Литература

Вечерва од 19 часот, промоција на книгата „На крајот од патот“ од Марија Никодиноска – Лазареска во ЦК „Кочо Рацин“ – Кичево

Објавено пред

на

За нешто помалку од половина час вечерва, од 19ч во малата сала при Центарот за култура „Кочо Рацин„ – Кичево ќе се одржи промоција на книгата „На крајот на патот“ од Марија Никодиноска
Марија Никодиноска Лазареска има голем број на дипломи и признанија од разни манифестации, курсеви, обуки и сл. Еден од основачите на литературниот клуб Китка. Учествувала на голем број литературни манифестации и конкурси.

Рецензент и промотор била на неколку романи, учествувала во заеднички збирки, алманаси, антологии итн. Исто така има издадено во 2019 година и своја книга која се вика “Огнени воздишки”, а оваа книга “На крајот на патот” е втора книга по ред. И двете книги се напишани со многу љубов, со срце и душа. Опеана е љубовта, животот, среќата и тагата.

Ова е само почеток на нејзиното литературно творештво.

Прочитај повеќе...

Музика

(ВИДЕО) Премиера на новиот мега сингл „Маскенбал“ на Лозано, режисерот Јовески ексклузивно не го криеше задоволството од овој магичен спој

Објавено пред

на

©porta.mk

Во сенките на венецијанските улици, низ маглата која го покрила градот како свој, се игра вечно собирање на души. Секој чекор што го правиме, секој пресврт на мислата, секој здив звучи како мистериозна балада, на чии ноти танцуваат маскирани лица, зачувани под маската на постоењето – така мене ми зазвучи музиката на Лазар Цветкоски и вокалната интерпретација на Влатко Лозаноски, истакна Јовески во интервју за Порта.мк

– Кога ја слушнав демо снимката што ми ја испрати продуцентот Лазар, веднаш забележав нешто магично во мелодијата. Тие ноти, како да летаат низ воздухот, отидоа во мистичен свет на моите фантазии, секој звук беше како далечен шепот, но таа далечина беше Венеција. И затоа како работен наслов на сценарио за „Маскенбал“ на листот напишав локација „Венеција“ и започнаа подготовките.

Маската – како метефора е парче од нашата душа, кое го криеме од светот, а понекогаш и од самите себе под која се претвораме во некој друг, во некој чиј идентитет се топи во неодоливата игра на виртуелната реалност. Затворени во оваа маска, стануваме актери во спектаклот на нашите сопствени сенки, танцувајќи во оваа вечна комедија на животот. Но, понекогаш, под оваа маска, се чувствуваме како изгубени души меѓу минатото и сегашноста, кои ги истражуваме длабочините на нашата сопствена темнина. И во тој момент, Венеција постои како простор на мистерија, депресија и носталгија, каде што секој прекумерен здив е повик кон она што било и што можеби никогаш нема да биде.

– Имено, затоа како режисер на видеото избрав да се снима „Маскенбал“ во Венеција, а не во кој било друг град низ светот каде што има илјадници други карневали – поради што оваа мистериозна градина со маски ни овозможува да запловиме длабоко во себе, да ги истражуваме темните агли на сопствената душа и да се запрашаме: Кое е вистинското лице зад маската?, за нашиот медиум говори Даниел Јовески, еден од најдобрите видео креатори и режисери од нашата Македонија

Во продолжение, големиот хит „Маскенбал“

Споделете, лајкувајте, претплатете се на официјалниот јутјуб канал на Лозано!

Прочитај повеќе...

Facebook

Последни објави

На денешен ден3 часа

25 февруари – На денешен ден

1570.- Папата Пиј ја екскомуницира англиската кралица Елизабета I поради нејзината поддршка на протестантизмот и на Англиканската црква. 1723.- Умре...

Хороскоп3 часа

Хороскоп за недела (25 февруари)

Овен  Оние Овни кои се родители целосно ќе се посветат на своето семејство особено на потомството. Кон своите деца ќе...

Спорт12 часа

(ГАЛЕРИЈА) „ФК Кичево“ со успешен почеток на пролетниот дел од детската фудбалска лига

Генерациите на „ФК Кичево“ денес ги одиграа натпреварите во своите категории. Во генерацијата 2011 година „ФК Кичево“ оствари победа против...

Магазин13 часа

Apple доминира – iPhone зазема седум места на листата на 10 најпродавани телефони

Седум од десетте најпродавани модели на телефони во 2023 година беа различни модели на iPhone, што ја прошири доминацијата на...

Хороскоп1 ден

Хороскоп за сабота (24 февруари)

ОВЕН Доколку се занимавате со приватен бизнис, може да очекувате дека ќе бидете многу успешни и дека финансиите ќе одат...

Спорт1 ден

Изов даде своја анализа за Грузија, предводникот на женската фудбалска репрезентација очекува да се покажеме во добро светло

Женската репрезентација на Македонија во Тбилиси ќе одигра два контролни натпревари против селекцијата на Грузија. Контролните натпревари ќе бидат одиграни...

Театар1 ден

За својот роденден „Солза и смеа“ доаѓаат во Кичево со нивната најнова урнебесна комедија, во среда од 19ч сите патишта водат кон НУЦК „Кочо Рацин“, бидете таму!

Овој месец популарните тв ликови од „Солза и смеа“ доаѓаат во Кичево, каде за прв пат во нашиот град ќе...

Занимливости1 ден

Откриен целосен фосил „змеј“ стар 240 милиони години

Меѓународен тим на научници во јужна Кина го откри првиот целосен фосил на воден рептил долг пет метри од периодот...

Технологија1 ден

Директорот на „Интел“ со отворена понуда за меѓусебна соработка на „AMD“ и „nVIDIA“

Во технолошкиот свет, големите компании се како „маче“ и „куче“ во светот на животните – не се сакаат и не...

Кичево2 дена

Телефони во раце за Владо од Кичево да продолжи со лекување, ајде народе да се обединиме, поголемиот дел на финансиите се собрани!

Почитувани добри и хумани луѓе, наши сограѓани, познаници, пријатели и добронамерници, изминува еден месец каде нашиот сограѓанин од Кичево Владо...

НАЈЧИТАНИ