Македонија
„Wizz Air“ денес најави три нови меѓународни линии од Скопје, граѓаните од денес ќе можат да патуваат за Барселона, Лион и Штутгарт

Wizz Air, еколошки најодржливата авиокомпанија на EMEA*, денеска најавува три нови меѓународни линии од Скопје. Новите дестинации ги вклучуваат Барселона, Лион и Штутгарт, зголемувајќи ги опциите за патување за патниците во Македонија. Основните цени започнуваат од само 24,99 евра за Штутгарт и 29,99 евра за Лион. Новата линија од Скопје до Барселона е достапна од 31,99 евра. Билетите за новите дестинации од Скопје се веќе достапни на официјалната веб-страница на Wizz Air и преку мобилната апликација на компанијата.
Како најголема авиокомпанија во Македонија, Wizz Air ја потврдува својата долгорочна посветеност на македонскиот пазар. Со додавањето на овие три нови линии, авиокомпанијата има за цел да ја диверзифицира својата мрежа, задоволувајќи ги потребите за патување на македонците, а истовремено обезбедувајќи опции за влезен туризам.
Новите линии од Барселона и Лион почнуваат со операции од мај 2025 година, нудејќи им на патниците возбудливи можности да ги истражуваат енергичните европски градови по пристапни цени за претстојното лето. За Штутгарт директните летови почнуваат од септември 2025 година.
НОВИТЕ ЛИНИИ:
Барселона: Раздвижен град познат по својата уникатна архитектура, богата историја и живописна култура. Резервациите се отворени денес, летовите ќе започнат на 3 мај 2025 година и ќе бидат достапни во вторник и сабота.
Лион: Познат по својата кулинарска извонредност и историско значење, Лион е дестинација што мора да ја посетат и љубителите на храна и љубителите на културата. Резервациите се отворени од денес, а летовите ќе има во вторник, четврток и сабота. Летовите ќе започнат на 1 мај 2025 година.
Штутгарт: Познат по својата автомобилска индустрија и прекрасните паркови, Штутгарт нуди спој на модерност и традиција. Летовите ќе започнат на 29 септември 2025 година, три пати неделно, во понеделник, среда и петок.
„Овие нови рути од Скопје ја истакнуваат нашата посветеност да понудиме удобни и достапни опции за патување за нашите патници“, изјави Роланд Тишнер, управен директор на Wizz Air Унгарија. „Возбудени сме што ќе ја диверзифицираме нашата мрежа и ќе го поврземе Скопје со популарни дестинации како Барселона, Лион и Штутгарт. Овие нови линии ќе им овозможат на патниците да истражуваат нови возбудливи локации и да се впуштат во незаборавни авантури, истовремено нудејќи им можност на европските туристи да ги откријат убавините на Северна Македонија.”
Wizz Air е горд што нуди мрежа од 32 рути од Скопје, што ја подобрува поврзаноста и опциите за патување и за локалните жители и за посетителите. Со поттикнување на растот на работните места и поттикнување на туризмот, Wizz Air ја покажува својата посветеност во поддршката на развојот на туристичката индустрија во Северна Македонија и нејзиниот целокупен економски развој.
„Како ТАВ Аеродроми, воодушевени сме што можеме да го објавиме враќањето на Барселона како дестинација за одмор од скопскиот аеродром од 3 мај 2025 година, на која ќе сообраќа Визер, особено затоа што тоа беше најпосакуваната рута од нашите патници. Дополнително, освен до Барселона, Визер следната година ќе ги воведе и Лион и Штутгарт како нови дестинации од скопскиот аеродром, што ќе биде предност за сите бидејќи со ова се проширува мрежата на дестинации од скопскиот аеродром, мапата на авиолинии на Визер, како и опциите за патување за секој авантурист. Преку ова проширување на мрежата на авиолинии, со нетрпение очекуваме и целиме кон понуда на поголема удобност и подобрување на поврзувањето за нашите патници со светот“. – изјави Неџат Курт, генерален директор на ТАВ Македонија.
Македонија
(ВИДЕО) МВР формира нова Единица за сајбер безбедност која ќе биде клучен столб за дигиталниот суверенитет на институцијата

Министерот за внатрешни работи Панче Тошковски присуствуваше на промоцијата на новоформираната специјализирана Единица за сајбер безбедност на Министерството за внатрешни работи.
– „Во време на брза дигитализација и се поопасни и пософистицирани сајбер закани, Министерството за внатрешни работи презема стратешки и решителен чекор, за првпат во своето постоење, формира специјализирана Единица за сајбер безбедност. Оваа единица ќе биде клучен столб во одбраната на дигиталниот суверенитет на МВР како институција која управува со најголемиот и најсензитивниот обем на лични податоци на граѓаните на државата. Безбедноста на овие системи е прашање не само на институционален капацитет, туку и на државна стабилност и доверба на граѓаните. Сите активности на новоформираната единица се насочени кон унапредување на безбедноста и отпорноста на внатрешната ИТ-инфраструктура на самото Министерство, со фокус исклучиво на заштита на неговите информациски системи. За првпат, Министерството набави современа техничка и софтверска опрема за проактивно следење, детекција и превенција на сајбер напади, со што поставува темели на системска и долгорочна заштита.“, потенцираше министерот Тошковски.
Министерот Тошковски информираше дека новата Единица за сајбер безбедност ќe биде одговорна за сеопфатна заштита и мониторинг на информациските системи на МВР, ќе врши постојана анализа и навремено детектираее на сајбер закани, ќе врши инсталација, одржување и менаџмент на безбедноста на ИТ инфраструктурата на министерството.
Со оваа иницијатива, МВР поставува нов стандард во сајбер одбраната кој подразбира модерен, одржлив и цврст безбедносен штит кој одговара на предизвиците на денешницата и обезбедува доверба кај јавноста дека податоците на граѓаните се под највисока заштита.
Исто така денеска министерот Тошковски заедно со деканот на Факултетот за информатички науки и компјутерско инженерство (ФИНКИ), проф. д-р Боро Јакимовски, потпишаа меморандум за соработка помеѓу Министерството и Факултетот.
Целта е размена на знаења, искуства и едукација, како и унапредување и доусовршување на кадарот во областите каде што двете институции имаат заеднички интереси. Ваквата соработка претставува уште еден чекор кон јакнење на техничките и човечките капацитети на МВР и поддршка на дигиталната трансформација на институцијата, со крајна цел – подобри и побрзи услуги за граѓаните, информира МВР.
Македонија
Се „лета“ на патиштата, на радар фатен 75 годишник од Охрид, возел 126 км/ч на место каде дозволено е 50?

На 17.07.2025 во 14.21 часот на регионален пат Царев двор-Макази, кај место викано „Ипоз Преспа”, полициски службеници од ОВР Ресен го лишиле од слобода Д.Џ.(75) од Охрид.
При контрола на патниот сообраќај со радар, полициските службеници констатирале дека Д.Џ. управувал патничко возило „ауди” со охридски регистарски ознаки со брзина од 126 километри на час на место каде со сообраќаен знак брзината на движење е ограничена на 50 километри на час.
За настанот бил запознаен јавен обвинител, а по негово целосно документирање ќе следува соодветна пријава, соопшти МВР.
Македонија
Поради пожар затворен за сообраќај автопатот од наплатна рампа Миладиновци до клучка Бунарџик, во двата правца, возилата се насочуваат кон Петровец

Министерството за внатрешни работи ги известува граѓаните дека поради пожар кој настана попладнево (17.07.2025), затворен за сообраќај е автопатот од наплатната рампа Миладиновци до клучка Бунарџик, во двата правци.
Возилата се пренасочуваат кон Петровец. Апелираме до граѓаните да не се упатуваат кон овој дел од автопатот се додека не се создадат услови за повторно пуштање на сообраќајот, за што сооодветно ќе известиме, соопшти МВР.
-
Кичево1 ден
Во с.Цер кичевско биле забележани непознати лица кои нуделе Цептер продукти и запишувале присуство
-
Кичево8 часа
Неконтролирано се движел, по пријава во Кичево бил сопрен, констатирано е дека бил пијан!
-
Хороскоп1 ден
Хороскоп за петок (18 јули)
-
Хроника1 ден
МВР со детали за стравичната несреќа во Охрид каде со мопед загина тинејџер на 16 години
-
Македонија14 часа
Се „лета“ на патиштата, на радар фатен 75 годишник од Охрид, возел 126 км/ч на место каде дозволено е 50?
-
Македонија1 ден
Поради пожар затворен за сообраќај автопатот од наплатна рампа Миладиновци до клучка Бунарџик, во двата правца, возилата се насочуваат кон Петровец
-
Хороскоп3 часа
Хороскоп за сабота (19 јули)
-
Хроника14 часа
Од охридска плажа до болницата Св.Стефан донесен 65 годишник од БиХ без знаци на живот